ມີເດຍລາວແຂວງຂວງຈຳປາສັກ
ໃນຕອນເຊົ້າຂອງວັນ 30 ທັນວາ 2021 ສະຫະພັນກຳ ມະບານ ນະຄອນປາກເຊໄດ້ໄຂກອງປະຊຸມຄົບຄະນະບໍລິຫານງານ ຄັ້ງທີ 2 ສະໄໝ ທີ VII ຂອງຕົນຂື້ນ ກອງປະຊຸມໄດ້ມີຂື້ນທີ່ ສະໂມສອນຂອງນະຄອນ ພາຍໃຕ້ການເປັນປະທານ ຂອງທ່ານ ບົວລີ ເພັດສົງຄາມ ຄະນະປະຈຳພັກແຂວງ ເລຂາພັກນະຄອນ ເຈົ້ານະຄອນປາກເຊ,ມີທ່ານ ນາງ ອານົງສັກ ພູນສະຫວັດ ຄະນະປະຈຳພັກນະຄອນ ປະທານ ແນວລາວສ້າງຊາດນະຄອນ ຜູ້ຊີ້ນຳ ອົງການຈັດຕັ້ງມະຫາຊົນ ມີທ່ານ ສົນໄຊ ບຸນສີຟອງ ຮອງປະທານ ສະຫະພັນ ກຳມະບານ ແຂວງ ຈຳປາສັກ, ມີທ່ານ ບຸນເຮັງ ສີລິວັດ ກຳມະການພັກນະຄອນ ປະທານ ສະຫະພັນ ກຳມະບານ ນະຄອນ ພ້ອມດ້ວຍ ຄະນະບໍລິຫານງານ ສະຫະພັນກຳມະບານ ນະຄອນປາກເຊ, ປະທານ ກຳມະບານຮາກຖານ ອ້ອມຂ້າງນະຄອນປາກເຊເຂົ້າຮ່ວມ

ໃນກອງປະຊຸມ ທ່ານ ບຸນເຮັງ ສີລິວັດ ກຳມະການພັກນະຄອນ ປະທານ ສະຫະພັນ ກຳມະບານ ນະຄອນ ໄດ້ຂື້ນກ່າວໄຂກອງປະຊຸມ ຄົບຄະນະບໍລິຫານງານ ສະຫະພັນ ກຳມະບານ ນະຄອນປາກເຊ ຄັ້ງທີ 2 ສະໄໝທີ VII ແລະ ລາຍງານ ການຈັດຕັ້ງປະຕິບັດວຽກງານຮອບດ້ານ ຂອງສະຫະພັນກຳມະບານ ນະຄອນໃນໄລຍະ 2 ປີ ຜ່ານມາ ປີ 2020 – 2021 ແລະ ທິດທາງແຜນການ ປີ 2022 ເຊີ່ງທ່ານໄດ້ຍົກໃຫ້ເຫັນໝາກຜົນໆງານທີ່ຍາດມາໄດ້ໃນໄລຍະ 2 ປີຜ່ານມາ ສະຫະພັນກຳມະບານ ໄດ້ເຄື່ອນໄຫວຕາມພາລະບົດບາດໃນການເປັນຕົວແທນປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ, ກຳມະກອນ, ຊາວຜູ້ອອກແຮງງານລາວບັນດາ ເຜົ່າ ແລະ ເຫັນໄດ້ວ່າສະມາຊິກກຳມະບານໄດ້ເປັນເຈົ້າການປະຕິບັດໜ້າທີ່ວິຊາສະເພາະ ແລະ ເຂົ້າຮ່ວມຂະບວນການຕ່າງໆທີ່ອຳນາດ ການປົກຄອງນະຄອນ, ອົງການຈັດຕັ້ງມະ ຫາ ຊົນ ແລະ ອົງການຈັດຕັ້ງອື່ນໆຈັດຂື້ນ ເປັນຂະບວນການຟົດຟື້ນກວ້າງ ຂວາງ ສະຫະພັັັັັນກຳມະບານໄດ້ເອົາ ໃຈໃສ່ໃນການສືກສາອົບ ຮົມວຽກງານການເມືອງແນວ ຄິດໃນແຕ່ລະເດືອນມີການດຳເນີນຊີວິດການເມືອງປະຈຳເດືອນ ແລະ ອົງການຈັດຕັ້ງມະຫາຊົນໄດ້ມີຄວາມສາມັກຄີເປັນປືກແຜ່ນແໜ້ນໜາໃນຖັນແຖວພະນັກງານ – ລັດຖະກອນພາຍໃນ ແລະ ພາຍນອກຢ່າງເປັນປົກກະຕິ, ແລະ ຍັງໄດ້ຜ່ານມະຕິຕົກລົງຂອງປະທານກຳມະ ບານແຂວງ ຈຳປາສັກ ວ່າດ້ວຍການອະນຸມັດອອກໃບ ຢັ້ງຢືນ 5 ເປັນເຈົ້າໃຫ້ກຳມະບານຮາກຖານດີເດັ່ນໃນນັ້ນມີ 1 ຫ້ອງການ, 40 ກຳມະບານຮາກຖານ ຫຼັງຈາກນັ້ນກໍ່ໄດ້ມອບໃບຢັ້ງຢືນ ແລະ ໃບຍ້ອງຍໍໃຫ້ແກ່ 1 ຫ້ອງ ການ ແລະ 40 ກຳ ມະບານຮາກຖານ ໃຫ້ກຽດມອບໂດຍທ່ານ ບຸນເຮັງ ສີລິວັດ ແລະ ທ່ານ ສົນໄຊ ບຸນສີຟອງ ຮອງປະທານ ສະຫະພັນກຳມະບານ ແຂວງ ຈຳປາສັກ ຕອນທ້າຍຂອງກອງປະຊຸມ ທ່ານ ບົວລີ ເພັດສົງຄາມ ເຈົ້ານະຄອປາກເຊ ຍັງໄດ້ໂອ້ລົມຕໍ່ກອງປະຊຸມຕື່ມອີກ
ພາບ,ຂ່າວຈັນທອນ ກົມໄຊຊະນະ