ໃນວັນທີ 23 ທັນວາ 2019, ຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ໄລຍະຜ່ານແຂວງຫລວງພະບາງ ໄດ້ຈັດພິທີເບິກຈ່າຍຄ່າທົດ ແທນສິ່ງກີດຂວາງ ແລະ ຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ, ງວດ ທີ່ 3 ຂອງເມືອງ, ງວດທີ່ 4 ຂອງແຂວງ ແລະ ງວດທີ່ 5 ຂອງໂຄງການ. ໃນນັ້ນ, ປະກອບມີ 3 ບ້ານ ຄື: ບ້ານ ນຸນສະຫວາດ, ຊຽງລ້ອມ ແລະ ບ້ານ ພິກໃຫ່ຍ ຈຳນວນ 79 ຄອບຄົວ ລວມມູນຄ່າ 29 ຕື້ກວ່າກີບ.

ກ່າວມອບໂດຍ ທ່ານ ຈັນທະວົງ ຜົນນະຈິດ ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ຮອງປະທານຄະນະປະສານງານ ໂຄງການກໍ່ສ້າງທາງລົດໄຟ ລາວ-ຈີນ ໄລຍະຜ່ານແຂວງຫລວງພະບາງ. ພິທີມອບ-ຮັບ ໄດ້ຈັດຂຶ້ນຢູ່ຫ້ອງການບ້ານ ນູນສະຫວາດ ນະຄອນ ຫລວງພະບາງ, ໂດຍມີ ທ່ານ ສົມດີ ພອນສະຫວັດ ຮອງເຈົ້ານະຄອນຫລວງພະບາງ, ມີຄະນະຮັບຜິດຊອບຂັ້ນແຂວງ, ເມືອງ, ອົງການຈັດຕັ້ງບ້ານ, ພ້ອມດ້ວຍປະຊາຊົນ ຜູ້ທີ່ຖືກຜົນກະທົບ ພາຍໃນ 3 ບ້ານ ເຂົ້າຮ່ວມເປັນສັກຂີພະຍານ.

Medialaos