ມີເດຍລາວແຂວງບໍ່ແກ້ວ
ໃນຕອນແລງ ວັນທີ 21 ກໍລພາບ – ຂ່າວ: ນາງ ຈອມແສງ ແສນປະເສີດ ຈາກ: ອົງການແນວລາວສ້າງຊາດແຂວງ ບໍ່ແກ້ວະກົດ 2021 ທີ່ຜ່ານມານີ້ ຢູ່ທີ່ ສູນຝຶກອົບຮົມເມືອງ ຫ້ວຍຊາຍ ແຂວງ ບໍ່ແກ້ວ ອົງການແນວລາວສ້າງຊາດແຂວງ ບໍ່ແກ້ວ ນໍາໂດຍ ທ່ານ ດາລີວັນ ພູສະຫວັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ຜູ້ຊີ້ນໍາອົງການຈັດຕັ້ງມະຫາຊົນແຂວງ ພ້ອມດ້ວຍຄະນະ ໄດ້ລົງພົບປະໂອ້ລົມເພື່ອຊຸກຍູ້ວຽກງານຮອບດ້ານໃຫ້ແກ່ ວຽກງານແນວລາວສ້າງຊາດເມືອງ ແລະ ອົງການຈັດຕັ້ງມະຫາຊົນຂັ້ນເມືອງ ເຊິ່ງເຂົ້າຮ່ວມຮັບຟັງໃນຄັ້ງນີ້ມີບັນດາ ກໍາມະການພັກເມືອງ, ປະທານ-ຮອງປະທານ ແນວລາວສ້າງຊາດເມືອງ , ມີຫົວໜ້າ-ຮອງຫ້ອງການ, ເລຂາ-ຮອງເລຂາ ຈາກອົງການຈັດຕັ້ງມະຫາຊົນຂັ້ນເມືອງ ໄດ້ແກ່ ສະຫະພັນແມ່ຍິງເມືອງ, ຄະນະບໍລິຫານງານຊາວໜຸ່ມເມືອງ, ສະຫະພັນກໍາມະບານເມືອງ, ຜູ້ຊົງຄຸນວຸດທິບັນດາເຜົ່າ ຕະຫຼອດຮອດພະນັກງານຫຼັກແຫຼ່ງຈາກບັນດາອົງການ-ຫ້ອງການອ້ອມຂ້າງເມືອງ ເຂົ້າຮ່ວມທັງໝົດ ຈໍານວນ 71 ທ່ານ ຍິງ 33 ທ່ານ.

ກອງປະຊຸມຜູ້ເຂົ້າຮ່ວມໄດ້ຮັບຟັງ ການລາຍງານກ່ຽວກັບສະພາບການເຄື່ອນໄຫວວຽກງານທີ່ພົ້ນເດັ່ນຂອງ ວຽກງານແນວລາວສ້າງຊາດເມືອງ ແລະ ອົງການຈັດຕັ້ງມະຫາຊົນ ຢູ່ເມືອງ ຫ້ວຍຊາຍ ໃນໄລຍະ 6 ຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ເຊິ່ງ ສະແດງອອກຢູ່ໃນຜົນງານຫຼາຍດ້ານ ເຊັ່ນ: ໜຶ່ງ: ແນວລາວສ້າງຊາດເມືອງ ແມ່ນສາມາດເຕົ້າໂຮມຄວາມສາມັກຄີບັນດາເຜົ່າ, ສາສະໜາ ເພດ, ໄວ ພ້ອມທັງສຶກສາອົບຮົມການເມືອງແນວຄິດໃຫ້ແກ່ພະນັກງານ, ກໍາມະການແນວລາວສ້າງເມືອງ – ບ້ານ ໃຫ້ມີແນວຄິດໜັກແໜ້ນ ເຊື່ອໝັ້ນຕໍ່ການຊີ້ນໍາ – ນໍາພາຂອງພັກ – ລັດ, ສໍາເລັດການຮັບຮອງ ຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ເພີ່ມຂຶ້ນ 6 ບ້ານ ,

