ພາຍຫຼັງເປີດການແຂ່ງຂັນກິລາມາແຕ່ກາງເດືອນຕຸລາຜ່ານມານີ້, ປະຈຸບັນ ການແຂ່ງຂັນກໍ່ໄດ້ສິ້ນສຸດລົງດ້ວຍຜົນສຳເລັດອັນຈົບງາມ ແລະ ເຕັມໄປດ້ວຍບັນຍາກາດຄຶກຄື້ນມ່ວນຊື່ນ. ດັ່ງນັ້ນ, ໃນຕອນແລງຂອງວັນທີ 16 ພະຈິກ 2019 ນີ້, ເມືອງຫົງສາ ແຂວງໄຊຍະບູລີ ຈຶ່ງໄດ້ຈັດພິທີປິດການແຂ່ງຂັນກິລາລົງຢ່າງເປັນທາງການ. ຢູ່ທີ່ເດີນກິລາຂອງເມືອງ. ໂດຍການເປັນປະທານຂອງທ່ານ ນາງ ດາວວິນ ລາດຊະກິດ ຮອງເລຂາຄະນະບໍລິຫານງານພັກເມືອງຫົງສາ, ໃຫ້ກຽດເຂົ້າຮ່ວມໃນຄັ້ງນີ້, ມີທ່ານ ຄຳຫຼ້າ ຜິວວັນນາ ເລຂາຄະນະບໍລິຫານງານພັກເມືອງ ເຈົ້າເມືອງຫົງສາ ພ້ອມດ້ວຍຄະນະນຳຂອງເມືອງ, ມີຫົວໜ້າຫ້ອງການ, ທະຫານ-ຕຳຫຼວດ, ຄະນະກຳມະການ, ຄູ-ອາຈານ, ນັກກິລາຈາກພາກສ່ວນຕ່າງໆ ພາຍໃນເມືອງ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.

ການແຂ່ງຂັນກິລາຂ່ຳນັບຮັບຕ້ອນກອງປະຊຸມໃຫຍ່ອົງຄະນະບໍລິຫານງານພັກເມືອງຫົງສາ ຄັ້ງທີ VIII ນີ້, ໄດ້ແຍກເປັນ 2 ລຸ້ນຄື: ລຸ້ນຊາວໜຸ່ມທົ່ວໄປ ແລະ ລຸ້ນອາວຸໂສ ມີທັງກົມກອງ, ຫ້ອງການ, ລັດວິສາຫະກິດ, ບ້ານ ແລະ ໂຮງຮຽນເຂົ້າຮ່ວມ. ເຊິ່ງການແຂ່ງຂັນໃນຄັ້ງນີ້, ມີ 3 ປະເພດກິລາຄື: ບານເຕະ ຍິງ-ຊາຍ, ບານສົ່ງ ຍິງ-ຊາຍ ແລະ ແລ່ນລານ ຍິງ-ຊາຍ. ຜົນປະກົດວ່າ: ການແຂ່ງຂັນບານເຕະລຸ້ນ ອາວຸໂສ ອັນດັບທີ 1 ແມ່ນທີມກຸ່ມເສດຖະກິດ ໄດ້ຮັບຂັນ 1 ໜ່ວຍ ພ້ອມເງິນລາງວັນ 8 ແສນກີບ, ອັນດັບທີ 2 ທີມກຸ່ມລັດວິສາຫະກິດ ໄດ້ຮັບລາງວັນ 6 ແສນກີບ ແລະ ອັນດັບທີ 3 ຮ່ວມ ແມ່ນທີມກຸ່ມການເມືອງ ແລະ ທີມກຸ່ມວັດທະນະທຳ-ສັງຄົມ ໄດ້ຮັບລາງວັນ 5 ແສນກີບ; ບານເຕະຊາວໜຸ່ມ ຍິງ ອັນດັບທີ 1 ແມ່ນທີມ ມສ ບ້ານຫານ ໄດ້ຮັບຂັນ 