ມີເດຍລາວແຂວງຈຳປາສັກ
ວັນທີ 23 ພະຈິກ 2021ນີ້, ຄະນະຈັດຕັ້ງເມືອງໂພນທອງ ແຂວງຈຳປາສັກ ໄດ້ຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ແລະ ເອົາມະຫາຊົນເຂົ້າເປັນສະມາຊິກພັກສຳຮອງ ພິທີໄດ້ຈັດຂື້ນທີ່ສະໂມສອນຂອງເມືອງດັ່ງກ່າວ ໂດຍການເຂົ້າຮ່ວມຂອງສະຫາຍ ນາງ ນົງຄານ ນົນທະໃສ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ, ມີສະຫາຍ ນາງ ໄກ່ອຳພອນ ແກ້ວລາພູມີ ຮອງຄະນະຈັດຕັ້ງເມືອງ, ມີສະຫາຍ ບົວພາ ພົມມະຈັນ ເລຂາໜ່ວຍພັກນົກຮົບເກົ່າຕ່າງໜ້າຄະນະໜ່ວຍພັກຫ້ອງການ, ແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງ ແລະ ສະມາຊິກພັກເຂົ້າຮ່ວມ.

ໃນພິທີໄດ້ຜ່ານ ມະຕິຕົກລົງ ຂອງຄະນະປະຈຳພັກເມືອງ ວ່າດ້ວຍການອະນຸມັດເລື່ອນເອົາສະມາຊິກພັກສຳຮອງເປັນສະມາຊິກພັກສົມບູນເຊິ່ງມີ 7 ໜ່ວຍພັກ ຈຳນວນ 10 ສະຫາຍ ຍິງ 4 ສະຫາຍຄື: ໜ່ວຍພັກສືບສວນ-ສອບສວນມີ ສະຫາຍ ຮຕ ຄານໄຊ ໄຊວົງສຸກ, ໜ່ວຍພັກສັນຕິບານມີ ສະຫາຍ ຮທ ນິລັນດອນ ພົນເສນາ, ສະຫາຍ ວທ ສົມໝາຍ ອຳນາດວົງ, ໜ່ວຍພັກຈາລະຈອນມີ ສະຫາຍ ຮທ ລິນທອງ ຄຳເທພາ, ໜ່ວຍພັກຫ້ອງການສະຫະພັນນັກຮົບເກົ່າມີ ສະຫາຍ ນາງ ໂສພິດ ແສນປະເສີດ, ສະຫາຍ ທອງຄູນ ມາບຸນ, ໜ່ວຍພັກຫ້ອງການແຜນການມີ ສະຫາຍ ນາງ ໂຄຕາມີ ແຫວນສະຫວັດ, ໜ່ວຍພັກສະຫະພັນກຳມະບານມີ ສະຫາຍ ນາງ ພອນສະຫວັນ ເທບປັນຍາ, ໜ່ວຍພັກທະນາຄານມີ ສະຫາຍ ຄຳໃຜ່ ກອງສີນ ແລະ ສະຫາຍ ນາງ ສຸກສະຫວັນ ພອນສະຫວັນ.

ນອກນັ້ນໃນພິທີຍັງໄດ້ຮັບເອົາມະຫາຊົນຈໍານວນ 4 ສະຫາຍ ຍິງ 1 ສະຫາຍເຂົ້າພັກສຳຮອງຄື: ໜ່ວຍພັກປ່າໄມ້ມີ ສະຫາຍ ບຸນຖັນ ແກ້ວຫານາມ, ໜ່ວຍພັກຫ້ອງການສະຫະພັນກຳມະບານມີ ສະຫາຍ ພູຂັນ ວັນດວງແກ້ວ, ໜ່ວຍພັກຫ້ອງການອຸດສະຫະກຳ-ການຄ້າມີ ສະຫາຍ ບັນດິດ ທອງຜົນ ແລະ ສະຫາຍ ນາງ ສຸກສະຫວັນ ຂຸນຈະເລີນ.