ຕ້ອງຍອມຮັບວ່າໃນເດືອນນີ້ກະແສຂະບວນສັກວັກຊິນມາແຮງຫຼາຍ ໂດຍສະເພາະຢູ່ນະຄອນຫຼວງວຽງຈັນ; ພໍ່ແມ່ປະຊາຊົນທຸກຊັ້ນຄົນ; ພະນັກງານ; ທະຫານ-ຕຳຫຼວດ ຕ່າງກໍ່ຫຼັ່ງໄຫຼໄປສັກວັກຊິນສ້າງພູມຕ້ານທານພະຍາດໂຄວິດ-19 ຕາມຈຸດທີ່ທາງການຈັດໄວ້ໃນຫຼາຍຈຸດທົ່ວນະຄອນຫຼວງວຽງຈັນ.

ແພດໝໍເພີ່ນກໍ່ບອກວ່າວັກຊິນທັງສາມຊະນິດທີ່ນຳໃຊ້ຢູ່ປະເທດເຮົານີ້ ລ້ວນແຕ່ມີປະສິດທິພາບຄືກັນໝົດ ອັນສຳຄັນແມ່ນຂື້ນກັບຮ່າງກາຍຂອງແຕ່ລະຄົນວ່າຈະສ້າງພູມຕ້ານທານໄດ້ຫຼາຍ-ໜ້ອຍ ແຕ່ບໍ່ຫຼຸດ 60% ດອກ ໝາຍຄວາມວ່າຫຼັງຈາກສັກຄົບສອງເຂັມ.

ຢາກໃຫ້ເຂົ້າໃຈແບບຖືກຕ້ອງວ່າການສັກວັກຊິນຄົບສອງເຂັມນັ້ນ ບໍ່ແມ່ນປ້ອງກັນພະຍາດໂຄວິດ-19 ໄດ້ 100% ເນີ!. ມັນມີໂອກາດກວດຕິດເຊື້ອໄດ້ຫາກເຮົາບໍ່ປ້ອງກັນຕົນເອງ.

ການປະຕິບັດດຳລົງຊີວິດປົກກະຕິແບບໃໝ່ (New Normal) ຍັງມີຄວາມຈຳເປັນ ເຊັ່ນ: ການໃສ່ຜ້າປິດປາກ-ດັງ; ການໝັ່ນລ້າງມືດ້ວຍສະບູ; ເຈວ ຫຼື ເຫຼົ້າ 70% ເລື້ອຍໆ; ການຮັກສາໄລຍະຫ່າງໃນສັງຄົມ ແລະ ຫຼີກລ້ຽງໄປບ່ອນທີ່ມີຄົນຫຼາຍ ຫຼື ເຂດທີ່ມີຄວາມສ່ຽງ; ການເຮັດວຽກຢູ່ເຮືອນ ຫຼື ຜັດປ່ຽນກັນໄປປະຈຳການ ທັງໝົດນີ້ຕ້ອງປະຕິບັດໃຫ້ເປັນຄວາມຊິນເຄີຍ ເພາະບໍ່ຮູ້ວ່າພະຍາດໂຕຮ້າຍກາດນີ້ມັນຈະໝົດໄປຈາກພວກເຮົາຍາມໃດ?.

ຢຸດກະແສລົບຕໍ່ຂະບວນສັກວັກຊິນສານໍ! ເຫດການຜ່ານມາໃນການໄປສັກວັກຊິນ; ການສັກວັກຊິນບາງຍີ່ຫໍ້ ກໍ່ບໍ່ໄປຕາມກຸ່ມເປົ້າໝາຍ ເຊີ່ງຖີ້ມໂທດໃຫ້ຜູ້ໄປສັກ ແລະ ແພດໝໍຜູ້ສັກຢາໃຫ້; ມີແຕ່ກວດກາຄືນຈັດສັນໃຫ້ເປັນລະບຽບ; ຊອກຫາຜູ້ລະເມີດທັງຄົນສັກ ແລະ ແພດໝໍມາຕັກເຕືອນ ແລະ ລົງໂທດຕາມກົດໝາຍບ້ານເມືອງ ເລື່ອງນີ້ງ່າຍ ເພາະສັັກເຂັມສອງຈະຮູ້ວ່າໃຜເປັນໃຜ ໃນວັກຊິນຍີ່ຫໍ້ດັ່ງກ່າວ.

ໄດ້ສັກແຕ່ຜົນຕາມມາຈະເປັນຫັຍງແດ່? ກໍ່ບໍ່ຮູ້ໄດ້ແນວວ່າຕົນບໍ່ໄດ້ຢູ່ໃນກຸ່ມເປົ້າໝາຍ.

ທິດດີ