ມີເດຍລາວແຂວງບໍ່ແກ້ວ ຂ່າວ: ອຸນຄໍາາ ຂັນວາລິດ.
ໃນຕອນເຊົ້າຂອງວັນທີ 20 ກໍລະກົດ 2021ນີ້ ຢູ່ທີ່ບ້ານໂພນສະຫວ່າງ ເມືອງເມິງ ແຂວງບໍ່ແກ້ວ ໄດ້ຈັດພິທີເຊັນສັນຍາມອບຮັບຍອດສີນເຊື່ອຜ່ານອົງການຈັດຕັ້ງການເມືອງ-ສັງຄົມແລະກອງທືນຂັ້ຮບ້ານຫຼື ອກສກ ໃຫ້ແກ່ບ້ານໂພນສະຫວ່າງ ໂດຍພາຍໄຕ້ການເປັນປະທານຂອງທ່ານ ສົມນຶກ ອິນທະພົມ ກໍາມະການພັກເມືອງ, ຮອງເຈົ້າເມືອງໆເມິງ ຜູ້ຊີ້ນໍາວຽກງານຂົງເຂດວັດທະນະທໍາສັງຄົມ,ມີບັນດາທ່ານ ຄະນະທີ່ມງານຈາກທະນາຄານນະໂຍບາຍສາຂາຫຼວງນໍ້າທາ, ທະນາຄານນະໂຍບາຍ ໜ່ວຍບໍລິການເມືອງເມິງຕະຫຼອດຮອດອົງການຈັດຕັ້ງບ້ານແລະຄະນະຮັບຜິດຊອບທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ໃນພິທີທ່ານ ຄໍາໄຊ ພົມມະສັກ ຫົວໜ້າທະນາຄານນະໂຍບາຍ ໜ່ວຍບໍລິການເມືອງເມິງ ໄດ້ຂຶ້ນຜ່ານເອກະສານສັນຍາມອບຮັບຍອດສີນເຊື່ອ ບ້ານໂພນສະຫວ່າງ ຜ່ານອົງການຈັດຕັ້ງການເມືອງ-ສັງຄົມແລະກອງທືນຂັ້ນບ້ານຫຼື ອກສກ ຊຶ່ງມາຮອດທ້າຍເດືອນ 6 ປີ 2021 ບ້ານໂພນສະຫວ່າງ ມີຍອດສີນເຊື່ອທັງໝົດ 1.583 ລ້ານກວ່າກີບ, ລວມມີ 23 ກຸ່ມ, ມີ 1 ລາຍບຸກຄົນ, ມີຄອບຄົວເຂົ້າເຖິງແຫຼ່ງທືນຈໍານວນ 89 ຄອບຄົວ ເທົ່າກັບ 69,53% ຂອງຈໍານວນຄອບຄົວທັງໝົດ 128 ຄອບຄົວ, ຍອດສີນເຊື່ອບ້ວງເກົ່າມີ 1 ຕື້ 583 ລ້ານກວ່າກີບ, ໄລຍະກາງມີ 9 ລ້ານກ່ວາກີບ, ໄລຍະຍາວ 1ຕື້ 573 ລ້ານກ່ວາກີບ,

ໃນນັ້ນໜີ້ຕົ້ນທືນປົກກະຕິ 1 ຕື້ 433 ລ້ານກ່ວາກີບ,ຫນີ້ຕົ້ນທືນບໍ່ເກີດດອກອອກຜົນ NPL 150 ລ້ານກ່ວາກີບ, ດອກເບ້ຍຄ້າງຮັບທັງໝົດ 60 ລ້ານກ່ວາກີບ ແລະ ສີນເຊື່ອລາຍກຸ່ມ 60 ລ້ານກ່ວາກີບ, ເທົ່າກັບ 100% ຂອງລາຍກຸ່ມ ຈາກນັ້ນຄະນະຮັບຜິດຊອບໄດ້ຂຶ້ນຜ່ານຂໍ້ຕົກລົງ ສະບັບເລກທີ 537/ທນບ. ຫຼທ ວ່າດ້ວຍການອະນຸມັດຮັບຮອງເອົາບ້ານ ( ອກສກ) ແລະ ຂໍ້ຕົກລົງຂອງທ່ານເຈົ້າເມືອງ ເລກທີ 167/ຈມ.ມມ ວ່າດ້ວຍການອະນຸມັດຮັບຮອງເອົາບ້ານໂພນສະຫວ່າງ ເປັນບ້ານປະຕິບັດລະບຽບສີນເຂື່ອປ່ອຍເງີນກູ້ຜ່ານອົງການຈັດຕັ້ງການເມືອງ-ສັງຄົມແລະກອງທືນຂັ້ນບ້ານຫຼື(ອກສກ) ໃນພິທີຕ່າງໜ້າທະນາຄານນະໂຍບາຍແລະອົງການຈັດຕັ້ງບ້ານໄດ້ຂຶ້ນເຊັນສັນຍາແລະມອບຮັບຢ່າງເປັນທາງການ ໂດຍການເຂົ້າຮ່ວມເປັນສັກຂີພິຍານຂອງທ່ານຮອງເຈົ້າເມືອງແລະອົງການຈັດຕັ້ງບ້ານທຸກຂັ້ນທຸກພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດທີ່ໄດ້ເຂົ້າຮ່ວມພິທີດັ່ງກ່າວ ທ່ານ ສົມນຶກ ອິນທະພົມ ຮອງເຈົ້າເມືອງໆເມິງ ໄດ້ໂອ້ລົມເນັ້ນໜັກໃຫ້ແກ່ອົງການປົກຄອງບ້ານຄະນະຮັບຜິດຊອບພາຍໃນບ້ານໃຫ້ເອົາໃຈໃສ່ຈັດຕັ່ງປະຕິບັດຕາມຂັ້ນຕອນ,ຕາມລະບຽບຫຼັກການທາງທະນາຄານນະໂຍບາຍວາງອອກຢ່າງເຂັ້ມງວດ ເປັນຕົ້ນແມ່ນການປ່ອຍເງີນກູ້ຕ້ອງໄດ້ເອົາໃຈໃສ່ເກັບກໍາຂໍ້ມູນ ເຮັດບົດວິພາກນ້ອຍໃຫ້ລະອຽດກ່ອນທີ່ຈະປ່ອຍເງີນກູ້ໃນແຕ່ລະຄັ້ງບໍ່ວ່າຈະເປັນລາຍບຸກຄົນ ຫຼື ລາຍກຸ່ມ ເອົາໃຈໃສ່ເກັບຕົ້ນທຶນ ແລະ ດອກເບ້ຍໃຫ້ທ່ວງທັນກັບເວລາທີ່ກໍານົດໄວ້ ເພື່ອແນໃສ່ເຮັດໃຫ້ວຽກງານດັ່ງກ່າວຮັບປະກັນໄດ້ທັງປະລິມານ ແລະ ຄຸນນະພາບເພື່ອສຸມໃສ່ແກ້ໄຂຊີວິດການເປັນຢູ່ຂອງປະຊາຊົນພາຍໃນບ້ານໂພນສະຫວ່າງຫຼຸດພົ້ນອອກຈາກຄວາມທຸກຍາກເທື່ອລະກ້າວ.