ມີເດຍາວແຂວງຈຳປາສັກ ຂ່າວ ພາບ :ໜູລີ່ ຊາພັກດີ
ບ່າຍວັນທີ 20 ກໍລະກົດ 2021ຢູ່ທີ່ໂຮງຮຽນ ມສ ເມືອງມຸນລະປາໂມກ ຄະນະກຳມະການສູນສອບເສັງເມືອງມຸນລະປາໂມກໄດ້ຈັດກອງປະຊຸມກຽມຄວາມພ້ອມໃຫ້ແກ່ການສອບເສັງຈົບຊັ້ນມັດທະຍົມຕອນຕົ້ນ ມ4 ຂື້ນ,ຈຸດປະສົງ ກໍ່ເພື່ອເປັນການກຽມຄວາມພ້ອມໃຫ້ແກ່ການຈັດຕັ້ງປະຕິິບັດການສອບເສັງຈົບຊັ້ນມັດທະຍົມສຶກສາຕອນຕົ້ນ ມໍ4 ທີ່ຈະໄດ້ຈັດຂື້ນໃນຄັ້ງວັນທີ 21-23 ກໍລະກົດ 2021ນີ້.

ໂດຍພາຍໃຕ້ການເປັນປະທານຂອງທ່ານ ສີສະຫັວດ ພົມມະລິວັນ ຮອງເຈົ້າເມືອງໆມຸນລະປາໂມກ (ຜູ້ຊີ້ນຳຂົງເຂດວັດທະນະທຳສັງຄົມ) ເປັນກຽດເຂົ້າຮ່ວມຂອງທ່ານ ອຸເດດ ອິນທະວົງ ຕ່າງໜ້າຈາກພະແນກສຶກສາທິການແລະກິລາແຂວງຈຳປາສັກ ລົງປະຈຳສູນສອບເສັງເມືອງມຸນ,ທ່ານ ສົມຈັນ ສີຈັນແດງ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ.ມີຕ່າງໜ້າກະຊວງ,ພະແນກສຶກສາລົງຊີ້ນຳວຽກງານສາມສ້າງຂັ້ນເມືອງ,ຜູ້ອຳນວຍການໂຮງຮຽນມັດທະຍົມສຶກສາ 7ແຫ່ງ,ຕ່າງໜ້າຫ້ອງການສາທາລະນະສຸກເມືອງ,ຫ້ອງການປກສເມືອງພ້ອມດ້ວຍຄູ-ອາຈານທີ່ຖືກແຕ່ງຕັ້ງເປັນຄະນະກຳມະການຮັບຜິດຊອບການສອບເສັງເຂົ້າຮ່ວມ.

ໃນພິທີ ກໍ່ໄດ້ຜ່ານຂໍ້ຕົກລົງເລກທີ 703/ສກຂ ຈສ ລົງວັນທີ 15 ມິຖຸນາ 2021 ວ່າດ້ວຍການແຕ່ງຕັ້ງຄະນະປະທານ ກຳມະການຮັບຜິດຊອບການສອບເສັງ,ກວດບົດ ແລະ ຕັດສິນຜົນກວດສອບເສັງຈົບຊັ້ນມັດທະຍົມຕອນຕົ້ນ ມ4 ທົ່ວປະເທດ ສົກ2020-2021,ຜ່ານກົດລະບຽບການສອບເສັງຈົບຊັ້ນສາຍສາມັນສຶກສາໂດຍອີງຕາມ ຂໍ້ຕົກລົງຂອງລັດຖະມົນກະຊວງສຶກສາທິການແລະກິລາສບັບເລກທີ 1821/ສສກ.ມຍ ລົງວັນທີ 19/5/2016 ວ່າດ້ວຍການສອບເສັງຈົບຊັ້ນມັດທະຍົມສຶກສາຕອນຕົ້ນ ເຊີ່ງມີ ໜ້າທີ່,ສິດ ແລະ ຂໍ້ຫ້າມ ຂອງຄະນະກຳມະການຄວມຄຸມຫ້ອງສອບເສັງ ໂດຍແມ່ນ ທ່ານ ສົມຈັນ ສີຈັນແດງ ຫົວໜ້າຫ້ອງການສຶກສາທິການ ແລະ ກິລາເມືອງເປັນຜູ້ຜ່ານ ຈາກນັ້ນ ຄະນະກຳມະການກໍ່ໄດ້ພ້ອມກັນແລກປ່ຽນຖອດຖອນບົດໃນການຈັດຕັ້ງການສອບເສັງປີຜ່ານມາ.

ຕອນທ້າຍ ທ່ານ ສີສະຫັວດ ພົມມະລິວັນ ຮອງເຈົ້າເມືອງໆມຸນລະປາໂມກ ປະທານກອງປະຊຸມກໍ່ໄດ້ມີຄຳເຫັນໂອ້ລົ້ມ ກ່ອນອື່ນທ່ານກໍ່ມີຄວາມເຫັນດີເປັນເອກະພາບໃນຂໍ້ຕົກລົງ ແລະ ກົດລະບຽບຂອງກະຊວງສຶກສາທິການ ແລະ ກິລາວາງອອກພ້ອມກັນນັ້ນທ່ານກໍ່ໄດ້ເນັ້ນໝັກໃຫ້ຄະນະກຳມະການຮັບຜິດຊອບຄວມຄຸມການສອບເສັງຈົ່ງມີຄວາມຕັດສິນໃຈສູງພ້ອມກັນນຳເອົາເນື້ອໃນຈິດໃຈກົດລະບຽບຂອງກະຊວງສຶກສາທິການ ແລະ ກິລາວາງອອກໄປຈັດຕັ້ງປະຕິບັດໃຫ້ຖືກຕ້ອງສອດຄ່ອງເພື່ອຮັບປະກັນໃຫ້ການສອບເສັງຈົບຊັ້ນມັດທະຍົມຕອນຕົ້ນ ມ4 ໃນຄັ້ງນີ້ໄດ້ຮັບຄຸນນະພາບ ແລະມີຜົນສຳເລັດສູງ.