ມື້ນີ້ເຮົາມີອາຫານ 8 ຢ່າງສຳລັບຫຼາຍຄົນທີ່ນອນເດິກ ກິນແລ້ວບຳລຸງ ແລະ ດີຕໍ່ສຸຂະພາບ ມາເບີ່ງນຳກັນເລີຍ!

  1. ເຕົ້າຮູ້, ປາ, ໄກ່, ໄຂ່ຂາວ, ໄຂ່ແດງ ແລະ ຖົ່ວເຫລືອງ ອາຫານເຫລົ່ານີ້ບັນຈຸ choline ເປັນຕົວຊ່ວຍສ້າງເຄມີສະໝອງ ແລະ ເປັນສານອາຫານທີ່ຈຳເປັນສຳລັບຄົນທີ່ນອນເດິກ ເພາະມັນຈະຊ່ວຍໃຫ້ສະໝອງທີ່ເມື່ອຍຈາກການນອນບໍ່ພຽງພໍໃຫ້ໄດ້ຮັບສານອາຫານ ເພື່ອບຳລຸງ ເພື່ອທົດແທນເຄມີສະໝອງ ໂດຍທຳມະຊາດໃນຮ່າງກາຍບໍ່ມີໂອກາດສ້າງຂື້ນມາດ້ວຍໂຕມັນເອງ ເຖີງວ່າຈະອົດຫຼັບອົດນອນກໍ່ບໍ່ເຮັດໃຫ້ສະໝອງເກີດຄວາມຕື່ນຕົວເຖິງວ່າການພັກຜ່ອນພຽງພໍກໍ່ຕາມ.
  2. ເຂົ້າກ້ອງ ແລະ ປະເພດພືດ GABA ແມ່ນສິ່ງທີ່ຮ່າງກາຍຂອງຄົນເຮົາຕ້ອງການຈາກເຂົ້າກ້ອງ ແລະ ພືດ ໂດຍ GABA ຈະຊ່ວຍໃຫ້ສະໝອງແຂງແຮງເຮັດວຽກໄດ້ດີ ແລະ ວິຕາມິນ B ທີ່ຢູ່ໃນອາຫານເຫຼົ່ານັ້ນຍັງຊ່ວຍກະຕຸ້ນລະບົບປະສາດ ແລະ ສະໝອງໃຫ້ມີສະຕິລະວັງຕົວເຊັ່ນກັນ.
  3. ດື່ມນໍ້າໃຫ້ພຽງພໍເພື່ອຕອບສະໜອງຄວາມຕ້ອງການຂອງຮ່າງກາຍແມ່ນສິ່ງທີ່ດີທີ່ສຸດ ເພາະວ່ານໍ້າຈະຊ່ວຍເພີ່ມປະລິມານອົກຊີໃຫ້ຮ່າງກາຍ ສົ່ງຜົນໃຫ້ຮູ້ສຶກຕື່ນຕົວຫຼາຍຂຶ້ນ ແຕ່ນໍ້າທີ່ຄວນດື່ມນໍ້າໃນຕອນກາງເວັນຄວນເປັນນໍ້າອຸນຫະພູມໃນຫ້ອງ ເພາະຮ່າງກາຍຈະດູດຊຶມ ເພື່ອໝູນວຽນເລືອດໄດ້ງ່າຍກ່ວານໍ້າເຢັນ ນໍ້າເຢັນກໍ່ເຮັດໃຫ້ຮູ້ສຶກສົດຊື່ນເຊັ່ນກັນ ແຕ່ຖ້າທ່ານຕ້ອງການຢາກໃຫ້ເຊົາເຫົງານອນຄວນດື່ມນໍ້າ ອຸນຫະພູມປົກກະຕິດີກ່ວາ.
  4. ດື່ມຊັອກໂກແລັດ ຫຼື ໂກໂກ້ແທນກາເຟ ຖ້າຢາກປຸກຕົນເອງໃຫ້ຕື່ນດ້ວຍຄາເຟອີນໃນກາເຟ ຂໍແນະນໍາໃຫ້ຫັນມາດື່ມຊັອກໂກແລັດ ຫຼື ໂກໂກ້ແທນດີກ່ອນ ເພາະໃນເຄື່ອງດື່ມທັງສອງຊະນິດນີ້ມີສານ flavonoids ເປັນສານກະຕຸ້ນໃຫ້ເລືອດໝູນວຽນສະໝອງໄດ້ດີ.
  5. ສຸມໃສ່ເນັ້ນຜັກ ແລະ ໝາກໄມ້ ເພາະຜັກ ແລະ ໝາກໄມ້ມີປະລິມານວິຕາມິນ C ແລະ ວິຕາມິນ B ລວມທັງແຮ່ທາດທີ່ມີຄຸນປະໂຫຍດຕໍ່ການເຮັດວຽກຂອງຕ່ອມ pineal ເພາະຖ້າເຮົານອນຫລັບບໍ່ພຽງພໍ ຕ່ອມ pineal ຈະບໍ່ເຮັດວຽກ ແລະ ເຮັດໃຫ້ເຮົາຮູ້ສຶກເຫງົານອນ ສະນັ້ນຖ້າທ່ານຕ້ອງການຄວາມສົດຊື່ນ ຜັກສົດ ແລະ ນໍ້າໝາກໄມ້ປັ່ນສົດໆ ຈະເປັນຕົວຊ່ວຍທີ່ດີ.
  6. ນໍ້າຜັກນອກ ເພາະຜັກນອກແມ່ນໂດດເດັ່ນຫຼາຍ ເວລາທີ່ເຮົານອນບໍ່ພຽງພໍຮ່າງກາຍຈະມີຄວາມສ່ຽງຕໍ່ການອັກເສບໃນບໍລິເວນຕ່າງໆ ຊື່ງຜັກນອກຈະຊ່ວຍຫຼຸດຄວາມສ່ຽງຈາກການອັກເສບ ສະນັ້ນຖ້າທ່ານນອນໜ້ອຍເປັນເວລາຫລາຍມື້ພະຍາຍາມຊອກຫານໍ້າຜັກນອກມາດື່ມລອງເບີ່ງ.
  7. ທາດໂປຼຕີນແມ່ນຂາດບໍ່ໄດ້ ໂດຍສະເພາະຕອນເຊົ້າ ແລະ ອາຫານທ່ຽງ ສານອາຫານໃນຮ່າງກາຍຄວນໄດ້ຮັບນັ້ນຕ້ອງແມ່ນໂປຣຕີນ ຈາກປະເພດນົມ ແລະ ວິຕາມິນຈາກໝາກໄມ້ ແລະ ຜັກໃຫ້ພຽງພໍ ເພື່ອໃຫ້ຮ່າງກາຍມີພະລັງງານໃນການເຮັດກິດຈະກໍາຕ່າງໆ ໃນແຕ່ລະມື້ ຊື່ງວິຕາມິນ ແລະ ແຮ່ທາດຈະເຂົ້າໄປເສີມການເຮັດວຽກຂອງລະບົບປະສາດ ແລະ ສະໝອງ.
  8. ຖົ່ວຊະນິດຕ່າງໆ ແມ່ນພືດທີ່ອຸດົມໄປດ້ວຍທາດໂປຼຕີນ ແລະ ແຮ່ທາດສູງຫຼາຍ ຖົ່ວຍັງມີໂພແທດຊຽມ ຊື່ງເປັນອົງປະກອບທີ່ຊ່ວຍໃນການເຮັດວຽກຂອງລະບົບປະສາດ ແລະ ສະໝອງນຳອີກ ເວລາທີ່ຮ່າງກາຍເມື່ອຍຈາກການນອນຫລັບບໍ່ພຽງພໍ ທົດລອງກິນຖົ່ວເປັນອາຫານວ່າງລອງເບີ່ງ ເຖິງຢ່າງໃດກໍ່ຕາມຄວນກິນໃນອັດຕາສ່ວນທີ່ເໝາະສົມ ແລະ ທ່ານໃດທີ່ມີພະຍາດປະຈຳໂຕຄວນປຶກສາທ່ານໝໍກ່ອນ.