ມີເດຍລາວແຂວງເຊກອງ ວັນທີ 8 ທັນວາ 2021 ຢູ່ບ້ານ ດາກມັນ ເມືອງດາກຈຶງໃດ້ຈັດພິທີວາງສີລະລຶກການກໍ່ສ້າງ ປກສ ບ້ານຊາຍແດນ ,ມີ ທ່ານ ພັອ ທະວິສັນ ເພັດພູຫຼວງ ຮອງກອງບັນຊາການ ປກສ ແຂວງເຊກອງ ລາວ , ທ່ານ ພັອ ຫວງຽນ ຮາຍດ່າຍ ຮອງກອງບັນຊາການ ປກສ ແຂວງກວາງນາມ ສສ ຫວຽດນາມ, ມີພາກສ່ວນກ່ຽວຂ້ອງເຂົ້າຮ່ວມ.

ທ່ານ ພັອ ທະວິສັກ ເພັດພູຫຼວງ ເຂົ້າຮ່ວມພິທີ່ວ່າງຊີລາລຶກການກໍ່ສ້າງຫ້ອງການ ປກສ ບ້ານທີ່ມີຊາຍແດນຕິດຈອດກັບ ແຂວງກວາງນາມ ສສ ຫວຽດນາມ, ພາຍໃຕ້ການຊີ້ນຳດ້ວຍຄວາມເອົາໃຈໃສ່ຂອງກອງບັນຊາການ ປກສ ແຂວງກວາງນາມ- ກອງບັນຊາການ ປກສ ແຂວງເຊກອງ ຈະຈັດຕັ້ງປະຕິບັດວຽກງານກໍ່ສ້າງ ປກສ ຢູ່ບັນດາ ບ້ານທີ່ເມືອງດາກຈຶງ ແລະ ເມືອງກະລຶມ, ການກໍ່ສ້າງຫ້ອງການ ປກສ ບ້ານເຂດຊາຍແດນ ລາວ-ຫວຽດນາມ ແມ່ນການຈັດຕັ້ງປະຕິບັດຕາມບົດບັນທຶກເພີ່ມເຕີມຂອງແຜ່ນການຈັດຕັ້ງປະຕິບັດຮ່ວມມືປະຈຳປີ 2020 ລະຫ່ວາງລັດຖະມົນຕິກະຊວງ ປ້ອງກັນຄວາມສະຫງົບສອງປະເທດທີ່ໄດ້ລົງນາມວັນທີ 9 ສິງຫາ 2021ພາຍໃຕ້ການໃຫ້ທຶນຊ່ວຍເຫຼື່ອຂອງກະຊວງປ້ອງກັນຄວາມສະຫງົບຫວຽດນາມ ໂດຍມີເປົ້າໝາຍນຳໃຊ້ເຂົ້າໃນວຽກງານປ້ອງກັນຄວາມສະຫງົບ ເປັນຕົ້ນແມ່ນວຽກງານປ້ອງກັນ ສະກັດກັ້ນ ແລະ ຕ້ານອາສະຍາກຳຂ້າມຊາຍແດນສອງປະເທດ, ທັງເປັນການຈັດຕັ້ງຝັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຢູ່ພາຍໃນແຂວງເຊກອງ , ເນື້ອທີ່ກໍ່ສ້າງ ປກສ ບ້ານ 67 ຕາແມັດ , ມີ 3 ຫ້ອງ, ຫ້ອງເຮັດວຽກ 1 ຫ້ອງ, ເຮືອນຄົວ 1 ຫ້ອງ , ຫ້ອງນ້ຳ 1 ຫ້ອງ,ໂຕະຕັ່ງເຮັດວຽກ 1 ຊຸດ, ຕູ 1 ຊຸດ, ຕຽງນອນສອງຊັ້ນ 1 ຊຸດ
ຂ່າວ: ວິຈັນດາ