ວັນທີ 20 ກັນຍາ 2019 ສະຫະພັນແມ່ຍິງແຂວງເຊກອງ ສປປລາງ ພົບປະແລກປ່ຽນຖອດຖອນບົດຮຽນຈັດຕັ້ງປະຕະບັດເນື້ອໃນບົດບັນທຶກການຮວ່ມມືກັບສະຫະພັນແມ່ຍິງແຂວງກວາງນາມ ສສ ຫວຽດນາມ ຝ່າຍແຂວງເຊກອງນຳໂດຍທ່ານທ່ານ ສີດາ ສຸວັນນະສາຍ ຄະນະປະຈໍາພັກແຂວງ ທ່ານ ນ ວິໄລວັນ ດາລາສິນ ປະທານສະຫະພັນແມ່ຍິງແຂວງ ຝ່າຍຫວຽດນາມນຳໂດຍທ່ານ ນ ເຈືອງທີ້ລົ້ກ ກຳມະການພັກແຂວງ ປະທານສະມາຄົມແມ່ຍິງແຂວງກວາງນາມ ພ້ອມດ້ວຍຄະນະ ມີບັນດາທ່ານຄະນະບໍລິຫານງານສະຫະພັນແມ່ຍິງແຂວງເຊກອງ ແຂວງກວາງນາມ ພ້ອມດ້ວຍແຂກຖືກເຊິນເຂົ້າຮ່ວມ

ທ່ານ ນ ມະນິວອນ ສາຍນໍ້າລິນ ຮອງປະທານສະຫະພັນແມ່ຍິງແຂວງເຊກອງກ່າວລາຍສະພາບ ແລະຈຸດພິເສດຂອງແຂວງເຊກອງໂດຍສະເພາະວຽກງານການພັດທະນາແມ່ຍິງ ການເຮັດໃຫ້ມີຍິງໄດ້ມີສວ່ນຮວ່ມໃນໜ້າທີ່ການເມືອງເຂົ້າເຖີງການສຶກສາ ມີສິດເສລີພາບ ມີສິດຮັບຮູ້ຂໍ້ມຸນຂ່າວສານທີ່ເປັນປະໂຫຍດ ເຂົ້າຮ່ວມໃນການພັດທະນາຕົນເອງ ເຂົ້າເຖິງການສຶກສາເຊີ່ງການພົບປະແລກປ່ຽນຖອດຖອນບົດຮຽນໃນຄັ້ງນີ້ ແມ່ນເພື່ອເປັນການແລກບົດຮຽນ ການສ້າງສາຍພົວພັນຮວ່ມມື ແລະຄວາມສາມະຄີແບບພິເສດທີ່ມີມາແຕ່ດົນນານແລ້ວ ລະຫວ່າງລາວ-ຫວຽດນາມ, ຫວຽດນາມ-ລາວ ເຊີ່ງທັງສອງຝ່າຍແມ່ນໄດ້ພົວພັນຮວ່ມມືກັນມາແຕ່ປີ 2014 ຖືວ່າສອງປີໃດທັງສອງຝ່າຍຈະຕ້ອງໄດ້ມີການຜັດປ່ຽນກັນເປັນເຈົ້ພາບແລກປ່ຽນບົດຮຽນເຊີ່ງກັນ ແລະກັນ ເຊີ່ງທົ່ວແຂວງເຊກອງມີສະມາຊິກສະຫະພັນແມ່ຍິງທັງໝົດ 17.229 ຄົນ,ມີ 271 ໜ່ວຍຮາກຖານ ມີຄະນະບໍລິຫານງານສະຫະພັນແມ່ຍິງແຂວງ 19ຄົນ, ສະຫະພັນແມ່ຍິງເມືອງ 62 ຄົນ, ຄະນະຫະພັນແມ່ຍິງບ້ານ 591 ຄົນ.