ວັນທີ 23 ຕຸລາ 2019, ໜ່ວຍພັກຫ້ອງການປ້ອງກັນຊາດ-ປ້ອງກັນຄວາມສະຫງົບ ແຂວງສາລະວັນ ໄດ້ປະເມີນ ແລະກວດກາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019, ໂດຍການເຂົ້າຮ່ວມເປັນປະທານຂອງ ສະຫາຍ ອູທອງ ມູນລາສີ ຄະນະພັກຮາກຖານຫ້ອງວ່າການປົກຄອງແຂວງ, ມີ ສະຫາຍ ພັທ ກິແກ້ວ ດວງບຸດດີ ເລຂາໜ່ວຍພັກຫ້ອງການ ປກຊ-ປກສ ພ້ອມດ້ວຍສະມາຊິກພັກ-ພະນັັກງານເຂົ້າຮ່ວມ.
ສະຫາຍ ກິແກ້ວ ດວງບຸດດີ ໄດ້ຜ່ານບົດສະຫຼຸບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜ້ນ ໂດຍສະເພາະແນໃສ່ເຮັດໃຫ້ຂະບວນການກໍ່ສ້າງ ໄດ້ຮັບການເຄື່ອນໄຫວຢ່າງຕໍ່ເນື່ອງ ຮັບປະກັນດ້ານຄຸນນະພາບ, ເພື່ອເປັນແບບຢ່າງໃນການປັບປຸງແບບແຜນວິທີເຮັດວຽກຕ່າງໆຂອງໜ່ວຍພັກ ໃຫ້ກາຍເປັນໜ້າທີ່ຄວາມຮັບຜິດຊອບຂອງຄະນະກວດກາ, ຄະນະພັກແຕ່ລະຂັ້ນໃນການດຳເນີນຕີລາຄາດ້ວຍຕົນເອງ.

ຕະຫຼອດໄລຍະຜ່ານມາ ຄະນະໜ່ວຍພັກ, ສະມາຊິກພັກ ໄດ້ເອົາໃຈໃສ່ເຊື່ອມຊຶມ, ກຳແໜ້ນ ແລະ ຮ່ຳຮຽນແນວທາງນະໂຍບາຍຕ່າງໆຂອງພັກຢ່າງເປັນປົກກະຕິ, ພ້ອມທັງໄດ້ນຳເອົາແນວທາງຕ່າງໆ ມາຫັນເປັນທິດທາງ, ແຜນການຂອງໜ່ວຍໃນແຕ່ລະໄລຍະ, ສຶກສາອົບຮົມພະນັກງານນຳພາຫຼັກແຫຼ່ງ ແລະ ສະມາຊິກພັັັກ ທາງດ້ານແນວຄິດການເມືອງ, ການຈັດຕັ້ງ, ແບບແຜນການນຳພາ ແລະການນຳພາປະຕິບັດໜ້າທີ່ການເມືອງ ແລະ ຮ່ວມກັັນຕີລາຄາການນຳພາລວມຂອງຄະນະໜ່ວຍພັກ, ສະມາຊິກພັກ ທັງດ້ານຕັ້ງໜ້າ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ເພື່ອຊອກຫາສາເຫດຕ່າງງໃນການຊີ້ນຳໆພາ, ໂດຍຖືເອົົາການກວດກາ, ຕີລາຄາ ແລະ ປະເມີນສະມາຊິກພັກເປັນປະຈຳ ແລະ ຕໍ່ເນືື່ອງ, ທັັງສົ່ງເສີີມດ້ານດີ, ດັັດແປງແກ້ໄຂສິ່ງບໍ່ສອດຄ່ອງ ໃຫ້ໄດ້ຮັບການແກ້ໄຂ. ຜ່ານການປະເມີນສາມາດຕີລາຄາ ແລະ ຈັດປະເພດໜ່ວຍພັກແຂງ, ສະມາຊິກພັກແຂງ 12 ສະຫາຍ, ຍິງ 3 ສະຫາຍ ກວມເອົາາ 92,38%, ກາງ 1 ສະຫາຍ ແລະ ຄະນະໜ່ວຍພັັກ, ສະມາຊິກພັກ ເຫັນດີເປັັນເອກະພາບ ກຽມສະເໜີອົງຄະນະພັກແຂວງສາລະວັນ ພິຈາລະນາປະກາດໜ່ວຍພັກ, ປອດໃສ, ເຂັ້ມແຂງ ແລະໜັກແໜ້ນ ປະຈຳປີ 2019.

ພາບ-ຂ່າວ: ສື່ມວນຊົນສາລະວັນ
medialaos salavan