ມີເດຍລາວແຂວງຈຳປາສັກ ໃນຕອນເຊົ້າວັນທີ 21 ກໍລະກົດ 2021 ຢູ່ທີ່ໂຮງຮຽນ ມສ ມຸນລະປາໂມກ,ການສອບເສັງຈະດຳເນີນໄປເປັນເວລາ 3 ວັນ ນັບແຕ່ວັນທີ 21-23 ກໍລະກົດ 2021 ຈຶ່ງຈະສຳເລັດ.
ໂດຍການເຂົ້າຮ່ວມເປີດຊອງຫົວບົດສອບເສັງ ຂອງທ່ານ ສົມຈັນ ສີຈັນແດງ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງມຸນລະປາໂມກ, ທ່ານ ອຸເດດ ອິນທະວົງ ຫົວໜ້າຂະແໜງ ຕ່າງໜ້າພະແນກສຶກສາທິການ ແລະ ກິລາແຂວງ ລົງປະຈຳສູນເມືອງມຸນລະປາໂມກ,ມີ ຕ່າງໜ້າຈາກກະຊວງ,ພະແນກສຶກສາ ລົງຊີ້ນຳວຽກງານສາມສ້າງຂັ້ນເມືອງ,ຜູ້ອຳນວຍການໂຮງຮຽນ ເຂົ້າຮ່ວມຊ້ອງໜ້າ.

ສູນສອບເສັງຈົບຊັ້ນມັດທະຍົມຕອນຕົ້ນ ມ4 ປະຈຳເມືອງມຸນລະປາໂມກ ມີຈຳນວນນັກຮຽນໃນທົ່ວເມືອງ ເຂົ້າສອບເສັງທັງໝົດ 291 ຄົນ,ຍິງ 139 ຄົນ ທີ່ມາຈາກ 7 ແຫ່ງຂອງໂຮງຮຽນພາຍໃນເມືອງ,ມີຫ້ອງສອບເສັງທັງໝົດ 14 ຫ້ອງ,ຫ້ອງລະ 20 ຄົນ 21ຄົນ.