ໄດ້ລົງຕິຕາມການຄຸ້ມຄອງສາສະໜາ, ສໍາເລັດການປັບປຸງແນວລາວສ້າງຊາດບ້ານທີ່ໝົດສະໄໝການປະຕິບັດໜ້າທີວຽກງານ ໄດ້ 3 ບ້ານ,ສອງ: ສະຫະພັນແມ່ຍິງເມືອງ ແມ່ນ ໄດ້ຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກສະຫະພັນແມ່ຍິງຢູ່ 6 ໂຮງຮຽນພາຍໃນເມືອງ, ລົງຕິດຕາມຊຸກຍູ້ວຽກງານກຸ່ມທ້ອນເງິນຢ່າງເປັນປົກກະຕິ, ສໍາເລັດການລົງຝຶກອົບຮົມບົດບາດຍິງ-ຊາຍ ແລະ ວຽກງານປ້ອງກັນ ຊ່ວຍເຫຼືອກຸ່ມສ່ຽງຜູ້ຖືກເຄາະຮ້າຍຈາກການຄ້າມະນຸດ ໂດຍສະເພາະແມ່ນເດັກ ຢູ່ບັນດາໂຮງຮຽນ ແລະ ບ້ານ, ສາມ: ຄະນະບໍລິຫານງານຊາວໜຸ່ມເມືອງ ແມ່ນ ສໍາເລັດການປັບປຸງຄະນະໜ່ວຍຊາວໜຸ່ມ 1 ໂຮງຮຽນ ແລະ 2 ບ້ານ, ສາມາດຂະຫຍາຍສະມາຊິກຊາວໜຸ່ມໄດ້ 9 ໂຮງຮຽນ ແລະ ສະມາຊິກເຍົາວະຊົນ ໄດ້ 1o ໂຮງຮຽນ, ມອບໃບຢັ້ງຢືນ ຂໍ້ແຂ່ງຂັນ 3 ດີ 4 ຮູ້ ຂອງກອງເຍົາວະຊົນທັນວາໄດ້ 5 ໂຮງຮຽນ, ສີ່: ສະຫະພັນກໍາມະບານເມືອງ ແມ່ນ ໄດ້ປະຕິບັດນະໂຍບາຍຂອງກອງທຶນໃຫ້ແກ່ສະມາຊິກທີ່ນອນປິ່ນປົວຢູ່ໂຮງໝໍ ແລະ ຜູ້ທີ່ເສຍຊີວິດ 2o ສະຫາຍ ເປັນເງິນຈໍານວນກ່ວາ 13 ລ້ານກີບ, ຈັດກອງປະຊຸມແລກປ່ຽນບົດຮຽນກ່ຽວກັບວຽກງານປົກປ້ອງແຮງງານ 2 ຄັ້ງ, ຫ້າ: ສະຫະພັນນັກຮົບເກົ່າເມືອງ ແມ່ນໄດ້ລົງກວດກາສະມາຊິກນັກຮົບເກົ່າໃນການເຄື່ອນໄຫວຢູ່ແຕ່ລະໜ່ວຍ ໄດ້ຊ່ວຍແກ້ໄຂບັນຫາປະກົດການຫຍໍ້ທໍ້ຕ່າງໆ, ໄດ້ມອບເງິນກອງທຶນຊ່ວຍເຫຼືອສະມາຊິກນັກຮົບເກົ່າເວລາເຈັບເປັນ ນອນໂຮງໝໍ ຈໍານວນ 4 ຄັ້ງ, ເສຍຊີວິດ4 ຄັ້ງ.

ໃນໂອກາດດຽວກັນນີ້ ທ່ານ ດາລີວັນ ພູສະຫວັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ຜູ້ຊີ້ນໍາອົງການຈັດຕັ້ງມະຫາຊົນແຂວງ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍມາຍັງອົງການແນວລາວສ້າງຊາດເມືອງ ແລະ ອົງການຈັດຕັ້ງມະຫາຊົນຂັ້ນເມືອງຕໍ່ບັນດາຜົນງານທີ່ພົ້ນເດັ່ນຫຼາຍດ້ານໃນໄລຍະ 6 ເດືອນຜ່ານມາ ເຖິງວ່າຈະປະສົບກັບຄວາມຫຍຸ້ງຍາກອັນເກີດຈາກການແຜ່ລະບາດຂອງພະຍາດຂອງພະຍາດ ໂຄວິດ – 19 ແຕ່ ທຸກອົງການຈັດຕັ້ງກໍ່ໄດ້ສືບຕໍ່ເອົາໃຈໃສ່ຈັດຕັ້ງເຄື່ອນໄຫວວຽກງານຕາມພາລະບົດບາດ, ສິດ, ໜ້າທີ່ ຂອງຕົນຕາມປົກກະຕິ ແລະ ມີຜົນສຳເລັດ ຈາກນັ້ນທ່ານຍັງໄດ້ເນັ້ນໜັກໃຫ້ຜູ້ເຂົ້າຮ່ວມໝົດທຸກທ່ານ ຕ້ອງພ້ອມກັນແກ້ໄຂບັນຫາອັນຮີບດ່ວນກ່ຽວກັບ ປະກົດການຫຍໍ້ທໍ້ທີ່ພົ້ນເດັ່ນໃນສັງຄົມໃນປະຈຸບັນເຊັ່ນ: ບັນຫາຢາເສບຕິດ, ຂີ້ລັກ ງັດແງະ, ປຸ້ນຈີ້ຊີງຊັບ, ອຸປະຕິເຫດໃນທ້ອງຖະຫນົນ, ບັນຫາແຮງງານເຄື່ອນຍ້າຍ, ແຮງງານນອກລະບົບ , ການເຂົ້າອອກເມືອງຜິດກົດຫມາຍ, ບັນຫາການຄ້າມະນຸດ, ບັນຫາການເຄື່ອນໄຫວສາສະໜາທີ່ບໍ່ຖືກຕ້ອງການ, ການຄ້າຂາຍເຖື່ອນ, ບັນຫາຂໍ້ຂັດແຍ່ງທາງດ້ານທີ່ດິນ, ຂໍ້ຂັດແຍ່ງລະຫວ່າງຜູ້ໃຊ້ແຮງງານ ແລະ ຜູ້ອອກແຮງງານ, ບັນຫາຄວາມທຸກຍາກຂອງປະຊາຊົນ ແລະ ອື່ນໆ ຈະຕ້ອງໄດ້ສືບຕໍ່ແກ້ໄຂ

