ມີເດລາວແຂວງເຊກອງ
ວັນທີ 23 ພະຈິກ 2021 ທ່ານ ສີໜຸກ ບຸດສິງທອງ ວ່າການຫົວໜ້າ ທະນາຄານສົ່ງເສີມກະສິກໍາ ( ທສກ ) ສາຂາ ແຂວງເຊກອງ ພ້ອມດ້ວຍພະນັກງານ ທສກ ໄດ້ນໍາເອົາເຄື່ອງບໍລິໂພກ-ອຸປະໂພກ ເຊິ່ງປະກອບມີ: ນໍ້າດື່ມ ຈໍານວນ 20 ແພັກ, ມີ່ 10 ແກັດ ລວມມູນຄ່າ 1 ລ້ານກວ່າກີບ ມອບໃຫ້ ແພດ-ໝໍ, ເຈົ້າໜ້າທີ່ ແລະຜູ້ຕິດເຊື້ອໂຄວິດ-19 ຢູ່ທີ່ສູນປິ່ນປົວພາກສະໜາມ ບ້ານໂມ ເມືອງລະມາມ ແຂວງເຊກອງ , ເຊິ່ງຕາງໜ້າຄະນະສະເພາະກິດ ກ່າວຮັບໂດຍທ່ານ ດຣ ສັກໄຊ ພິລາວົງ ຫມໍປິ່ນປົວປະຈໍາສູນດັ່ງກ່າວ ໂດຍມີພາກສ່ວນທີ່ກ່ຽວຂ້ອງ ເຂົ້າຮ່ວມ.

ໂອກາດນີ້; ທ່ານ ດຣ ສັກໄຊ ພິລາວົງ ຕາງຫນ້າຄະນະສະເພາະກິດຂັ້ນແຂວງ ກໍໄດ້ສະແດງຄວາມຍ້ອງຍໍຊົມເຊີຍ ແລະຂອບໃຈມາຍັງ ທ່ານ ສີໜຸກ ບຸດສິງທອງ ພ້ອມຄະນະ ທີ່ມີນໍ້າຈິດນໍ້າໃຈ ແລະເສຍສະຫຼະຊັບສິນ ເພື່ອປະກອບສ່ວນຊ່ວຍເຫຼືອໃຫ້ຄະນະສະເພາະກິດຂັ້ນແຂວງຂອງພວກເຮົາໃນຄັ້ງນີ້ ແລະ ຂໍຢືນຢັນ ແລະໃຫ້ຄໍາໝັ້ນສັນຍາວ່າ ຈະນໍາເອົາເຄື່ອງຊ່ວຍເຫຼືອດັ່ງກ່າວ ນໍາໃຊ້ເຂົ້າໃນການເຄື່ອນໄຫວວຽກງານຕ້ານ ແລະແກ້ໄຂການລະບາດຂອງພະຍາດໂຄວິດ-19 ພາຍໃນແຂວງຂອງພວກເຮົາ ໃຫ້ຖືກຕ້ອງຕາມເປົ້າໝາຍ.

ຂ່າວ:ພຸດທະສອນ