ພິທີ ມອບ – ຮັບ ຄອມພິວເຕີ ໂນດບຸກ ຈາກ ບໍລິສັດ ເດລິເວຣີ ຮີໂຣ ລາວ ຫລື (ຟູດແພັນດ້າ) ໃຫ້ ສະຖານີ ວິທະຍຸ – ໂທລະພາບ ແຂວງອຸດົມໄຊ ຈັດຂຶ້ນໃນຕອນບ່າຍ ວັນທີ 19 ກໍລະກົດນີ້ ທີ່ຫ້ອງປະຊຸມ ສະຖານີ ວິທະຍຸ – ໂທລະພາບ ແຂວງອຸດົມໄຊ.
ການນຳເອົາຄອມພິວເຕີ ໂນດບຸກ ມອບໃຫ້ ສະຖານີ ວິທະຍຸ – ໂທລະພາບ ແຂວງອຸດົມໄຊ ກໍເພື່ອເປັນການປະກອບສ່ວນເຂົ້າໃນກວຽກງານ ວິຊາສະເພາະຂອງສະຖານີ ແນ່ໃສ່ເຮັດໃຫ້ການເຄື່ອນໄຫວມີຄວາມສະດວກ, ສະບາຍ, ວ່ອງໄວ, ທັນສະໄຫມ ແລະ ຮັບປະກັນດ້ານຄຸນນະພາບ ເນື່ອງຈາກໄລຍະຜ່ານມາ ທາງສະຖານີວິທະຍຸ – ໂທລະພາບ ແຂວງອຸດົມໄຊ ຍັງຂາດເຂີນດ້ານອຸປະກອນຮັບໃຊ້ວຽກງານ ຈຶ່ງເຮັດໃຫ້ບາງວຽກງານມີຄວາມຊັກຊ້າ ແລະ ບໍ່ທັນກັບສະພາບການ.


ເຊິ່ງຄອມພິວເຕີ ໂນດບຸກທີ່ບໍລິສັດນຳເອົາມາມອບໃນຄັ້ງນີ້ ມີຈໍານວນ 2 ຊຸດ ຍີ່ຫໍ້ ເອເຊີ ລວມມູຄ່າທັງຫມົດ 8 ລ້ານ 7ແສນ 20 ພັນກີບ( 8,720,000 ) ໃຫ້ກຽດມອບໂດຍ ທ່ານ ພາບ ສຸວັນນະພູ ຫົວຫນ້າບໍລິສັດ ເດລິເວີຣີ ຮີໂຣ ລາວ ຈຳກັດຜຸູ້ດຽວ ແຂວງອຸດົມໄຊ ແລະ ຮັບໂດຍ ທ່ານ ນາງ ທັດສະດາສຸກ ວິໄລວົງ ຮັກສາການຫົວໜ້າສະຖານີ ວິທະຍຸ – ໂທລະພາບ ແຂວງ ໂອກາດດ່ັງກາວ ພະແນກ ຖວທແຂວງ ໄດ້ມອບໃບຍ້ອງຍໍ ໃຫ້ແກ່ພາກສ່ວນດັ່ງກ່າວ ໂດຍມີ ທ່ານ ມະຫາໄຊ ເກດບຸນພັນ ຮອງຫົວຫນ້າພະແນກ ຖວທ ແຂວງ ແລະ ວິຊາການ ທັງສອງພາກສ່ວນ ເຂົ້າຮ່ວມ.
ຕອນທ້າຍ ທ່ານ ມະຫາໄຊ ເກດບຸນພັນ ຮອງຫົວຫນ້າພະແນກ ຖວທ ແຂວງອຸດົມໄຊ ຕາງຫນ້າສະຖານີວິທະຍຸ – ໂທລະພາບ ແຂວງອຸດົມໄຊ ໄດ້ກ່າວສະແດງຄວາມຂອບໃຈ ຕໍ່ບໍລິສັດ ເດລິເວີຣີ ຮີໂຣ ລາວ ປະຈຳແຂວງອຸດົມໄຊ ທີ່ໄດ້ນຳເອົາຄອມມາມອບໃຫ້ກັບສະຖານີ ເພື່ອນຳໃຊ້ເຂົ້າໃນວຽກງານ ແລະ ຫວັງວ່າຈະໄດ້ຮັບການຊຸກຍູ້, ຊ່ວຍເຫຼືອ ແລະ ອຸປະຖຳ ໃນຕໍ່ຫນ້າຕື່ມອີກ.

ພາບ-ຂ່າວ: ແສງອາທິດ