ຂົວໂພນທອງມີຄວາມຍາວ 7,528 ກວ່າແມັດເຊິ່ງເປັນຂົວທີ່ຍາວທີ່ສຸດຂອງທາງລົດໄຟລາວ-ຈີນ ຂົວນີ້ຕັ້ງຢູ່ຊານເມືອງນະຄອນຫຼວງວຽງຈັນ ເປັນເຂດທີ່ມີພື້ນທີ່ຕໍ່າພຽງ ແລະ ຕິດຕໍ່ກັບເສັ້ນທາງ 450 ປີ ເຊິ່ງເປັນເສັ້ນທາງທີ່ມີລົດຈຳນວນຫຼາຍ ແລະສັນຈອນໄປມາຢ່າງໜາແໜ້ນ ພ້ອມທັງຂ້າມເສັ້ນທາງອ້ອມນະຄອນຫຼວງສອງເສັ້ນທາງ ໃນໄລຍະການການກໍ່ສ້າງ ແມ່ນມີຄວາມຫຍຸ້ງຍາກຫຼາຍພໍສົມຄວນ ເພາະມີລົດສັນຈອນລົບກວນຢ່າງຫຼວງຫຼາຍ ທ່ານ ໂຈ່ຊຽວເຊ່ຍ ອໍານວຍການບໍລິສັັດກໍ່ສ້າງທາງລົດໄຟຈີນເລກ 5 ກ່າວສໍາພາດຕໍ່ສື່ມວນຊົນເມື່ອບໍ່ດົນມານີ້.

ທ່ານ ໂຈ່ຊຽວເຊ່ຍ ບອກຕື່ມວ່າ: ການກໍ່ສ້າງເສັ້ນທາງລົດໄຟ, ໄດ້ກໍ່ສ້າງຂົວ ທັງໝົດ 170 ແຫ່ງ, ມີຄວາມຍາວທັງໝົດ 69,20 ກມ, ລວມທັງຂົວຂ້າມແມ່ນໍ້າຂອງ ຢູ່ແຂວງຫລວງພະບາງ 2 ແຫ່ງ ໃນນັ້ນ, ຂົວໂພນທອງແມ່ນຂົວທີ່ຍາວທີ່ສຸດ ເຊິ່ງເລີ່ມກໍ່ສ້າງໃນວັນທີ 15 ກໍລະກົດ 2020 ແລະ ອີກສາເຫດໜຶ່ງທີ່ມີຄວາມຫຍຸ້ງຍາກໃນການກໍ່ສ້າງຂົວດັ່ງກ່າວແມ່ນ ໄດ້ຂ້າມໝູ່ບ້ານປະຊາຊົນຫຼາຍບ້ານ, ສະນັ້ນຈຶ່ງມີວຽກງານດ້ານການຍົກຍ້າຍຫຼວງຫຼາຍ ແລະ ໜັກໜ່ວງ. ໃນຂະດຽວກັນນັ້ນ, ຍັງພົບກັບສະພາບພະຍາດໂຄວີດ-19 ທີ່ໄດ້ຢ່າງຮ້າຍແຮງ ແລະ ທັງເປັນລະດູຝົນຂອງປະເທດລາວ ການຈັດສົ່ງອຸປະກອນວັດຖຸດິບ ແລະ ພະນັກງານລົງສະໜາມກໍຍິ່ງຍາກຫຼາຍ, ເວລາທີ່ສາມາດກໍ່ສ້າງໄດ້ແທ້ມີໜ້ອຍ. ເຖິງແນວໃດກໍ່ຕາມ ໜ່ວຍງານຂອງພວກເຮົາກໍ່ໄດ້ຄວບຄຸມດ້ານການລະບາດຂອງພະຍາດໂຄວີດ-19 ໄດ້ດີ ລວມທັງໄດ້ເຂົ້າຮ່ວມການກໍ່ສ້າງ, ບໍ່ວ່າຜູ້ຈັດການໂຄງການ ຫຼືວ່າພະນັກງານທີ່ລົງສະໜາມ ຕ່າງກໍ່ໄດ້ເສີມຂະຍາຍນໍ້າໃຈບໍ່ຢ້ານອິດເມື່ອຍ ບໍ່ຢ້ານຄວາມຫຍຸ້ງຍາກ, ເລີ່ມເຮັດວຽກແບບ “5+2” (ບໍ່ມີມື້ພັກ) ທັງ “ກາງເວັນ+ກາງຄືນ”, ທັງຍັງສາມາດໄດ້ຮັກສາສຸຂະພາບຂອງພະນັກງານທີ່ຮ່ວມການກໍ່ສ້າງທັງໝົດ 2,000 ກວ່າຄົນ, ສຸດທ້າຍໄດ້ບັນລຸເປົ້າໝາຍ “ສູນຕິດເຊື້ອ ແລະໄດ້ສຳເລັດການກໍ່ສ້າງໃນວັນທີ 5 ກໍລະກົດ 2021.

ຂໍ້ມູນຈາກ CRI