1 ໜ່ວຍ ພ້ອມເງິນລາງວັນ 8 ແສນກີບ, ອັນດັບທີ 2 ທີມບ້ານສີມຸງຄຸນ ໄດ້ຮັບລາງວັນ 6 ແສນກີບ ແລະ ອັນດັບທີ 3 ແມ່ນທີມ ມສ ຫົງສາ ໄດ້ຮັບລາງວັນ 5 ແສນກີບ; ບານເຕະຊາວໜຸ່ມ ຊາຍ ອັນດັບທີ 1 ແມ່ນທີມ ຫ້ອງວ່າການເມືອງ ໄດ້ຮັບຂັນ 1 ໜ່ວຍ ພ້ອມເງິນລາງວັນ 1 ລ້ານ 2 ແສນກີບ, ອັນດັບທີ 2 ທີມໂກ້ການພິມ ບ້ານສີມຸງຄຸນ ໄດ້ຮັບລາງວັນ 1 ລ້ານກີບ ແລະ ອັນດັບທີ 3 ທີມບ້ານໂພນໄຊ ໄດ້ຮັບລາງວັນ 8 ແສນກີບ; ບານສົ່ງ ຍິງ ອັນດັບທີ 1 ແມ່ນທີມ ມສ ຫົງສາ ກໍ ໄດ້ຮັບຂັນ 1 ໜ່ວຍ ພ້ອມເງິນລາງວັນ 5 ແສນກີບ, ອັນດັບທີ 2 ທີມອົງການໄອຍະການ ໄດ້ຮັບລາງວັນ 4 ແສນກີບ ແລະ ອັນດັບທີ 3 ມສ ຫົງສາ ຂໍ ໄດ້ຮັບລາງວັນ 3 ແສນກີບ; ບານສົ່ງ ຊາຍ ອັນດັບທີ 1 ແມ່ນທີມ ມສ ບ້ານຫານ ໄດ້ຮັບຂັນ 1 ໜ່ວຍ ພ້ອມເງິນລາງວັນ 8 ແສນກີບ, ອັນດັບທີ 2 ທີມທະຫານກອງພັນງໍ 410 ໄດ້ຮັບລາງວັນ 6 ແສນກີບ ແລະ ອັນດັບທີ 3 ມສ ຫົງສາ ໄດ້ຮັບລາງວັນ 5 ແສນກີບ; ແລ່ນ 5.000 ແມັດ ຍິງ ອັນດັບທີ 1 ນາງ ຕາດໍາ ແສງຄໍາເມືອງ ມສ ບ້ານຫານ ໄດ້ຮັບຂັນ 1 ໜ່ວຍ ພ້ອມເງິນລາງວັນ 3 ແສນກີບ, ອັນດັບ 2 ນາງ ແພພາ ແປງແສງແກ້ວ ມສ ບ້ານຫານ ໄດ້ຮັບລາງວັນ 2 ແສນກີບ ແລະ ອັນດັບທີ 3 ນາງ ເບບີມາຍ ແພງພະລັງສີ ມສ ບ້ານຫານ ໄດ້ຮັບລາງວັນ 1 ແສນກີບ; ແລ່ນ 5.000 ແມັດ ຊາຍ ອັນດັບທີ 1 ທ້າວ ຄຳເພັດ ແກ້ວບຸນເຮືອງ ມສ ຫົງສາ ໄດ້ຮັບຂັນ 1 ໜ່ວຍ ພ້ອມເງິນລາງວັນ 3 ແສນກີບ, ອັນດັບທີ 2 ທ້າວ ອານຸສິດ ວົງເຖິງ ມສ ບ້ານຫານ ໄດ້ຮັບລາງວັນ 2 ແສນກີບ ແລະ ອັນດັບທີ 3 ທ້າວ ໂອ້ ສົມບັດ ບ້ານສີມຸງຄຸນ ໄດ້ຮັບລາງວັນ 1 ແສນກີບ.

ພາບ-ຂ່າວ: ກິດຕິສັກ ບົວໄລ.
Medialaos xayaboury