ໂດຍສະເພາະບັນຫາທີ່ພົວພັນເຖິງ ຄວາມຮັບຜິດຊອບການເມືອງ, ແບບແຜນນໍາພາ ແລະ ແບບແຜນວິທີເຮັດວຽກ, ຄວາມເປັນແບບຢ່າງນໍາໜ້າ, ຄວາມເສຍສະຫຼະຕໍ່ສ່ວນລວມ ໃນເງື່ອນໄຂທີ່ເມືອງຂອງພວກເຮົາພວມປະເຊີນໜ້າກັບຄວາມຫຍຸ້ງຍາກຫຼາຍປະການ, ຕ້ອງໄດ້ພ້ອມກັນສືບຕໍ່ບຸກທະລຸທາງດ້ານແນວຄິດ, ຈິນຕະນາການ ໃນການສ້າງຄວາມຮັບຮູ້ເຂົ້າໃຈ, ສາມາດກໍາແໜ້ນ ແລະ ເປັນເອກະພາບ ຕໍ່ມະຕິ ສໍາຄັນຕ່າງໆຂອງແຂວງ ຂອງເມືອງ, ຕ້ອງແກ້ໄຂບັນຫາການເສີມຂະຫຍາຍປະຊາທິປະໄຕຢູ່ພາຍເປັນໃນເຊິ່ງ ຈຸດ ອ່ອນພື້ນຖານຂອງແຕ່ລະອົງການ, ຕ້ອງຕື່ນຕົວເປັນເຈົ້າການສະແດງຄໍາຄິດຄໍາເຫັນໃນເວທີ ຕ່າງຕ່າງໃຫ້ຟົດຟື້ນ ແຂງແຮງກ່ວາເກົ່າ, ສືບຕໍ່ເສີມຂະຫຍາຍສະມາຊິກອົງການຈັດຕັ້ງມະຫາຊົນໃຫ້ກ້ວາງຂວາງກ່ວາເກົ່າ ໂດຍສະເພາະ ເຂົ້າສູ່ ຫົວໜ່ວຍແຮງງານ, ໂຮງຈັກໂຮງງານຕ່າງໆ, ກໍາມະກອນ, ຊາວຜູ້ອອກແຮງງານ ແລະ ຮາກຖານຂັ້ນບ້ານ, ສືບຕໍ່ ເວົ້າກັນໃຫ້ຫຼາຍ ສ້າງໃຫ້ມີເວທີເພື່ອສົນທະນາແລກປ່ຽນຄໍາຄິດຄໍາເຫັນນໍາກັນ

ເພື່ອໃຫ້ເປັນບົດຮຽນທີ່ດີໄປປະຍຸກໃຊ້ເຂົ້າໃນໜ້າວຽກຕົວຈິງ, ພ້ອມກັນຕ້ານ ແລະ ສະກັດກັ້ນກຸ່ມຄົນບໍ່ຫວັງດີ ໃນທຸກຮູບແບບ, ພວກເຮົາຕ້ອງປ່ຽນແປງໃໝ່ ທັງຮູບແບບ ແລະ ວິທີການ ເພື່ອເຮັດໃຫ້ວຽກງານໄດ້ຮັບການປັງປຸງໃຫ້ດີເທື່ອລະກ້າວ ໂດຍຕິດພັນກັບວຽກງານສາມສ້າງ ພ້ອມທັງເປັນເຈົ້າການປຸກລະດົມທາງດ້ານວຽກງານການສຶກສາອົບຮົມແນວຄິດໃຫ້ແກ່ພໍ່ແມ່ປະຊາຊົນບັນດາເຜົ່າ ເພື່ອໃຫ້ລູກຫຼານໃນເຂດຊົນນະບົດຫ່າງໄກສອກຫຼີກໃຫ້ໄດ້ຮັບການສຶກສາຮໍ່າຮຽນໃຫ້ທົ່ວເຖິງ, ເປັນເຈົ້າການສ້າງສະພາບແວດລ້ອມແຫ່ງຄວາມສະຫງົບສຸກ, ປອດໄພ, ມີຄວາມເປັນລະບຽບຮຽບຮ້ອຍໃນສັງຄົມ ເພື່ອຮັບປະກັນເຮັດໃຫ້ການດໍາລົງຊີວິດ, ການທໍາມາຫາກິນ ຂອງພໍ່ແມ່ປະຊາຊົນບັນດາເຜົ່າ ໄດ້ຮັບການພັດທະນາດີຂຶ້ນເທື່ອລະກ້າວ.