ໃນໂອກາດດຳເນີນກອງປະຊຸມສະພາປະຊາຊົນແຂວງອຸດົມໄຊ ຊຸດທີ່II ລະຫວ່າງວັນທີ່ 11-13 ມັງກອນ 2022 ນີ້ ທີ່ສະໂມສອນແຂວງ ໂດຍການເປັນປະທານຂອງທ່ານຄຳດີ ວົງລ້ອມ ຮອງເລຂາພັກແຂວງ ປະທານສະພາປະຊາຊົນແຂວງອຸດົມໄຊ, ມີອົງການປົກຄອງແຂວງ ພ້ອມດ້ວຍ ສສຊ ແລະ ສສຂ  ພ້ອມດ້ວຍແຂກເຊີນຈາກພະແນກການອ້ອມຂ້າງເຂົ້າຮ່ວມ.

ທ່ານ ພັນເອກ ສີວອນ ໄຊຍະວົງ ຫົວໜ້າກອງບັນຊາການ ປກສ ແຂວງ, ໄດ້ຂື້ນຜ່ານຮ່າງຂໍ້ຕົກລົງຂອງທ່ານເຈົ້າແຂວງວ່າດ້ວຍ ການສະກັດກັ້ນ ແລະ ແກ້ໄຂບັນຫາຢາເສບຕິດຢູ່ພາຍໃນແຂວງ ໂດຍມີໂຄງປະກອບລວມ ແມ່ນມີ10ໝອດ ແລະ  36 ມາດຕາ, ເຫດຜົນ ແລະ ຄວາມຈຳເປັນໃນການສ້າງຂໍ້ຕົກລົງສະບັບນີ້ ແມ່ນການຜັນຂະຫຍາຍ ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ທັງແມ່ນການຈັດຕັ້ງຜັນຂະຫຍາຍກົດໝາຍວ່າດ້ວຍຢາເສບຕິດ ໃນໝວດທີ VIII ວ່າດ້ວຍກອງທຶນສະກັດກັ້ນ ແລະ ຕ້ານຢາເສບຕິດ, ດຳລັດເລກທີ 207/ລບ, ລົງວັນທີ 5 ສິງຫາ 2014 ວ່າດ້ວຍກອງທຶນຄວບຄຸມ, ສະກັດກັ້ນ ແລະ ຕ້ານຢາເສບຕິດ, ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ມີຄວາມຈຳເປັນຕ້ອງໃຊ້ງົບປະມານ ຈຶ່ງສາມາດເຄື່ອນໄຫວໃຫ້ມີປະສິດທິພາບ ແລະ ປະສິດທິຜົນໄດ້ ແຕ່ພ້ອມດຽວກັນນີ້ພັດປະເຊີນກັບຄວາມຫຍຸ້ງຍາກທາງດ້ານເສດຖະກິດ-ການເງິນ, ສະນັ້ນ, ຂໍ້ຕົກລົງສະບັບນີ້ ຈະເປັນການປຸກລະດົມທຶນຮອນຈາກບຸກຄົນ, ນິຕິບຸກຄົນ, ອົງການຈັດຕັ້ງພັກ, ລັດ, ອົງການຈັດຕັ້ງສາກົນຢູ່ພາຍໃນ ແລະ ຕ່າງປະເທດ ເພື່ອມາຮັບໃຊ້ໃຫ້ແກ່ວຽກງານຄວບຄຸມ, ສະກັດກັ້ນ ແລະ ແກ້ໄຂບັນຫາຢາເສບຕິດ ຢູ່ແຂວງອຸດົມໄຊ, ທັງເປັນການແບ່ງເບົາຈາກການນຳໃຊ້ງົບປະມານຂອງລັດຖະບານ; ພາຍຫຼັງຮັບຮອງແລ້ວຈະເປັນບ່ອນອີງທີ່ສໍາຄັນໃຫ້ແກ່ອົງການປົກຄອງແຂວງ, ອົງການປົກຄອງເມືອງແລະ ພາກສ່ວນທີ່ກ່ຽວຂ້ອງ.

ໃນການປຸກລະດົມທຶນຮອນຈາກພາກສ່ວນຕ່າງໆ ຢ່າງເປັນເອກະພາບໃນທົ່ວແຂວງອຸດົມໄຊ ພວກເຮົາ; ສາມາດເຕົ້າໂຮມແຫຼ່ງທຶນ ຈາກພາກສ່ວນຕ່າງໆ ເປັນກອງທຶນຮັບໃຊ້ໃຫ້ແກ່ການ ເຄື່ອນໄຫວປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດເຊັ່ນ: ການເຄື່ອນ ໄຫວໂຄສະນາສຶກສາອົບຮົມ, ເຜີຍແຜ່ກົດໝາຍ ແລະ ຜົນຮ້າຍຂອງຢາເສບຕິດ, ການເຄື່ອນ ໄຫວວຽກງານວິຊາສະເພາະຂອງກຳລັງປ້ອງກັນຊາດ-ປ້ອງກັນຄວາມສະຫງົບ ແລະ ການບໍາ ບັດປິ່ນປົວ, ຟື້ນຟູສຸຂະພາບຜູ້ຖືກເຄາະຮ້າຍຈາກການເສບຢາເສບຕິດ, ທັງເປັນການກໍ່ສ້າງ ພື້ນຖານໂຄງລ່າງ, ຊື້ອຸປະກອນເຕັກນິກ ແລະ ເຄື່ອງວິໃຈກ່ຽວກັບຢາເສບຕິດ;ຈະປະກອບສ່ວນອັນສໍາຄັນເຂົ້າໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ ການເງິນຂອງລັດຖະບານ ກໍຄືຂອງແຂວງອຸດົມໄຊ ພວກເຮົາ.

#ພາບ-ຂ່າວ: ແສງອາທິດ