ມີເດຍລາວແຂວງບໍ່ແກ້ວ ພາບ-ຂ່າວ: ວັນນະເດດ ວິໄລຄຸນ.
ກອງປະຊຸມຄົບຄະນະບໍລິຫານງານພັກເມືອງປາກທາ ເປີດກ້ວາງ ປະຈຳ 6 ເດືອນຕົ້ນປີ ແລະ 6 ເດືອນ ທ້າຍປີ ຄັ້ງທີ V ສະໄໝທີ VII ປີ 2021 ໄດ້ໄຂຂື້ນ ແລະ ອັດລົງດ້ວຍຜົນສຳເລັດຢ່າງຈົບງາມ ໃນວັນທີ 21 ກໍລະກົດ 2021ນີ້ ທີສະໂມສອນຂອງເມືອງ ພາຍໃຕ້ການເປັນປະທານ ຂອງສະຫາຍ ສຸໄລ ດວງຜາຄຳ ກຳມະການພັກແຂວງ ເລຂາພັກເມືອງ ເຈົ້າເມືອງປາກທາ, ມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານກໍ່ສ້າງຮາກຖານການເມືອງ ແລະ ຄະນະຮັບຜິດຊອບເຂົ້າຮ່ວມ.

ສະຫາຍ ສຸໄລ ດວງຜາຄຳ ປະທານກອງປະຊຸມ ໄດ້ກ່າວເປີດກອງປະຊຸມ ແລະ ຍົກໃຫ້ເຫັນເນື້ອໃນກອງປະຊຸມຄົບຄະນະ ສະໄໝສາມັນ ຂອງຄະນະບໍລິຫານງານສູນກາງພັກ ສະໄໝທີ XI, ຄໍາແນະນຳກ່ຽວກັບທິດທາງເນື້ອໃນ ແລະ ວິທີການນຳພາວຽກງານການເມືອງ-ແນວຄິດພາຍໃນແຂວງບໍ່ແກ້ວ ແລະ ຜົນສຳເລັດການດຳເນີນກອງປະຊຸມ ປະຈຳ 6 ເດືອນທ້າຍປີ ຂອງຄະນະບໍລິຫານງານພັກແຂວງບໍ່ແກ້ວ ຄັ້ງທີ III ສະໄໝທີ່ VI, ພ້ອມນັ້ນຜູ້ແທນກອງປະຊຸມກໍ່ໄດ້ຮັບຟັງການລາຍງານຮ່າງບົດສະຫຼຸບການຈັດຕັ້ງປະຕິບັດວຽກງານຮອບດ້ານ ປະຈຳ 6 ເດືອນ ຕົ້ນປີ ແລະ ທິດທາງແຜນການ 6 ເດືອນທ້າຍປີ 2021,

ເຊິ່ງໄລຍະຜ່ານມາ ຄະນະພັກແຕ່ລະຂັ້ນໄດ້ເອົາໃຈໃສປະຕິບັດວຽກງານດ້ວຍຄວາມເປັນເຈົ້າການ ແລະ ມີຄວາມຮັບຜິດຊອບສູງເຮັດໃຫ້ມີຜົນສຳເລັດຕາມແຜນການຄາດໝາຍທີວາງໄວໃນແຕ່ລະຂົງເຂດວຽກງານ, ໂດຍໄດ້ຖືເອົາວຽກງານສຶກສາອົບຮົມການເມືອງແນວຄິດເປັນກົກ, ໄດ້ເພີ່ມທະວີການຊີ້ນຳໆພາເດັດຂາດໂດຍກົງຕໍ່ວຽກງານປ້ອງກັນຊາດປ້ອງກັນຄວາມສະຫງົບ ເຊິງຮັກສາໄດ້ສະຖຽນລະພາບທາງດ້ານເມືອງຢ່າງໜັກແໜ້ນ, ໂດຍລວມຍອດຜະລິດຕະພັນພາຍໃນໄດ້ 105 ຕື້ກ່ວາກີບ,( 105.514.996.068 )ຕື້ກີບ ທຽບໃສ່ ແຜນການປີປະຕິບັດໄດ້ 51% ເສດຖະກິດຂະຫຍາຍຕົວໃນລະດັບ 3,72% ໃນນີ້ດ້ານກະສິກຳປ່າໄມ້ 67,360 ຕື້ກີບ ຂະຫຍາຍຕົວ 3,63%, ກວມ 63,84%, ດ້ານອຸດສາຫະກໍາ 10,157 ຕື້ກີບ ຂະຫຍາຍຕົວ 3,62%, ກວມ 9,63%, ດ້ານບໍລິການ 27,997 ຕື້ກີບ ຂະຫຍາຍຕົວ3,80%, ກວມ 26,53%, ສະເລ່ຍລາຍຮັບຕໍ່ຫົວຄົນໄດ້ 604 ໂດລາ/ຄົນ,ເທົ່າກັບ 4.889.481 ກີບ,

