ວັນທີ30 ກັນຍາ 2019 ນີ້, ຢູ່ຫ້ອງປະຊຸມຊັ້ນ2ຫໍວັດທະນະທຳໄກສອນ ພົມວິຫານໄດ້ຈັດພິທີມອບ-ຮັບໜ້າທີ່ລະຫວ່າງເລຂາຄະນະບໍລິຫານງານຊາວໜຸ່ມແຂວງຜູ້ເກົ່າແລະຜູ້ໃຫມ່ ຂື້້ນໂດຍການເປັນປະທານຂອງ ທ່ານ ປອ ກົງຈັກ ໜໍ່ແກ້ວ ຄະນະປະຈຳພັກແຂວງ,ຫ້ວໜ້າພະແນກການເງິນປະຈຳແຂວງ,ມີຄະນະບໍລິຫານງານຊາວໜຸ່ມແຂວງ,ຄະນະຊາວໜຸ່ມພະແນກອ້ອມຂ້າງແຂວງ,ພະນັກງານພາຍໃນຫ້ອງການຄະນະຊາວໜຸ່ມແຂວງເຂົ້າຮ່ວມ ທັງຫມົດ98ສະຫາຍ;ຍິງ58ສະຫາຍ.

ອີງຕາມຂໍ້ຕົກລົງຂອງເລຂາພັກແຂວງ,ເຈົ້າແຂວງໆວ່າດ້ວຍການຍົກຍຍ້າຍພະນັກງານລັດຖະກອນໄປ ຮັບໜ້າທີ່ໃຫມ່, ອີງຕາມຂໍ້ຕົກລົງວ່າດ້ວຍການແຕ່ງຕັ້ງເລຂາຄະນະບໍລະຫານງານຊາວໜຸ່ມແຂວງສະຫວັນນະເຂດຜູ້ໃຫມ່ເພື່ອປະຕິບັດໃຫ້ຖຶກຕ້ອງຕາມຂໍ້ຕົກລົງແຕ່ງຕັ້ງຂອງຂັ້ນເທິງຄະນະບໍລິຫານງານຊາວໜຸ່ມແຂວງສະຫວັນນະເຂດຈິງໄດ້ຈັດພິທີມອບ-ຮັບໜ້າທີ່ລະຫວ່າງທ່ານ ລຳແກ້ວ ແສງໜູທອງ ເລຂາຄະນະບໍລິຫານງານຊາວໜຸ່ມແຂວງຜູ້ເກົ່າ ແລະ ທ່ານ ພູລຳພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງຜູ້ໃຫມ່ຂື້ນ. ຈາກນັ້ນ ທ່ານ ສິງວິໄລ ແກ້ວພອນວິໄລ ຫົວໜ້າຫ້ອງການບໍລິຫານຄະນະຊາວໜຸ່ມແຂວງໄດ້ສະຫຼຸບຄືນຜ່ານການນຳພາຂອງເລຂາຄະນະບໍລິຫານງານຊາວໜຸ່ມແຂວງຄົນເກົ່າເຄື່ອນໄຫວຕະຫລອດໄລຍະຜ່ານມາໂດຍສັງເຂບເຊິ່ງຍົກໃຫ້ເຫັນພາລະບົດບາດໃນການເປັນເສນາທິການໃຫ້ແກ່ຄະນະພັກຂັ້ນເທິງທາງດ້ານວຽກງານສຶກສາແນວຄິດດ້ານການເມືອງແລະດ້ານການຈັດຕັ້ງໃຫ້ແກ່ຊາວໜຸ່ມ-ເຍົາວະຊົນທັນວາໃນທົ່ວແຂວງສະຫວັນນະເຂດ ແລະ ສຶບຕໍ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ6ຂອງຄະນະບໍລິຫານງານຊາວໜຸ່ມແຂວງ,ໃນນັ້ນຍັງໄດ້ປະກາດນາມມະຍົດ4ບຸກຂອງແຂວງສະຫວັນນະເຂດໄດ້01ຄັ້ງ,ໄດ້ນຳພາຊາວໜຸ່ມເຂົ້າປະກວດນາງສາວລາວປະຈຳ2018ໄດ້ຮັບລາງວັນຊະນະເລີດໄດ້01ຄັ້ງ,ໄດ້ນຳພາເຍົາວະຊົນທັນເຂົ້າຮ່ວມງານພົບປະຕັ້ງຄ້າຍທີ່ແຂວງບໍລິຄຳໄຊເປັນເຈົ້້າພາບໄດ້01ຄັ້ງແລະວຽກງານອື່ນໆພາຍໃນແຂວງວາງອອກ.

ຫຼັງຈາກນັ້ນໄດ້ເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ, ການມອບ-ຮັບໜ້າທີ່ຄັ້ງນີ້ກໍ່ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃຫມ່ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວເຊິ່ງຄະນະບໍລິຫານງານຊາວໜຸ່ມແຂວງສະຫວັນນະເຂດເອົາວັດຖຸກຳມູນເຊື້ອທີ່ສຳຄັນຕ່າງໆຂອງຊາວໜຸ່ມປະຊາຊົນປະຕິວັດລາວແລະສືບຕໍ່ຜັນຂະຫຍາຍວຽກງານຊາວໜຸ່ມ-ເຍົາວະຊົນອະນຸຊົນໃຫ້ກ່າວໄປເລື່ອຍໆ.
ຕອນທ້າຍທ່ານ ປອ ກົງຈັກ ໜໍ່ແກ້ວ ຄະນະປະຈຳພັກແຂວງ,ຫົວໜ້າພະແນກການເງິນແຂວງໄດ້ຖືໂອ້ກາດໂອ້ລົມກັບເລຂາຄະນະບໍລິຫານງານຊາວໜຸ່ມແຂວງຜູ້ເກົ່າ ແລະ ຜູ້ໃຫມ່ພ້ອມຄະນະຊາວໜຸ່ມພະແນກການອ້ອມແຂວງ,ພະນັກງານລັດຖະກອນ, ຈາກນັ້ນໄດ້ຊີ້ທິດເຍື້ອງທາງໃຫ້ກັບຜູ້ເກົ່າແລະຜູ້ໃຫມ່ໃຫ້ເອົາໃຈໃສ່ ເຝິກຝົນຫຼໍ່ຫຼອມຕົນເອງໃຫ້ມີການພັດທະນາດີຂື້ນເລື້ອຍໆ.

ຂ່າວ: ຄຳແພງເພັດ ຂັນຕິວົງ
ພາບ: ຈິດສະຫວັນ ໄຊຈະເລີນ