ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ປີ2021-2025 ອົງການກາແດງແຂວງສາລະວັນ ໄດ້ວາງຄາດໝາຍສູ້ຊົນຮັບການບໍລິຈາກເລືອດໃຫ້ 9.742 ຖົງ, ສຳລັບປີ 2021 ໃຫ້ໄດ້ 1.619 ຖົງ, ປີ 2022ໃຫ້ໄດ້ 1.802 ຖົງ, ປີ 2023 ໃຫ້ໄດ້ 1.952 ຖົງ, ປີ 2024 ໃຫ້ໄດ້ 2.107 ຖົງ ແລະປີ 2025 ໃຫ້ໄດ້ 2.262 ຖົງ, ໂດຍຈະລົງເຄື່ອນໄຫວຮັບການບໍລິຈາກເລືອດຈາກພາກສ່ວນພະແນການ, ຫ້ອງການ, ອົງການການຈັດຕັ້ງ, ລັດວິສະຫະກິດອ້ອມຂ້າງແຂວງ, ພາກສ່ວນສະຖາບັນການສຶກສາຕ່າງໆ, ພາກສ່ວນ ປກສ, ພາກສ່ວນ ປກຊ, ພາກສ່ວນບັນດາເມືອງໃນ 8 ເມືອງ ແລະພາກສ່ວນບ້ານເປົ້າໝາຍ, ສຳລັບໃນ 1 ປີຜ່ານມາອົງການກາແດງແຂວງສາລະວັນ ສາມາດຮັບບໍລິຈາກເລືອດທັງໝົດມີ 1.176 ຖົງ, ເທົ່າກັບ 86% ຂອງແຜນການປີ.

ແຜນດັ່ງກ່າວໄດ້ຮັບຮອງໃນກອງປະຊຸມສະຫຼຸບປະຈຳປີ ວຽກງານກາແດງແຂວງສາລະວັນວັນທີ 29 ມີ ນາ 2021 ນີ້ ຢູ່ທີ່ຫ້ອງປະຊຸມສະໂມສອນເມືອງສາລະວັນ ເຂົ້າຮ່ວມໂດຍທ່ານ ສົມໃຈ ອຸ່ນຈິດ ຮອງເຈົ້າແຂວງໆສາລະວັນ, ຜູ້ຊີນຳວຽກງານຂົງເຂດວັດທະນະທຳ-ສັງຄົມ ແລະທ່ານ ນາງ ດຣ ກົງສິດ ອຸ່ນຈິດ ຫົວໜ້າອົງການກະແດງແຂວງສາລະວັນ, ແຂກຖືກເຊີນຈາກຂັ້ນແຂວງ ແລະເມືອງເຂົ້າຮ່ວມ.


ທັງນີ້ເພືອເປັນສະໜອງເລືອດໃຫ້ແກ່ການປິນປົວຄົນເຈັບ ທີ່ໂຮງໝໍແຂວງສາລະວັນ ໃຫ້ໄດ້ທັງປະລິມານ ແລະຄຸນນະພາບ, ໃນໂອກາດຽວກັນນັ້ນທ່ານ ສົມໃຈ ອຸ່ນຈິດ ຮອງເຈົ້າແຂວງໆສາລະວັນ, ໄດ້ມອບໃບຍ້ອງຍໍໃຫ້ບຸກຄົນ, ກົມກອງທີ່ມີຜົນງານດີເດັ່ນໃນການປະກອບສ່ວນບໍລິຈາກເລຶອດໃນໄລຍະຜ່ານມາແຕ່ 5 ຄັ້ງຫາ 10 ຄັ້ງ, ໃນນັ້ນໄດ້ຮັບການຍ້ອງຍໍຂັ້ນແຂວງມີ 47 ຄົນ, ຍິງ 10 ກວ່າຄົນ, ມີ 15 ກົມກອງ ແລະໄດ້ຮັບການຍ້ອງຍໍຈາກສູນເລຶອດແຫ່ງຊາດມີ 7 ທ່ານ,