ກອງປະຊຸມຍັງໄດ້ຮັບຟັງບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ການຈັດຕັ້ງປະຕິບັດແຜນລາຍຮັລ-ລາຍຈ່າຍ 6 ເດືອນຕົ້ນປີ ແລະ ການສະຫຼຸບຕີລາຄາວຽກງານກໍ່ສ້າງຮາກຖານການເມືງປະຈຳປີ 2020 ແລະ ການຈັດຕັ້ງປະຕິບັດມາດຕະການເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ຢູ່ຂັ້ນເມືອງ. ຈາກນັ້ນກໍ່ໄດ້ພ້ອມກັນຜັດປ່ຽນກັນປະກອບຄຳຄິດ-ຄຳເຫັນຢ່າງກົງໄປ-ກົງມາໃສ່ຮ່າງບົດສະຫຼຸບ ໂດຍຍົກໃຫ້ເຫັນດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ, ສາເຫດ, ບາງບົດຮຽນທີ່ຖອດຖອນໄດ້ ແລະ ພ້ອມກັນນັ້ນກໍ່ໄດ້ສະເໜີທິດທາງແຜນການ, ມາດຕະການ, ວິທີແກ້ໄຂໃນຕໍ່ໜ້າຢ່າງເປັນແຜນການອັນລະອຽດ ແລະ ເປັນເອກະພາບ, ອັນໄດ້ເຮັດໃຫ້ກອງປະຊຸມໃນຄັ້ງນີ້ມີເນື້ອໃນເລີກເຊິ່ງເຖິງຖອງ, ທັງສ່ອງແສງໃຫ້ເຫັນເຖິງການເອົາໃຈໃສ່ຊີ້ນຳ-ນຳພາຂອງອົງຄະນະພັກເມືອງ, ອົງການປົກຄອງຂັ້ນຕ່າງໆໃນໄລຍະຜ່ານມາ.

ຕອນທ້າຍກອງປະຊຸມ ສະຫາຍ ສຸໄລ ດວງຜາຄຳ ປະທານກອງປະຊຸມໄດ້ມີຄຳເຫັນໂອ້ລົມ, ເຊິງທ່ານໄດ້ເໜັ້ນໜັກບາງວຽກງານໃຫ້ຄະນະພັກທຸກສະຫາຍເອົາໃຈໃສ່ເປັນຕົ້ນ ຈົ່ງຖືເອົາວຽກງານເມືອງແນວຄິດເປັນກົກໃນການສຶກສາອົບຮົມການເມືອງແນວຄິດໃຫ້ກັບພະນັກງານທະຫານ ຕຳຫຼວດ ພໍ່ແມ່ປະຊາຊົນບັນດາເຜົ່າໃນທົ່ວເມືອງ ໄດ້ຮັບຮູ້ເຂົ້າໃຈຕໍ່ແນວທາງຂອງພັກ ລະບຽບກົດໝາຍຂອງລັດ, ຕິດພັນກັບການລົງກໍ່ສ້າງຮາກຖານການເມືອງ ແລະ ແກ້ໄຂປະກົດການຫຍໍ້ທໍ້ຕາມ 8 ແຜນວຽກໃຫ້ໄດ້ຢ່າງເລິກເຊິງ,

ພ້ອມນັ້ນກໍ່ຕ້ອງພ້ອມກັນປົກປັກຮັກຜື້ນແຜນດິນ ຄວາມເປັນລະບຽບຮຽບຮອຍລຽບຕາມຊາຍແດນຂອບເຂດຄວາມຮັບຜິດຊອບໃຫ້ມີຄວາມສະຫງົບສຸກໂດຍພື້ນຖານຢ່າງໜັກແໜ້ນ, ຊຸກຍູ້ການປູກ-ການລ້ຽງເພື່ອສ້າງຄວາມໝັ້ນຄົງທາງດ້ານສະບຽງອາຫານ, ຊຸກຍຸ້ບັນດາຂະແໜງການຂຸດຄົ້ນລາຍຮັບເຂົ້າງົບປະມານ ແລະ ໃຫ້ບັນລຸຕາມແຜນການທີ່ກຳນົດໄວ້, ສຸມກຳລັງການຊີ້ນຳການແກ້ໄຂຄວາມທຸກຍາກຂອງປະຊາຊົນບັນດາເຜົ່າ, ຕິດພັນກັບພັດທະນາທາງດ້ານວັດທະນະທຳ-ສັງຄົມ ໃນການຍົກສູງຄຸນນະພາບການສືກສາ, ສາທາລະນະສຸກແລະ ສົ່ງເສີມຮີດຄອງປະເພນີບັນດາເຜົ່າ ແລະ ພ້ອມກັນຈັດຕັ້ງປະຕິບັດທິດທາງແຜນການ 6 ເດືອນຕໍ່ໜ້າໃຫ້ບັນລຸຕາມຈຸດປະສົງລະດັບຄາດໝາຍທີ່ກຳນົດໄວ້. ພ້ອມທັງກ່າວປິດກອງປະຊຸມໃນຄັ້ງນີ້ຢ່າງເປັນທາງການ.