ໃນວັນທີ 25 ກັນຍາ 2019 ນີ້ຢູ່ທີ່ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ແຂວງສະຫວັນນເຂດ ໄດ້ເຜີຍແຜ່ວິທີສະກັດກັ້ນ ແລະ ຕ້ານອັກຄີໄພຂັ້ນພື້ນຖານ ໃຫ້ພະນັກງານ ບໍລິສັດ ເປໂຕຮ ຫວຽດນາມ ອອຍ ລາວ ຈຳກັດ ໂດຍມີ ທ່ານ ພຕ ບຸນນຳ ໜໍ່ລາດ ຫົວໜ້າພະແນກຕໍາຫຼວດສະກັດກັ້ນ ແລະ ຕ້ານອັກຄີໄພພ້ອມດ້ວຍຄະນະ, ມີທ່ານ ໄຊປັນຍາ ຄຳຈັນ ຫົວໜ້າ ພະເເນກສາງບໍລິສັດເປໂຕຮຫວຽດນາມອອຍ ລາວຈຳກັດ ພ້ອມດ້ວຍພະນັກງານ ສາງ ແຕ່ລະສາຂາຂອງບໍລິສັດດັ່ງກ່າວເຂົ້າຮ່ວມ.

ທ່ານ ພັຕ ເຂືອງຄໍາ ພົມມະລາດ ຮອງພະເເນກຕຳຫລວດ ສະກັດກັ້ນ ແລະຕ້ານອົກຄີໄພ ແຂວງໄດ້ກ່າວວ່າ :ວຽກງານສະກັກກັ້ນ ແລະ ຕ້ານອັກຄີໄພແມ່ນວຽກງານໜື່ງ ທີ່ມີຄວາມຈຳເປັນ ແລະ ຮຽນຮູ້ວິທີ ຕ້ານແລະ ນຳໃຊ້ອຸປະກອນບັ້ງມອດໄພຕ່າງໆເຊັ່ນໃນປະຈຸບັນ ສາເຫດຕົ້ນຕໍແມ່ນ: ການຂາດສະຕິໃນການນຳໃຊ້ອຸປະກອນໄຟຟ້າທີ່ເກົ່າໝົດຄຸນນະພາບ, ການໄຕ້ທູບທຽນບູຊາ, ການໃຊ້ພະລັງງານໄຟຟ້າເກີນກຳນົດ ແລະ ການໃຊ້ແກັສເຂົ້າໃນການຫຸງຕົ້ມ, ແຕ່ງຢູ່ຄົວກິນ ຕາມຮ້ານ, ເຮືອນຄົວ, ໂຮງແຮມ ຕະຫຼອດຮອດບ້ານເຮືອນປະຊາຊົນ.
ພ້ອມນັ້ນ ທ່ານ ຮ້ອຍໂທ ໄພທູນ ລາຊາວົງ ຮອງໜ່ວຍງານ ໂຄສະນາອົບຮົມ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ກໍ່ໄດ້ສາທິດຕົວຈິງໃນການສະກັດກັ້ນ ແລະຕ້ານອັກຄີໄພໂດຍໃຫ້ຜູ້ເຂົ້າຮ່ວມຝຶກອົບຮົມເຮັດທົດລອງນຳໃຊ້ອຸປະກອນບັ້ງມອດໄຟສີດໃສ່ຈຸດເກີດເຫດໄຟໄໝ້ໄລຍະປະມານ 3-4ແມັດ,ພ້ອມນັ້ນທ່ານຍັງໄດ້ແນະນຳວິທີໃຊ້ອຸປະກອນມອດໄຟ ເຊັ່ນ:ການໂຍນສາຍສິດນ້ຳ ,ການສີດນ້ຳຈາກລົດມອດໄພ ,ການນຳໃຊ້ຜົງເຄມີແຫ້ງ,ການນຳ ເຄມີໂຟມ,ທາດອາຍບໍ່ຕິດໄຟ ,ການກວດກາບັ້ງມອດໄຟ ແລະ ລະບົບນ້ຳປະປາທີ່ຕິດຕັ້ງຕາມຈຸດຕ່າງໆໃຫ້ຢູ່ໃນສະພາບພ້ອມໃຊ້ງານຢູ່ສະເໝີ ການຝຶກອົບຮົມວຽກງານສະກັດກັ້ນແລະຕ້ານອັກຄີໄພໃນຄັ້ງນີ້ກໍ່ ເຮັດໃຫ້ພະນັກງານພາຍໃນບໍລິສັດໄດ້ມີຄວາມຮູ້ພື້ນຖານໃນການປ້ອງກັນ ສະກັດກັ້ນອັກຄີໄພ, ມີຄວາມຮັບຜິດຊອບເປັນເຈົ້າການ ເມື່ອມີໄຟ ໄໝ້ເກີດຂື້ນສາມາດແກ້ໄຂໄດ້ຢ່າງທັນການ ປ້ອງກັນຜົນເສຍຫາຍທີ່ເກີດຈາກອັກຄີໄພໃຫ້ຫຼຸດນ້ອຍທີ່ສຸດ.

ພາບ:ຂ່າວ ສະຫວັນນະເຂດ