ມີເດຍລາວແຂວງສາລະວັນ ໂດຍ: ກິນດາວັນ ອ້ວນນາຄູ
ວັນທີ 9 ກໍລະກົດ 2021 ແຂວງສາລະວັນ ສະຫຼຸບການເຄື່ອນໄຫວ ວຽກງານສະມາຄົມກິລາ-ກາຍະກໍາ 5 ປີ 2016-2020 ແລະ ທິດທາງແຜນການໃນປີຕໍ່ໜ້າ ເຊິ່ງໄດ້ຈັດຂື້ນທີ່ສະໂມສອນຂອງວິທະຍາໄລຄູສາລະວັນ, ໂດຍການເຂົ້າຮ່ວມຂອງ ທ່ານ ສົມໃຈ ອຸ່ນຈິດ ຄະນະປະຈໍາພັກແຂວງ ຮອງເຈົ້າແຂວງ ຜູ້ຊີ້ນໍາວຽກງານວັດທະນະທໍາ-ສັງຄົມ ປະທານສະມາຄົມກິລາ-ກາຍະກໍາຂັ້ນແຂວງ, ມີບັນດາທ່ານຫົວໜ້າພະແນກການທີ່ຖືກແຕ່ງຕັ້ງເປັນປະທານສະຫະພັນກິລາ-ກາຍະກໍາປະເພດຕ່າງໆ, ທ່ານ ຮອງເຈົ້າ 8 ຕົວເມືອງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ສຸນີ ນາມມະບົວລີ ຮອງຫົວໜ້າພະແນກສຶກສາທິການ ແລະ ກິລາແຂວງສາລະວັນ ໄດ້ສະຫຼຸບຕີລາການເຄື່ອນໄຫວວຽກງານສະມາຄົມກິລາ-ກາຍະກໍາ ໃນໄລຍະ 5 ປີຜ່ານມາ: ໄດ້ເຂົ້າຮ່ວມງານມະຫາກໍາກິລາແຫ່ງຊາດທີ່ແຂວງຊຽງຂວາງ ຄັ້ງທີ 11, ຂໍ້ຕົກລົງແຕ່ງຕັ້ງຄູຝຶກ, ນັກກິລາເຂົ້າສູນຝຶກຊ້ອມກະກຽມເຂົ້າຮ່ວມແຂ່ງຂັນໃນລາຍການຕ່າງ ທີ່ສະຫະພັນກິລາແຫ່ງຊາດຈັດຂຶ້ນ, ໄດ້ຮ່ວມກັບສະຫະພັນບານເຕະແຫ່ງຊາດລາວ ຈັດຝຶກອົບຮົມຄູຝຶກກິລາບານເຕະ ຂັ້ນພື້ນຖານ,

ພ້ອມນັ້ນໄດ້ສົ່ງນັກກິລາ ລຸ້ນອາຍຸ 14 ປີເຂົ້າຮ່ວມແຂ່ງຂັນກິລາບານເຕະ ທີ່ນະຄອນຫຼວງວຽງຈັນ, ໄດ້ສົ່ງນັກຮຽນຊັ້ນປະຖົມ ແລະ ຊັ້ນມັດທະຍົມ ມ1 ເຂົ້າຮ່ວມຝຶກຊ້ອມກິລາບານເຕະຂັ້ນພື້ນຖານ 200 ຄົນ ສົ່ງນັກກິລາ ລຸ້ນອາຍຸ 15 ປີເຂົ້າຮ່ວມແຂ່ງຂັນກິລາບານເຕະຊາຍທີ່ແຂວງຈໍາປາສັກ ໄດ້ອັນດັບທີ 2 ໄດ້ຊຸກຍູ້ໃຫ້ເອກະຊົນລົງທຶນສ້າງສະໜາມກິລາໃນຮົ່ມ ແລະກາງແຈ້ງ, ຊຸກຍູ້ຂະບວນການເຄື່ອນໄຫວ ຈັດກິດຈະກໍາແຂ່ງຂັນຕາມເດີ່ນກິລາຂອງພາກລັດ ແລະ ເອກະຊົນ, ສະໂມສອນ, ງານແຂ່ງຂັນກິລາປະຈໍາປີ ຍຸດທະສາດ ໄດ້ອະນຸຍາດສ້າງຕັ້ງສະໂມສອນກິລາບານເຕະ 1 ສະໂມສອນ ຄື: ສະໂມສອນກິລາບານເຕະ ສາລະວັນ ອາເຄເດມີ, ໄດ້ຊຸກຍູ້, ສົ່ງເສີມ, ມວນຊົນ, ອະນຸຊົນ, ຊາວໜຸ່ມ ທຸກເພດທຸກໄວ ຫັນມາອອກກໍາລັງກາຍ ຫຼິ້ນກິລາເພື່ອສຸຂະພາບ ຕາມສວນສາທາລະນະ ສະຖານທີ່ຫຼິ້ນກິລາຂອງລັດ – ເອກະຊົນ ຍຸດທະສາດ ສົ່ງເສີມມວນຊົນທຸກເພດ ທຸກໄວຫຼິ້ນກິລາພື້ນເມືອງ, ເຂົ້າຮ່ວມແຂ່ງຂັນກິລາພື້ນເມືອງປະເພດຕ່າງໆ ໃນວັນສໍາຄັນຂອງຊາດ, ຂອງພັກ, ວັນບຸນປະເພນີ ຍຸດທະສາດ ຂອງພົນລະເມືອງໃນທົ່ວແຂວງຕື່ມອີກ.
ນອກຈາກນັ້ນຜູ້ເຂົ້າຮ່ວມກໍ່ໄດ້ມີການປະກອບຄໍາຄິດຄໍາເຫັນແລກປ່ຽນເຊິ່ງກັນ ແລະ ກັນ.