ວັນທີ 5 ຕຸລາ 2019 ຜ່ານມາ ຄະນະຮັບຜິດຊອບ ໂຄງການ ນາງສາວ ມິສເວີຣລາວ(Miss World laos ) ປະຈໍາປີ 2019 ຈາກສູນກາງຊາວໜຸ່ມປະຊາຊົນປະຕິວັດລາວ ແລະ ຄະນະຮັບຜິດຊອບກອງປະກວດ ມິສເວີຣລາວ (Miss World laos ) ປະຈໍາປີ 2019 ບໍລິສັດ ພຣາມໂມເດວລິ້ງ ຈໍາກັດ ໄດ້ນໍາເອົາອຸປະກອນການຮຽນ ແລະ ເຄື່ອງນຸ່ງຫົ່ມມາມອບໃຫ້ແກ່ໂຮງຮຽນປະຖົມສົມບູນບ້ານ ຖ້ຳເທີບ ເມືອງກາສີ ແຂວງວຽງຈັນ ເປັນມູນຄ່າການຊ່ວຍເຫຼືອທັງໝົດ 20.000.000 ກີບ (ຊາວລ້ານກີບ).

ເພື່ອເປັນການສ້າງກິດຈະກໍາຊ່ວຍເຫຼືອສັງຄົມ, ມອບເຄື່ອງຊ່ວຍເຫຼືອໃຫ້ໂຮງຮຽນທີ່ຢູ່ຫ່າງໄກສອກຫຼີກ – ຂາດເຂີນອຸປະກອນການຮຽນ ໃຫ້ກັບປະຊາຊົນທີ່ດ້ອຍໂອກາດ ແລະ ເພື່ອປູກຈິດສໍານຶກໃຫ້ແກ່ນ້ອງນາງສາວ ມິສເວີຣລາວ 2019 ໃຫ້ມີຈິດໃຈເອື້ອເຟື້ອເພື່ອແຜ່ – ຊ່ວຍເຫຼືອສັງຄົມປະກອບສ່ວນເຂົ້າໃນການສົ່ງເສີມການສຶກສາ ພ້ອມທັງເປັນການເສີມສ້າງຍົກສູງບົດບາດຂອງຂະບວນຊາວໜຸ່ມໃຫ້ເປັນແບບຢ່າງຂອງແມ່ຍິງໜຸ່ມລາວ.

ເຊີ່ງໃຫ້ກຽດກ່າວມອບໂດຍ ແມ່ນຜູ້ຕາງໜ້າຈາກ ໂຄງການ ນາງສາວ ມິສເວີຣລາວ (Miss World laos ) ປະຈໍາປີ 2019 ຈາກສູນກາງຊາວໜຸ່ມປະຊາຊົນປະຕິວັດລາວ ແລະ ກ່າວຮັບໂດຍແມ່ນທ່ານ ສົມໝາຍ ພົນຈະເລີນສີ ຜູ້ອຳນວຍການ ໂຮງຮຽນປະຖົມສົມບູນບ້ານ ຖ້ຳເທີບ ໂດຍຊ່ອງໜ້າກັບອຳນາດການປົກຄອງຂັ້ນເມືອງ – ຂັ້ນບ້ານ, ຄະນະຊາວໜຸ່ມເມືອງ, ຄູ-ອາຈານ – ຄະນະກຸ່ມບ້ານພ້ອມດ້ວຍນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ ແລະ ເພື່ອເປັນການສະແດງຄວາມຮູ້ບຸນຄຸນ ທ່ານ ສົມໝາຍ ພົນຈະເລີນສີ ກໍ່ໄດ້ກ່າວສະແດງຄວາມຂອບອົກຂອບໃຈມາຍັງ ຄະນະຮັບຜິດຊອບ

ໂຄງການ ນາງສາວ ມິສເວີຣລາວ (Miss World laos ) ປະຈໍາປີ 2019 ຈາກສູນກາງຊາວໜຸ່ມປະຊາຊົນປະຕິວັດລາວ ແລະ ຄະນະຮັບຜິດຊອບກອງປະກວດ ມິສເວີຣລາວ (Miss World laos ) ປະຈໍາປີ 2019 ບໍລິສັດ ພຣາມໂມເດວລິ້ງ ຈໍາກັດທີ່ມີນ້ຳຈິດນ້ຳໃຈເອື້ອເຟື້ອເພື່ອແຜ່ ໃຫ້ການຊຸກຍູ້ຊ່ວຍເຫຼືອການຮຽນ – ການສອນ ແລະ ເຄື່ອງນຸ່ງຫົ່ມໃຫ້ແກ່ທາງໂຮງຮຽນ ພ້ອມນັ້ນທ່ານຍັງໃຫ້ຄໍາໝັ້ນສັນຍາວ່າ ຈະພ້ອມກັນປົກປັກຮັກສາ ແລະ ນຳໃຊ້ໃຫ້ເກີດຜົນປະໂຫຍດອັນສູງສຸດ. ໃນຕອນທ້າຍກໍ່ໄດ້ມີການແຈກຢາຍອຸປະກອນການຮຽນ – ເຄື່ອງນຸ່ງຫົ່ມໃຫ້ແກ່ນ້ອງນ້ອຍນັກຮຽນໃຫ້ໄດ້ຮັບກັນຢ່າງທົ່ວເຖີງ.

MediaLaos