ໂຮງຮຽນມັດທະຍົມຕອນຕົ້ນສົງ ເມືອງຄົງເຊໂດນ ແຂວງສາລະວັນ ສະເຫຼີມຫຼອງວັນຄູແຫ່ງຊາດ 7 ຕຸລາ 1994 – 7 ຕຸລາ 2019 ຄົບຮອບ 25 ປີ, ຈັດຂື້ນໃນວັນທີ 11 ຕຸລາຜ່ານມານີ້. ໂດຍການເປັນປະທານຂອງ ພຣະອາຈານ ສູນທອນ ຈັນທະວັງໂສ ຮອງເຈົ້າຄະນະແຂວງສາລະວັນ, ເຂົ້າຮ່ວມຂອງ ພຣະຜູ້ຊາຣັດຕະນະໄຊເມທີ ປະລິນຍາເອກ ສີປະເສີດ ໄຊຍະປັນຍາ ຮອງປະທານ ອພສ ແຂວງສາລະວັນ ທັງເປັນຫົວຫນ້າກໍາມະທິການສຶກສາສົງແຂວງ, ມີພຣະອາຈານຫົວຫນ້າກັມມາທິການສຶກສາເມືອງ ແລະ ຜູ້ອໍານວຍການໂຮງຮຽນສົງ 4 ຕົວເມືອງ ເຂົ້າຮ່ວມ.

ທ່ານ ແກ້ວເພັດ ສຸກສະຫວັດດີ ຜູ້ອໍານວຍການໂຮງຮຽນ ມຕ ສົງຄົງເຊໂດນ ໄດ້ເລົ່າຄືນປະຫວັດຄວາມເປັນມາຂອງວັນຄູແຫ່ງຊາດ 7 ຕຸລາ ຄົບຮອບ 25 ປີ ແລະ ການຂະຫຍາຍຕົວວຽກງານການສຶກສາສົງ. ທ້າວຄໍາ ໄດ້ເຂົ້າຮ່ວມຮັບການຝຶກອົບຮົມຄູ ຊື່ງເປັນຄັ້ງທໍາອິດໃນປະຫວັດສາດ ລາວ ທີ່ໄດ້ມີການອົບຮົມຄູ, ພາຍຫຼັງການອົບຮົມສໍາເລັດ ມາເຖິງ ວັນທີ 7 ຕຸລາ 1907 ທ້າວຄໍາ ເລີ່ມເປັນຄູສອນ ຍ້ອນພວກລ່າເມືອງຝຮັງເຫັນອິດທິພົນຂອງພຣະສົງໃນວຽກງານການສຶກສາ ພວກເຂົາຈຶ່ງໄດ້ຫັນນະໂຍບາຍເພື່ອຜັນຂະຫຍາຍໂຮງຮຽນໃຫ້ກວ້າງຂວາງ ອອກກວ່າເກົ່າ ດ້ວຍຫຼາຍຮູບການເປິດໂຮງຮຽນສ້າງຄູສົງ ຂື້ນໃນປີ 1907 ທີ່ວັດຈັນ ເຊິ່ງ ປະກອບມີພຣະສົງ 50 ກວ່າອົງ ໄດ້ເຂົ້າຮຽນ ທ້າວຄໍາ ກໍ່ໄດ້ເປັນຄູສອນຢູ່ໂຮງຮຽນປະຖົມ ແຫ່ງນີ້ ຍ້ອນຈິດໃຈຮັກຊາດຂອງລາວ, ໃນເວລາສິດສອນຢູ່ ໂຮງຮຽນສ້າງຄູສົງ ນາຍຄູຄໍາ ໄດ້ເອົາໃຈໃສ່ສຶກສາໃຫ້ພຣະສົງທີ່ເປັນຄູໃຫ້ມີຄວາມຮັກຊາດລາວ, ເພື່ອບໍ່ໃຫ້ຊາດລາວ ເຊື່ອມເສຍເປັນຊາດຝຮັ່ງ. ມາຮອດສັດຕະວັດທີ 14 ເຈົ້າຟ້າງຸ່ມກະສັດອົງທໍາຂອງລາວ ພຽງແຕ່ໄດ້ນໍາເອົາສາສະຫນາພຸດເຂົ້າມາເຜີຍແຜ່, ເຮັດໃຫ້ປະເທດເຮົາມີວັດວາອາຮາມ ຊຶ່ງຖືວ່າ ເປັນໂຮງຮຽນແຫ່ງທໍາອິດສໍາລັບເດັກນ້ອຍລາວ, ອາດເວົ້າໄດ້ວ່າ ອິດທິພົນທາງສາສະຫນາ ໄດ້ສົ່ງຜົນສະທ້ອນເຖິງພໍ່ແມ່ ແລະ ເດັກນ້ອອຍລາວສູງທີ່ສຸດ ແລະ ແກ່ຍາວມາເປັນເວລາຫຼາຍປີ ຊື່ງມັນສະແດງໃຫ້ເຫັນໃນເບື້ອງຕົ້ນແມ່ນພໍ່ແມ່ເປັນຄູ ເພື່ອສິດສອນລູກຂອງຕົນຢູ່ໃນຄອບຄົວ ໂດຍເອົາປະສົບການຂອງຕົນຢູ່ໃນວຽກງານປະຈໍາວັນ, ຂະນົບທໍານຽມ ຮີດຄອງປະເພດນີ້ຕາມຄວາມເຊື່ອຖືມາເປັນການສຶກສາລູກ ເພື່ອໃຫ້ລູກຮູ້ຈັກອອກແຮງງານ, ກາຍເປັນຜູ້ສືບທອດທີ່ບໍລິສຸດຂອງພໍ່ແມ່ຕາມຄວາມເຊື່ອຖື. ເປົ້າຫມາຍສູງໄປກວ່າ ນັ້ນແມ່ນສົ່ງລູກໄປບວດ ຫຼືເປັນສັງກາລີຢູ່ວັດ ເພື່ອຮໍ່າຮຽນຂຽນອ່ານ, ຮຽນຮູ້ຫຼັກວິຊາ ແລະ ລິດເດດມົນຄາຖາ ໂດຍແມ່ນຄູບາອາຈານເປັນຜູ້ສອນ ແລະ ສົ່ງຄວາມຮູ້ເຊັ່ນ: ຈະລິຍາທໍາ, ການວາດແຕ້ມ, ການປັ້ນ, ການຄວັດລາຍລະບາຍສີ, ຢ່າພື້ນເມືອງ ແລະ ອື່ນໆ ຕະຫຼອດຮອດການຮຽນລະບຽບວິໄນຕ່າງໆຂອງສາດສະໜາ.
ເຫດການປະຫວັດສາດດັ່ງກ່າວກໍ່ໄດ້ເປັນເງື່ອນໄຂເອື້ອອໍານວຍໃຫ້ແກ່ການສຶກສາຂອງລາວ ໄດ້ຮັບການພັດທະນາ, ໂຮງຮຽນໄດ້ຂະຫຍາຍຕົວຢ່າງໄວວາຈາກຕົວເມືອງໄປສູ່ຊົນນະບົດ, ລູກຫຼານຂອງປະຊົນບັນດາເຜົ່າໄດ້ເຂົ້າຮໍ່າຮຽນຢູ່ໂຮງຮຽນ, ໄດ້ມີຖັນແຖວຄູ ທີ່ມີນໍ້າໃຈຮັກຫອມປະເທດຊາດ, ມີຄວາມຮູ້, ຄວາມສາມາດ ຊຶ່ງໄດ້ຜ່ານການອົບຮົມມາຈາກຫຼາຍປະເທດ ໃນພາກພື້ນ ແລະ ສາກົນ ຢ່າງພຽງພໍ ເພື່ອນໍາເອົາຄວາມສົມບູນພູນສຸກມາສູ່ປະຊາຊົນບັນດາເຜົ່າ, ຊື່ສຽງຂອງຄູໃຫ້ຕິດພັນກັບຂະບວນການວິວັດແຫ່ງການພັດທະນາປະເທດຊາດ.

ພາບ-ຂ່າວ:ນັກຂ່າວເມືອງຄົງເຊໂດນ
MEDIALAOS