ໃນວັນທີ 10 ຕຸລາ 2019 ນີ້; ຢູ່ທີ່ສະໂມສອນຂອງເມືອງ ອາດສະພັງທອງແຂວງ ສະຫວັນນະເຂດ, ພະນັກງານ – ລັດຖະກອນເມືອງ ອາດສະພັງທອງໄດ້ເຂົ້າຮ່ວມຮັບຟັງປາຖະກະຖາ 05 ວັນປະຫວັດສາດຂອງຊາດ – ຂອງພັກຂຶ້ນຢ່າງເປັນຂະບວນການທີ່ຟົດຟື້ນຄື: ວັນສ້າງຕັ້ງສາທາລະນະລັດປະຊາຊົນຈີນວັນທີ 01 ຕຸລາ 1949 ຫາວັນທີ 01 ຕຸລາ 2019 ຄົບຮອບ 70 ປີ ແລະ ວັນຄູແຫ່ງຊາດລາວວັນທີ 07 ຕຸລາ 1994 ຫາວັນທີ 10 ຕຸລາ 2019 ຄົບຮອບ 25 ປີ, ວັນສ້າງຕັ້ງການທູດລາວວັນທີ 12 ຕຸລາ 1945 ຫາ 12 ຕຸລາ 2019 ຄົບຮອບ 74 ປີ, ວັນປະກາດເອກະລາດວັນທີ 12 ຕຸລາ 1945 ຫາ 12 ຕຸລາ 2019 ຄົບຮອບ 74 ປີ ແລະ ວັນລະນຶກສາກົນ ແລະ ສັບປະດາແຫ່ງຊາດເພື່ອລົບລ້າງຄວາມທຸກຍາກຂອງ ສປປລາວ ວັນທີ 17 ຕຸລາ 1987 ຫາ 17 ຕຸລາ 2019 ຄົບຮອບ 32 ປີ ແລະ ວັນທີ 17 – 24 ຕຸລາ 2003 ຫາ 17 ຕຸລາ 2019 ຄົບຮອບ 16 ປີ. ໂດຍພາຍໃຕ້ການເຂົ້າຮ່ວມ ແລະ ກ່າວປາຖະກະຖາຂອງທ່ານ ຄໍາປານ ເຄນວົງສັກ ຮອງເຈົ້າເມືອງ ອາດສະພັງທອງ.

ນອກນັ້ນ; ກໍ່ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຮອງຫົວໜ້າຫ້ອງການອ້ອມຂ້າງເມືອງ, ທະຫານ, ຕໍາຫຼວດຕະຫຼອດຮອດບັນດາພະນັກງານອ້ອມຂ້າງເມືອງຈໍານວນ 135 ທ່ານ, ຍິງ 69 ທ່ານ ກໍ່ໄດ້ເຂົ້າຮ່ວມຮັບຟັງ.
ໃນໂອກາດທີ່ມີຄວາມໝາຍຄວາມສໍາຄັນນີ້; ທ່ານ ຄໍາປານ ເຄນວົງສັກ ຮອງເຈົ້າເມືອງ ອາດສະພັງທອງກໍ່ໄດ້ໃຫ້ກຽດຂຶ້ນກ່າວປາຖະກະຖາແກ່ 5 ວັນປະຫວັດສາດຄືດັ່ງກ່າວໂດຍທ່ານກໍ່ໄດ້ຍົກໃຫ້ເຫັນເຖິງປະຫວັດຄວາມເປັນມາ, ພ້ອມດ້ວຍຄວາມໝາຍ, ຄວາມສໍາຄັນ ແລະ ຜົນສໍາເລັດໃນການຈັດຕັ້ງປະຕິບັດໃນແຕ່ລະໄລຍະຂອງແຕ່ລະວັນທີ່ສໍາຄັນໃຫ້ບັນດາພະນັກງານ – ລັດຖະກອນເມືອງຂອງຕົນທີ່ເຂົ້າຮ່ວມຮັບຟັງຂອງການກ່າວປາຖະກະຖາໃນຄັ້ງນີ້; ໄດ້ຮັບຮູ້ ແລະ ເຊື່ອມຊຶມໃຫ້ເລີກເຊິ່ງ ແລະ ໜັກແໜ້ນເຂັ້ມແຂງ. ເພື່ອພ້ອມກັນນໍາເອົາບົດຮຽນ ແລະ ພຶດຕິກໍາທີ່ບັນພະບູລຸດໄດ້ປະມູນເຊື້ອອັນອົງອາດກ້າຫານ ແລະ ມູນເຊື້ອທີ່ດີງາມມາແຕ່ດຶກດໍາບັນແລ້ວນັ້ນ; ນໍາໄປໝູນໃຊ້ເຂົ້າໃນການຈັດຕັ້ງປະຕິວຽກງານຕົວຈິງຂອງແຕ່ລະວຽກງານໃຫ້ຮັບໝາກຮັບຜົນສໍາເລັດຕາມລະດັບຄາດໝາຍທີ່ພັກ – ລັດຖະບານແຫ່ງ ສປປລາວ ຂອງພວກເຮົາວາງອອກໃນແຕ່ລະໄລຍະນັ້ນໃຫ້ປະກົດຜົນເປັນຈິງພ້ອມກັນກ່າວຂຶ້ນສູ່ຈຸດໝາຍສັງຄົມນິຍົມໄປເທື່ອລະກ້າວ.

