ມີເດຍລາວແຂວງຫຼວງພະບາງ ພາຍຫຼັງເກັບກຽ່ວເຂົ້າປາປີສຳເລັດ ກຸ່ມຊາວນາ ບ້ານທ່າບູ້, ເມືອງນ້ຳບາກ, ໄດ້ສາມັກຄີກັນ ອອກແຮງງານລວມ ເພື່ອສ້ອມແປງຄອງເໜືອງ ບ່ອນທີ່ເພເປ ໃຫ້ມີຄວາມແໜ້ນໜາ ແລະນຳໃຊ້ໄດ້ຍາວນານ. ເຊີ່ງຫວ່າງບໍ່ດົນມານີ້ ກຸ່ມຊາວນາ 48 ຄົນ ຢູ່ບ້ານທ່າບູ້ ໄດ້ສົມທົບທືນລວມມູນຄ່າ 3.000.000ກວ່າກີບ ເພື່ອຊື້ວັດສະດຸ, ອຸປະກອນເຂົ້າໃນການສ້ອມແປງຄອງເໝືອງ ບ່ອນທີ່ເປ່ເພໃນລະດີປີ ໃຫ້ສາມາດສະໜອງນ້ຳສະດວກຂື້ນ ເພື່ອກະກຽມໃຫ້ແກ່ການການຜະລິດລະດູແລ້ງ, ໂດຍສະເພາະການປູກເຂົ້ານາແຊງ ໃຫ້ໄດ້ຮັບຜົນດີຕາມຄາດໝາຍທີ່ວາງໄວ້; ຄອງເໝືອງທີ່ສ້ອມແປງມີຄວາມຍາວ 22 ແມັດ, ກວ້າງ 80 ຊັງຕີແມັດ, ສູງ 80 ຊັນຕີແມັດ, ຄາດວ່າ ທ້າຍເດືອນພະຈິກ 2021 ນີ້ ຈະເລີ່ມເອົານ້ຳເຂົ້ານາ ກະກຽມການໄຖນາ-ຄາດນາ ແລະຫວ່ານກ້າ ເພື່ອໃຫ້ການຜະລິດເຂົ້ານາແຊງທ່ວງທັນຕາມລະດູການ.

ກຸ່ມຊາວນາບ້ານທ່າບູ້ ເມືອງນ້ຳບາກ ເປັນກຸ່ມທີ່ມີມູນເຊື້ອການປູກເຂົ້ານາແຊງ ແລະການປູກພືກຜັກ ຕາມລະດູການ ເພື່ອສົ່ງຂາຍຢູ່ຕະຫຼາດພາຍໃນເມືອງ ກາຍເປັນອີກທ່າແຮງໜື່ງ ຂອງການສ້າງເສດຖະກິດຄອບຄົວ, ພາຍຫຼັງການສ້ອມແປງລະບົບຊົນລະປະທານສຳເລັດ ຈະເຮັດການຜະລິດຂອງປະຊາຊົນໄດ້ຮັບຜົນດີຕາມຄາດໝາຍທີ່ວາງໄວ້.
ນັກຂ່າວເມືອງນ້ຳບາກ: ພອນສັກສິງດາລັກ