ໃນວັນທີ 27 ກັນຍາ 2019 ຜ່ານມານີ້,ຢູ່ທີ່ສະໂມສອນຫ້ອງວ່າການປົກຄອງເມືອງໄຊບູລີ ໄດ້ຈັດກອງປະຊຸມໃຫຍ່ຜູ້ແທນຄັ້ງທີ IIIຂອງຄະນະໜ່ວຍພັກຫ້ອງການເງິນເມືອງໄຊບູລີຂຶ້ນ,ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ຈອມສີ ພະທິທັກ ຮອງເລຂາພັກເມືອງ ຫົວໜ້າຄະນະຈັດຕັ້້ງເມືອງໄຊບູລີ, ສະຫາຍ ສົນທະນາ ສິງສຸພົນ ກໍາມະການພັກເມືອງ ປະກວດກາພັກ-ລັດເມືອງ, ມີບັນດາໃນສະຫາຍກໍາມະການພັກເມືອງ, ຫົວໜ້າຫ້ອງການພະນັກງານສະມາຊິກພັກ, ຫ້ອງການອ້ອມຂ້າງເມືອງເຂົ້າຮ່ວມ.

ໃນກອງປະຊຸມ ສະຫາຍ ວິທະຍາ ນິລັນ ຫົວໜ້າຫ້ອງການການເງິນເມືອງ, ກໍ່ໄດ້ຜ່ານບົດລາຍງານການເມືອງ ຂອງໜ່ວຍພັກຫ້ອງການການເງິນເມືອງ, ໜ່ວຍພັກການເງິນເມືອງ ມີສະມາຊິກພັກທັງໝົດ 18 ສະຫາຍ ໃນນັ້ນ ມີສະມາຊິກພັກສົມບູນ 18 ສະຫາຍ, ຍິງ 09 ສະຫາຍ ແລະມີ 5 ໜ່ວຍງານຄື: ໜ່ວຍງານບໍລິຫານ ແລະກວດກາ, ໜ່ວຍງານຫງົບປະມານ ແລະ ບັນຊີ, ໜ່ວຍງານຄຸ້ມຄອງຊັບສິນຂອງລັດ, ໜ່ວຍງານສວຍສາອາກອນ ແລະຄັງເງິນແຫ່ງຊາດເມືອງ. ຈາກນັ້ນກອງປະຊຸມຍັງໄດ້ຕີລາຄາຄືນໃນຈັດຕັ້ງປະຕິບັດວຽກງານໃນໄລຍະ 5 ປີຜ່ານມາເຫັນວ່າຄະນະໜ່ວຍພັກການເງິນໄດ້ຖືເອົາວຽກງານດັ່ງກ່າວ, ເປັນວຽກງານທີ່ສໍາຄັນ, ນໍາເອົາແນວທາງນະໂຍບາຍ, ມະຕິຄໍາສັ່ງຕ່າງໆ,ເຊື້ອໝັ້ນຕໍ່ການຊີ້ນໍາໆພາຂອງຄະນະພັກທຸກຂັ້ນ, ກອງປະຊຸມຍັງໄດ້ຜ່ານມະຕິຕົກລົງຂອງຄະນະປະຈໍາພັກເມືອງ, ວ່າດ້ວຍການອະນຸມັດເປີດກອງປະຊຸມໃຫຍ່ຜູ້ແທນ ຄັ້ງທີ III ຂອງໜ່ວຍພັກການເງິນເມືອງ ແລະຜ່ານມາດຖານເງື່ອນໄຂ ພ້ອມປະກາດລາຍຊື່ຂອງຜູ້ທີ່ສະໝັກເລືອກຕັ້ງຂອງຄະນະໜ່ວຍພັກຊຸດໃໝ່ຂອງຫ້ອງການການເງິນເມືອງໄຊບູລີ, ເຊິ່ງມີ 5 ສະຫາຍ, ແລະໄດ້ເລືອກເອົາ 3 ສະຫາຍ, ໃນນັ້ນເລືອກໄດ້ ສະຫາຍ ວິທະຍາ ນິລັນ ເປັນເລຂາຂອງໜ່ວຍພັກຫ້ອງການເງິນເມືອງ, ສະຫາຍ ແສງພະຈັນ ສິງຫາລາດ ເປັນຮອງປະທານ, ແລະ ສະຫາຍ ບຸນຍັງ ໄຊຍະປັນຍາຊົນ ເປັນກໍາມະການ ແລະທັງເປັນຜູ້ກວດກາຂອງໜ່ວຍພັກການເງິນເມືອງ,

ໃນໂອກາດດຽວກັນນີ້, ກອງປະຊຸມຍັງໄດ້ຮັບຟັງການໂອ້ລົມ ຂອງ ສະຫາຍ ຈອມສີ ພະທິທັກຮອງເລາພັກເມືອງ, ຫົວໜ້າຄະນະຈັດຕັ້ງເມືອງ ກໍ່ໄດ້ຮຽກຮ້ອງໃຫ້ບັນດາໃນຄະນະໜ່ວຍພັກ ຕະຫຼອດຮອດສະມາຊິກພັກ ທຸກຄົນຈົ່ງພ້ອມກັນຄົ້າຄວ້າ ເຊື່ອມຊືມ ແລະນໍາເອົາມະຕິກອງປະຊຸມໃຫຍ່ຄັ້ງນີ້ໄປຈັດຕັ້ງປະຕິບັດໃຫ້ປະກົດຜົນເປັນຈິງ, ຮຽກຮ້ອງມາຍັງສະມາຊິກພັກທຸກຄົນຈົ່ງມີສະຕິລະວັງຕົວ, ຕ້ານທຸກເລ້ຫຼ່ຽມ, ຫັນປ່ຽນ ໂດຍສັນຕິຂອງສັດຕູ.ສ້າງໃຫ້ໜ່ວຍພັກມີຄວາມເຂັ້ມແຂງຮອບດ້ານ, ມີຄວາມສາມັກຄີແໜ້ນແຟ້ນທັງພາຍໃນແລະພາຍນອກໃຫ້ດີ.