ກໍ່ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຮອງຫົວໜ້າຫ້ອງການອ້ອມຂ້າງເມືອງ, ທະຫານ, ຕໍາຫຼວດຕະຫຼອດຮອດບັນດາພະນັກງານອ້ອມຂ້າງເມືອງຈໍານວນ 135 ທ່ານ, ຍິງ 69 ທ່ານ ກໍ່ໄດ້ເຂົ້າຮ່ວມຮັບຟັງ.
ໃນໂອກາດທີ່ມີຄວາມໝາຍຄວາມສໍາຄັນນີ້; ທ່ານ ຄໍາປານ ເຄນວົງສັກ ຮອງເຈົ້າເມືອງ ອາດສະພັງທອງກໍ່ໄດ້ໃຫ້ກຽດຂຶ້ນກ່າວປາຖະກະຖາແກ່ 5 ວັນປະຫວັດສາດຄືດັ່ງກ່າວໂດຍທ່ານກໍ່ໄດ້ຍົກໃຫ້ເຫັນເຖິງປະຫວັດຄວາມເປັນມາ, ພ້ອມດ້ວຍຄວາມໝາຍ, ຄວາມສໍາຄັນ ແລະ ຜົນສໍາເລັດໃນການຈັດຕັ້ງປະຕິບັດໃນແຕ່ລະໄລຍະຂອງແຕ່ລະວັນທີ່ສໍາຄັນໃຫ້ບັນດາພະນັກງານ – ລັດຖະກອນເມືອງຂອງຕົນທີ່ເຂົ້າຮ່ວມຮັບຟັງຂອງການກ່າວປາຖະກະຖາໃນຄັ້ງນີ້; ໄດ້ຮັບຮູ້ ແລະ ເຊື່ອມຊຶມໃຫ້ເລີກເຊິ່ງ ແລະ ໜັກແໜ້ນເຂັ້ມແຂງ. ເພື່ອພ້ອມກັນນໍາເອົາບົດຮຽນ ແລະ ພຶດຕິກໍາທີ່ບັນພະບູລຸດໄດ້ປະມູນເຊື້ອອັນອົງອາດກ້າຫານ ແລະ ມູນເຊື້ອທີ່ດີງາມມາແຕ່ດຶກດໍາບັນແລ້ວນັ້ນ; ນໍາໄປໝູນໃຊ້ເຂົ້າໃນການຈັດຕັ້ງປະຕິວຽກງານຕົວຈິງຂອງແຕ່ລະວຽກງານໃຫ້ຮັບໝາກຮັບຜົນສໍາເລັດຕາມລະດັບຄາດໝາຍທີ່ພັກ – ລັດຖະບານແຫ່ງ ສປປລາວ ຂອງພວກເຮົາວາງອອກໃນແຕ່ລະໄລຍະນັ້ນໃຫ້ປະກົດຜົນເປັນຈິງພ້ອມກັນກ່າວຂຶ້ນສູ່ຈຸດໝາຍສັງຄົມນິຍົມໄປເທື່ອລະກ້າວ.

ພາບຂ່າວ: ສາຍສະໝຸດ ສິມພະລີວົງ ນັກຂ່າວ: ເມືອງອາດສະພັງທອງ MediaLaos