ເລີ້ມແຕ່ວັນທີ່ 27 ຕຸລາ 2021 ເປັນຕົ້ນມາເຖິງປັດຈຸບັນມີຜູ້ຕິດເຊື້ອສະສົມທັງໝົດ 677 ຄົນ ຍ້ອນຄວາມເອົາໃຈໃສ່ຂອງພັກ-ລັດ ຂັ້ນເທິງໄດ້ມີການວາງແຜນກັກຕົວເຂົ້າສູນປີ່ນປົວພະຍາດໂຄວິດ-19 ທີ່ໄດ້ແຜ່ລະບາດຢູ່ເມືອງໃໝ່ ແຂວງຜົ້ງສາລີ ບາງຈຳນວນທີ່ມີເງື່ອນໄຂສະດວກກໍ່ປີ່ນປົວຢູ່ເຮືອນຕົນເອງ.

ມາຮອດວັນທີ 25 ພະຈິກ 2021 ປິ່ນປົວຫາຍດີ 99 ຄົນ, ຍິງ 53 ຄົນ ປະຈຸບັນທົ່ວເມືອງມີບ້ານແດງ 19 ບ້ານ, ຜູ້ຕິດເຊື້ອປີ່ນປົວຢູ່ເຮືອນ 429ຄົນ, ຢູ່ສູນ 164 ຄົນ, ປີ່ນປົວຫາຍດີລວມ 182 ຄົນ, ການປີ່ນປົວພະຍາດໂຄວິດ-19 ໄດ້ປະຕິບັດຕາມຄຳແນະນຳຂອງແພດໝໍທຸກຄົນມີຄວາມຮັບຜິດຊອບຕໍ່ຕົນເອງສູງ, ໃສ່ຜ້າອັດປາກ, ເວັ້ນໄລຍະຫ່າງແຍກການກິນອາຫານ, ໃສ່ເຈວລ້າງມືທຸກໆ ຄັ້ງໃນເວລາຈັບສິ່ງຂອງອື່ນໆ ຍ້ອນຄວາມເອົາໃຈໃສ່ຂອງໜວ່ຍສະເພາະກິດໄດ້ທຸ້ມເທເຫື່ອແຮງເຄື່ອນໄຫວວຽກງານຫຼາຍໆ ດ້ານເປັນຕົ້ນແມ່ນເອົາຄົນເຈັບເຂົ້າສູນ, ການກິນອາຫານຂອງຄົນເຈັບທີ່ຢູ່ຫ່າງໄກພໍ່ແມ່ ຍາດຕິພີ່ນ້ອງມາເບິ່ງແຍງບໍ່ໄດ້ ແລະ ອື່ນໆ… ນອກຈາກນີ້ຍັງໄດ້ແບ່ງໜ້າທີ່ຮັບຜິດຊອບໃຫ້ແຕ່ລະໜວ່ຍຂອງສະເພາະກິດ ລວມມີ 7 ໜວ່ຍເຄື່ອນໄຫວເຮັດວຽກຕາມພາລະບົດບາດຂອງໃຜລາວຕາມການແບ່ງປັນຄື:

1.ໜວ່ຍປິ່ນປົວ, ເກັບຕົວຢ່າງ, ຂ້າເຊື້ອ.

2.ທີມງານໂຄສະນາເຜີຍແຜ່ປຸກລະດົມ.

3.ທາມລາຍ, ເກັບກຳຂໍ້ມູນກຸ່ມສ່ຽງເພື່ອກວດເກັບຕົວຢ່າງ.

4.ທີມງານຮັບຄົນເຈັບເຂົ້າສູນປິ່ນປົວ ແລະ ກວດຄົນເຈັບປີ່ນປົວຢູ່ເຮືອນ.

5.ຊີ້ນຳກຸ່ມບ້ານ, ປກສ, ປກຊ ປະຈຳແຕ່ລະຈຸດ.

6. ທີມງານກຳລັງເສີມເຄື່ອນໄຫວວຽກຂອງແຕ່ລະໜວ່ຍ.

7.​ ທີມງານເສດຖະກິດຈັດຊື້ອຸປະກອນຕ່າງໆ.

ພ້ອມນີ້ກໍ່ສະແດງຄວາມຂອບອົກຂອບໃຈມາຍັງແພດໝໍທີ່ໄດ້ເອົາໃຈໃສ່ປິ່ນປົວຄົນເຈັບຕາມວິຊາການແພດໃຫ້ໄດ້ຄຳແນະນຳທີ່ດີໃຫ້ແກ່ຄົນເຈັບກຳລັງພົບບັນຫາພະຍາດລະບາດໃນຄັ້ງນີ້.

#ພາບ-ຂ່າວ: ນ.ຄຳຫຼ້າ ອິນທະວົງ ຫ້ອງການ ຖວທ ເມືອງໃໝ່