ໃນ​ວັນ​ທີ 12 ມັງ​ກອນ 2022 ນີ້ ຢູ່​ທີ່ຫ້ອງການ​ຖະ​ແຫລງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ​ໃໝ່ ​ແຂວງ​ຜົ້​ງສາ​ລີ ໄດ້​ຈັດ​ພິ​ທີ​ມອບ-​ຮັບ​ໂທ​ລະ​ໂຄ່ງ ​ຈຳ​ນວນ​ໜື່ງ​ຊຸດ ເຊີ່ງ​ມີ​ມູນ​ຄ່າ 1 ລ້ານກີບ ຈາກອົງ​ການ​ແຄ​ຣ​ນາ​ນາ​ຊາດ​ ປ​ະຈຳ​ເມືອງ​ໃໝ່  ເຊີ່ງ​ໂທ​ລະ​ໂຄ່ງ​ດັ່ງ​ກ່າວນິ້ ທາງ​ຫ້ອງ​ການ​ຖະ​ແຫລງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ​ໃໝ່​ ແຂວງ​ຜົ້ງ​ສາ​ລີ ຈະ​ນຳ​ໄປ​ມອບ​ຕໍ່​ກັບ​ຄະ​ນະ​ອົງ​ການ​ປົກ​ຄອງ​ບ້ານໆ ​ເປົ້າ​ໝາຍ​ສາມ​ສ້າງ​ ທີ່​ຫ້ອງ​ການ​ຖະ​ແຫລງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ​ໃໝ່​ ຮັບ​ຜິດ​ຊອບ ເພື່ອ​ໃຫ້​ອົງ​ການ​ປົກ​ຄອງ​ບ້ານ​ນຳ​ໃຊ້​ເຂົ້າ​ໃນ​ການ​ໂຄ​ສະ​ນາປະ​ຊາ​ສຳ​ພັນ​ວຽກ​ງານ​ຕ່າງໆ ແລະ ທັງ​ເປັນ​ການ​ເພີ່ມ​ທະ​ວີເປັນ​ກະ​ບອກ​ສຽງໃນ​ການ​ໂຄ​ສະ​ນາເຜີຍ​ແຜ່​ແນວ​ທາງ​ນະ​ໂຍ​ບາຍ​ຂອງ​ພັກ​-ລັດ ເປັນ​ຕົ້ນ​ແມ່ນ​ການ​ກະ​ຈ່າຍ​ຂໍ້​ມູນ​ຕ່າງໆ ໃນ​ຊວງ​ໄລ​ຍະ​ການ​ລະ​ບາດ​ຂອງ​ພະ​ຍາດ​ໂຄວິດ-19 ເປັນ​ການ​ກະ​ຈາຍ​ຂໍ້​ມູນ​ໃຫ້​ປະ​ຊາ​ຊົນ​ພາຍ​ໃນ​ບ້ານ​ໄດ້​ຮັບ​ຟັງ ແລະ ຮັບ​ຮູ້​ວຽກ​ງານ​ທັນ​ກັບ​ສະ​ພາບ​ການ​ການ​ຕ່າງໆ ເປັນ​ຕົ້ນ​ແມ່ນ​ການ​ເຝົ້າ​ລະ​ວັງ ແລະ ການ​ປະ​ຕິ​ບັດ​ມະ​ຕິ, ຄຳ​ສັ່ງ​ຕ່າງໆ, ເນື້ອ​ໃນ​ແຈ້ງ​ການ​ຂອງ​ຄະ​ນະ​ສະ​ເພາະ​ກິດ​ແຕ່​ລະ​ຂັ້ນ​ທີ່​ກຳ​ນົດ​ໄວ້.

ໃນ​ພິ​ທີໃຫ້​ກຽດ​ມອບ​ໂດຍ ທ່ານ ວິ​ດາ​ເພັດ ແກ້ວ​ຄູນ​ສີ ວິ​ຊາ​ການ​ປະ​ຈຳ​ພາກ​ສະ​ນາມ ອົງ​ການ​ແຄ​ຣ​ນາ​ນາ​ຊາດ​​ປະ​ຈຳ​ເມືອງ​ໃໝ່ ແລະ ໃຫ້​ກຽດ​ກ່າວ​ຮັບໂດຍ ທ່ານ ​ນາງ​ ຄຳ​ຫລ້າ​ ອິນ​ທະ​ວົງ ຫົວ​ໜ້າຫ້ອງ​ການ​ຖະ​ແຫລງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ​ໃໝ່. ໃນ​ໂອກາດນິ້ ທ່ານ​ ນາງ ​ຄຳ​ຫລ້າ​ ອິນ​ທະ​ວົງ ຫົວ​ໜ້າຫ້ອງ​ການ​ຖະ​ແຫລງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ​ໃໝ່ ໄດ້​ກ່າວ​ສະ​ແດງ​ຄວາມ​ຂອບ​ອົກ​ຂອບ​ໃຈ​ມາ​ຍັງ ທ່ານ ​ວິ​ດາ​ເພັດ ແກ້ວ​ຄູນ​ສີ ພ້ອມ​ດ້ວຍ​ທີມ​ງານວິ​ຊາ​ການ​ປະ​ຈຳ​ພາກ​ສະ​ນາມ ອົງ​ການ​ແຄ​ຣ​ນາ​ນາ​ຊາດ​​ປະ​ຈຳ​ເມືອງ​ໃໝ່ ທີ່​ເຫັນ​ໄດ້​ຄວາມ​ຈຳ​ເປັນ ແລະ ຄວາມ​ສຳ​ຄັນ​ຂອງວຽກ​ງານ​ຖະ​ແຫລງ​ຂ່າວ​ທີ່​ຮັບ​ໃຊ້​ໜ້າ​ທີ່​ການ​ເມືອງ​ໃນ​ແຕ່​​ໄລ​ຍະ​ໃໝ່.

ພາບ-ຂ່າວ:ສອນ​ໄຊ ແສງ​ມະ​ນີ​