ໃນຕອນເຊົ້າວັນທີ 31 ຕຸລາ 2019ຜ່ານມາ ນີ້ຢູ່ທີ່ຫ້ອງປະຊຸມຫຼັງເກົ່າ ສະພາປະຊາຊົນແຂວງ ໄດ້ ຈັດຕັ້ງປາຖະກາຖາ 2 ວັນປະວັດສາດຄື: ວັນມະຫາປະຕິວັດເດືອນຕຸລາລັດເຊຍ ຄົບຮອບ 102 ປີ(7.11.1917) ແລະ ວັນເກີດຂອງທ່ານ ຟຣິດຣິກ ອັງແກນ ຄົບຮອບ 199 ປີ(28.11.1820) ໂດຍການໃຫ້ກຽດເຂົ້າຮ່ວມ ແລະ ປະຖະກະຖາຂອງທ່ານ ຄຳຜັນ ຄູນສະຫວັນ ຮອງປະທານ ສະພາປະຊາຊົນແຂວງສະຫວັນນະເຂດ.

ເຊິ່ງທ່ານໄດ້ຍົກໃຫ້ເຫັນການກຳເນີດການປະຕິວັດເດືອນຕຸລາ ລັດເຊຍ ກ່ອນໜ້ານີ້ຫຼາຍ 10 ປີກ່ອນແມ່ນພາຍໃຕ້ການນຳຂອງພັກໂບນເຊວິກ ທີ່ມີທ່ານ ເລນິນເປັນຜູ້ນຳໜ້າ, ຊົນຊັ້ນກຳມະກອນ ແລະ ຊາວຜູ້ອອກແຮງງານລັດເຊຍ ໄດ້ລຸກຮື້ຂຶ້ນຢຶດອຳນາດ ແລະ ສ້າງຕັ້ງ ລັດ, ລັດເຊຍ-ໂຊວຽດ ເຊິ່ງເປັນລັດຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລັດທຳອິດຂອງມວນມະນຸດ, ການປະຕິວັດໄດ້ປົ່ມເຜາະ ແລະ ເຄື່ອນໄຫວຕັ້ງແຕ່ປີ 1905 ຍ້ອນການສູ້ຢັນເຊິ່ງກັນ ແລະ ກັນ ລະຫວ່າງຊົນຊັ້ນສັກດິນາ, ນາຍທຶນກັບກຳລັງປະຕິວັດໄດ້ແກ່ຍາວຫຼາຍປີຈົນຮອດວັນທີ 25 ເດືອນຕຸລາ ເປັນເວລາ 7 ໂມງ ຂອງວັນທີ 7 ເດືອນພະຈິກ 1917 ການລຸກຮື້ຂຶ້ນຢ່າງແຂງແຮງຂອງຊົນຊັ້ນກຳມະກອນ, ປະຊາຊົນຊາວຜູ້ອອກແຮງງານ ແລະ ຖັນແຖວກອງທັບທີ່ກ້າວໜ້າໄດ້ແຜ່ລາມໄປທົ່ວປະເທດໃນຕອນເຊົ້າວັນທີ 7.11.1917ກໍ່າປັ່ນຮົບ ອາວາໂຣຣາ (ຮຸ່ງອາລຸນ)ໄດ້ຍິງປືນໃຫຍ່ໃສ່ລະດູໜາວ ທີ່ ເປໂຕກຣາດ ຊຶ່ງເປັນເຮືອນຫຼັງສຸດທ້າຍຂອງລັດຖະບານນາຍທຶນຈາກນັ້ນປະຊາຊົນ ແລະ ທະຫານບຸກເຂົ້າມ້າງປະຕູເຫຼັກ ໂຄ່ນລົ້ມລັດຖະບານນາຍທຶນຢ່າງສິ້ນເຊີງ.ສະນັ້ນການປະຕິວັດດເດືອນຕຸລາ ລັດເຊຍຈຶ່ງໄດ້ມີຄວາມໝາຍອັນຍິ່ງໃຫຍ່ໃນປະຫວັດສາດມັນເປັນການໄຂສັງກາດໃໝ່ໃຫ້ແກ່ມວນມະນຸດໃນການຂ້າມໄປສູ່ລະບອບໃໝ່, ລະບອບສັງຄົມນິຍົມ, ເຮັດໃຫ້ໂລກເຊິ່ງປົກຄຸມດວ້ຍລະບອບທຶນນິຍົມ ຖືກແຕກອອກເປັນປ່ຽງ ກາຍເປັນລະບົບສັງຄົມນິຍົມໃນຂອບເຂດທົ່ວໂລກໄດ້ມີລະບອບສັງຄົມທີ່ຕໍ່ສູ້ກັນ, ແຂ່ງຂັນ ແລະ ທັງຮ່ວມມືກັນ.

