ໃນວັນທີ່ 20ພະຈິກ2019ນີ້ ກອງບັນຊາການ ປກສ ແຂວງສະຫວັນນະເຂດ ໄດ້ຈັດກອງປະຊຸມຜ່ານເເຜນປ້ອງກັນ ງານເທດສະການ ສະຫວັນສຸກສັນຫັນສາ ທີ່ຈະໄດ້ຈັດຂຶ້ນໃນວັນທີ 22-24 ພະຈິກ 2019ນີ້ ທີ່ຕະຫຼາດກາງຄືນ ນະຄອນໄດສອນພົມວິຫານ, ແຂວງສະຫວັນນະເຂດ ໂດຍການເຂົ້າຮ່ວມຂອງທ່ານ ພັທ ຈັນທາ ແສນສຸລິວົງ ຮອງກອງບັນຊາການ ປກສ ແຂວງ, ມີ ຄະນະກອງບັນຊາການ ປກສ ນະຄອນໄກສອນພົມວິຫານ, ບັນດາຄະນະຫ້ອງ ແລະ ພະແນກການທີ່ກ່ຽວຂອງເຂົ້າຮ່ວມ.

ທ່ານ ພັທ ດາວວອນ ຄົມທິລາດ ຮອງຫ້ອງການ ກອງບັນຊາການ ປກສ ແຂວງ ໄດ້ຂື້ນຜ່ານ ແຜນປ້ອງກັນ ງານເທດສະການສະຫວັນສຸກສັນຫັນສາ ໂດຍອີງຕາມ ຂໍ້ຕົກລົງຂອງທ່ານເຈົ້າແຂວງໆສະຫວັນນະເຂດ ສະບັບເລກທີ 1520/ຈຂ.ສຂ ວ່າດ້ວຍການແຕ່ງຕັ້ງຄະນະຊີ້ນໍາເທດສະການສະຫວັນສຸກສັນຫັນສາໃນຄັ້ງວັນທີ 22-24ພະຈິກ2019ເພື່ອເຮັດໃຫ້ເທດສະການ ດັ່ງກ່າວ ມີບັນຍາກາດເບີກບານມ່ວນຊື່ນ, ມີຄວາມເປັນລະບຽບຮ້ອຍ ແລະ ສັງຄົມມີຄວາມສະຫງົບປອດໄພ ກອງບັນຊາການ ປກສ ແຂວງສະຫວັນນະເຂດ ຈຶ່ງສ້າງແຜນການ ປ້ອງກັນ, ບັນຈຸຊັບຊ້ອນກໍາລັງວິຊາສະເພາະ ເຂົ້າໃນແຕ່ລະຈຸດສໍາຄັນ ທີ່ມີຄວາມສ່ຽງ ເພື່ອຕ້ານ ແລະ ສະກັດກັ້ນກຸ່ມຄົນບໍ່ດີສ້າງຄວາມບໍ່ສະຫງົບຂື້ນໃນງານ,

ແລະ ເພື່ອເຮັດໃຫ້ມວນຊົນທີ່ມາທ່ອງທ່ຽວໃນງານໄດ້ຮັບຄວາມຫມັ້ນໃຈ ແລະ ສະດວກສະບາຍໃນ ການສັນຈອນໄປມາ ຕາມທ້ອງຖະຫນົນຫຼວງ ຫຼີກລ້ຽງບັນຫາອຸບັດຕິເຫດທີ່ຈະເກີດຂື້ນ, ເມື່ອມີເຫດເກີດຂື້ນຕ້ອງໄດ້ຮັບການແກ້ໄຂໄດ້ທັນເວລາ, ເຮັດໃຫ້ສະພາບພາຍໃນນະຄອນ ໄກສອນພົມວິຫານກໍ່ຄື ງານເທດສະການ ສະຫວັນສຸກສັນຫັນສາ ປີ2019 ຂອງແຂວງສະຫວັນນະເຂດໃຫ້ມີຄວາມສະຫງົບປອດໄພ100%.

ພາບ-ຂ່າວ: ສີສະເຫຼີມສັກ ສີມມາລາ
savannakhet medialaos