ມີເດຍລາວແຂວງຈຳປາສັກ ວັນທີ 23 ພະຈິກ 2021 ເມືອງບາຈຽງຈະເລີນສຸກ ແຂວງຈໍາປາສັກ ເປີດຂະບວນການສັກຢາວັກຊິນຕ້ານພະຍາດໂຄວິດ-19ໃຫ້ກຸ່ມເປົ້າໜາຍ ອາຍຸ 12-17 ປີ ຂື້ນຢູ່ທີ່ໂຮງຮຽນມັດທະຍົມສົມບູນສຸກສໍາພັນ ໂດຍໃຫ້ກຽດເປັນປະທານ ຂອງທ່ານ ປອ ຄໍາກິ່ງແກ້ວ ປັດທຳມະວົງ ຮອງເຈົ້າເມືອງບາຈຽງຈະເລີນສຸກ ,ທ່ານ ນາງ ດຣ ອຸດຕະພອນ ສົມສີທາ ຫົວໜ້າຫ້ອງການສາທາລະນະສຸກເມືອງ ,ທ່ານ ອຸດອນ ສີລິວັງເວີນ ຫົວໜ້າຫ້ອງການສືກສາທິການແລະກິລາເມືອງພ້ອມດ້ວຍຫົວໜ້າຫ້ອງການ-ຮອງຫົວໜ້າຫ້ອງການ,ຜູ້ອໍານວຍການ ມໍສໍ ສຸກສໍາພັນ,ທິມງານແພດໝໍ,ຄູອາຈານແລະນ້ອງໆນັກຮຽນເຂົ້າຮ່ວມ

ທ່ານ ນາງ ດຣ ອຸດຕະພອນ ສົມສີທາ ຫົວໜ້າຫ້ອງການສາທາລະນະສຸກຂື້ນກ່າວຄວາມໜາຍ,ຄວາມສໍາຄັນໃນການຮັບວັກຊີນ ເພື່ອສ້າງພູມຄຸມກັນໃຫ້ແກ່ກຸ່ມເປົ້າໜາຍແຕ່ອາຍຸ 12-17 ປີໃນການປ້ອງກັນພະຍາດໂຄວິດ-19ເພາະຈະຊ່ວຍຫຼຸດຜ່ອນຄວາມຮຸ່ນແຮງຫຼືເສຍຊິວິດໄດ້ ເຊິ່ງຄາດໜາຍທີ່ຈະສັກໃຫ້ໄດ້7.000 ຄົນ ທ່ານ ປອ ຄໍາກິ່ງແກ້ວ ປັດທຳມະວົງ ຮອງເຈົ້າເມືອງບາຈຽງຈະເລີນສຸກຍັງໄດ້ຮຽກຮ້ອງໃຫ້ລູກຫຼານທີ່ມີອາຍຸແຕ່12-17ປີພ້ອມພາກັນມາຮັບວັກຊີນໃຫ້ຄົບຕາມຈໍານວນທີ່ກະຊວງສາທາລະນະສຸກກຳໄວ້ ພ້ອມນັ້ນຍັງໃຫ້ບໍລິການຮັບວັກຊີນຕ້ານພະຍາດໂຄວິ-19 ຄັ້ງນີ້ຈົນຮອດແມ່ນວັນທີ30ພະຈິກ2021ຈິ່ງສຳເລັດ.

ສື່ມວນຊົນແຂວງຈຳປາສັກ