ເພື່ອປັບປຸງກົງຈັກ ການຈັດຕັ້ງແຕ່ລະຂັ້ນໃນກໍາລັງປ້ອງກັນຄວາມສະຫງົບ ແຂວງ ໃຫ້ໜັກແໜ້ນທາງດ້ານ ການເມືອງ – ແນວຄິດ, ເຂັ້ມແຂງທາງດ້ານການຈັດຕັ້ງ ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງ ໜ້າທີ່ການເມືອງໃນປັດຈຸບັນ, ສະເພາະໜ້າ ແລະ ຍາວນານ ດັ່ງນັ້ນໃນທ້າຍອາທິດທີ່ຜ່ານມານີ້ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີ ມອບຮັບໜ້າທີ່ ຫົວໜ້າຫ້ອງການເມືອງ ປກສ ແຂວງ ໂດຍການເຂົ້າຮ່ວຂອງທ່ານ ພັອ ສຸດທະສົມ ບຸນນະສິງ ຮອງກອງບັນຊາການ ປກສ ແຂວງ, ມີບັນດາ ຄະນະຫ້ອງການເມືອງ, ຄະນະຫ້ອງອ້ອມຂ້າງ, ແຂກຖືກເຊີນ ແລະ ພະນັກງານຫຼັກແຫຼ່ງພາຍໃນຫ້ອງການເມືອງເຂົ້າຮ່ວມ

ທ່ານ ພັທ ບຸນເລີດ ຄະທຸມພົມ ຫົວໜ້າຫ້ອງງການເມືອງ ປກສ ແຂວງ(ຜູ້ເກົ່າ)ໄດ້ຂື້ນລາຍງານແລະກ່າວມອບວຽກງານໃນການປະຕິບັດໜ້າທີ່ໃນໄລຍະຜ່ານມາ ສະພາບການລວມ, ຈຸດພິເສດຂອງຫ້ອງການເມືອງ ກອງບັນຊາການ ປກສ ແຂວງ, ຜົນງານການເຄື່ອນໄຫວໃນການຊີ້ນຳໆພາໃນບັນດາວຽກງານວິຊາສະເພາະຕ່າງໆ, ອຸປະກອນເຄື່ອງຮັບໃຊ້ຫ້ອງການປະເພດຕ່າງໆ ແລະ ດ້ານວຽກງານນຳພາການເມືອງ-ແນວຄິດອື່ນໆທີ່ຈະຕ້ອງສຶບຕໍ່ ພ້ອມດຽວກັນນີ້ກໍ່ໄດ້ເຊັນບົດບັນທຶກມອບ-ຮັບໜ້າທີ່ຫົວໜ້າຫ້ອງການເມືອງ ປກສ ແຂວງ ຜູ້ເກົ່າ ແລະ ຮັກສາການຫົວໜ້າຫົວໜ້າຫ້ອງການເມືອງ ປກສແຂວງ ຜູ້ໃໝ່ ທ່ານ ພັທ ຄຳຜາຍ ຄູນລາດສຸວັນນະວົງ ໃຫ້ສຶບຕໍ່ຊີ້ນຳໆພາ ຫ້ອງການເມືອງ ປກສ ແຂວງ ໃຫ້ມີຄວາມເຕີບໃຫ່ຍ ແລະ ເຂັມແຂງຂຶ້ນເທື່ອລະກ້າວ

ທ່ານ ພັອ ສຸດທະສົມ ບຸນນະສິງ ຮອງກອງບັນຊາການ ປກສ ແຂວງ ຍັງໄດ້ເນັ້ນໜັກບັນດາສະຫາຍທີ່ຖືກໂຍກຍ້າຍ ແລະ ແຕ່ງຕັ້ງມອບໝາຍໜ້າທີ່ໃໝ່ຈົ່ງຍົກສູງຄຸນ ທາດການເມືອງ, ຄວາມຮູ້, ຄວາມສາມາດໃນການຊີ້ນໍາ – ບັນຊາ ມີຄວາມເປັນເອກະພາບສູງຕໍ່ການນໍາພາຂອງພັກ-ລັດ, ພ້ອມກັນບຸກບືນເຮັດສໍາເລັດໜ້າທີ່ອັນມີກຽດສະຫງ່າ ທີ່ການຈັດຕັ້ງພັກ – ລັດ ແລະ ປະຊາຊົນມອບໝາຍໃຫ້.

ພາບ- ຂ່າວ
ສີສະເຫຼີມສັກ ສິມມາລາ
savannakhet medialaos