ຈານັ້ນທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ກໍ່ໄດ້ປາຖະກາຖາວັນເກີດຂອງທ່ານ ຟຣິດຣິກ ອັງແກນ ຄົບຮອບ 199 ປີ ເຊິ່ງທ່ານໄດ້ຍົກໃຫ້ເຫັນເຖິງຄວາມກ້າຫານ , ອົດທົນ ໜຽວແໜ້ນ ທີ່ເພີ່ນໄດ້ອຸທິດເຫື່ອງແຮງ ແລະ ສະຕິປັນຍາຂອງຕົນເພື່ອພາລະກິດປະຕິວັດ-ພາລະກິດປົດປ່ອຍຊົ້ນຊັ້ນກຳມະກອນ ແລະ ຊາວຜູ້ອອກແຮງງານໃຫ້ຫຼຸດພົ້ນອອກຈາກການກົດຂີ່ຂູດຮີດ ແລະ ເຮັດໃຫ້ຊີວິດເຂົາເຈົ້າມີຊີວິດອິດສະລະພາບ ແລະ ສະເໝີພາບຢ່າງແທ້ຈິງ ເພື່ອເຊື່ອມຊືມໃຫ້ພະນັກງານຮັບຮູ້, ເຂົ້າໃຈຢ່າງທົ່ງເຖິງ ແລະ ເອົາເປັບແແບຢ່າງເຂົ້າໄປໝູນໃຊ້ໃນໜ້າທີ່ວຽກງານຂອງຕົນ.

ໂອກາດດຽວກັນນີ້ ທ່ານ ພູທອນ ພຸດທະຂັນຕິ ຮອງເລຂາທິການສະພາປະຊາຊົນແຂວງກໍ່ໄດ້ຜ່ານບັນດາເອກະສານກ່ຽວກັບການປະເມີນລັດຖະກອນປະຈຳປີ2019, ດຳລັດເລກທີ 300/ລບ ລົງວັນທີ 13 ກັນຍາ 2017, ຄຳແນະນຳເລກທີ 06/ພນລົງວັນທີ 2 ພຶດສະພາ2018 , ມະຕິຂອງຄະນະປະຈຳກ່ຽວກັບການແຕ່ງຕັ້ງຄະນະຮັບຜິດຊອບການເມີນ ແລະ ຜ່ານມະຕິ ຂອງຄະນະປະຈຳສະພາປະຊາຊົນແຂວງວ່າດ້ວຍ ການຈັດແຕ່ງຕັ້ງຫົວໜ້າຂະແໜງ ປ້ອງກັນຊາດ-ປ້ອງກັນຄວາມສະຫງົບ ເຫັນດີ ແຕ່ງຕັ້ງ ທ່ານ ພັນຕີ ແກ້ວອຸດອນ ສົນທິກຸມມານ ຍົກຍ້ານມາຈາກ ປກສ ແຂວງ ແຕ່ງຕັ້ງເປັນຫົວໜ້າຂະແໜງປ້ອງກັນຊາດປ້ອງກັນຄວາມສະຫງົບ.

savannakhet medialaos