ມີເດຍລາວແຂວງເຊກອງ ວັນທີ 17 ພະຈິກ 2021 ທີ່ພະແນກສາທາລະນະສຸກແຂວງເຊກອງ  ບໍລິສັດ ລາວກະລຶມ ບໍ່ແຮ່ ຈໍາກັດ ໄດ້ນໍາເອົາອຸປະກອນການແພດ ປະກອບມີ: ຖົງມືການແພດ100ຄູ່, ຜ້າອັດປາກ 2 ແກັດ ນ້ຳຢາຂ້າເຊື້ອ75 ລິດ, ລວມທັງໝົດ 6 ລ້ານກວ່າກີບ ມອບໃຫ້ຄະນະສະເພາະກິດແຂວງເຊກອງ, ເຊິ່ງຕາງໜ້າມອບ ໂດຍທ່ານ ຫມອກແກ້ວ ຫມື່ນວິເສດ ຫົວຫນ້າຫ້ອງການບໍລິຫານ ພະແນກສາທາລະນະສຸກແຂວງ, ຮັບໂດຍທ່ານ ດຣ ພູຂັນ ຈັນທະວົງ ຮອງຫົວໜ້າພະແນກສາທາລະນະສຸກ ຕາງໜ້າຄະນະສະເພາະກິດແຂວງເຊກອງ,  ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້; ທ່ານ ດຣ ພູຂັນ ຈັນທະວົງ ຕາງຫນ້າຄະນະສະເພາະກິດຂັ້ນແຂວງ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະຂອບໃຈມາຍັງ ບໍລິສັດ ລາວກະລຶມ ບໍ່ແຮ່ ຈໍາກັດ ທີ່ມີນໍ້າຈິດນໍ້າໃຈ ແລະເສຍສະຫຼະຊັບສິນ ເພື່ອປະກອບສ່ວນຊ່ວຍເຫຼືອໃຫ້ຄະນະສະເພາະກິດຂັ້ນແຂວງຂອງພວກເຮົາໃນຄັ້ງນີ້ ແລະ ຂໍຢືນຢັນ ແລະໃຫ້ຄໍາໝັ້ນສັນຍາວ່າ ຈະນໍາເອົາເຄື່ອງຊ່ວຍເຫຼືອດັ່ງກ່າວ ນໍາໃຊ້ເຂົ້າໃນການເຄື່ອນໄຫວວຽກງານຕ້ານ ແລະແກ້ໄຂການລະບາດຂອງພະຍາດໂຄວິດ-19 ພາຍໃນແຂວງຂອງພວກເຮົາ ໃຫ້ຖືກຕ້ອງຕາມເປົ້າໝາຍ.

ຂ່າວ:ພຸດທະສອນ