ກອງ​ປະຊຸມ​ສະຫຼຸບ​ວຽກ​ງານ​ໂຄສະນາ​ອົບຮົມ​ທົ່ວ​ນະຄອນ ຫຼວງ ປະຈຳ​ປີ 2019 ແລະ ທິດ​ທາງ​ແຜນການ ປີ 2020 ໄດ້​ຈັດ​ຂຶ້ນ​ໃນ​ວັນ​ທີ 8 ມັງກອນນີ້ ທີ່ຫ້ອງ​ ວ່າການ​ນະຄອນຫຼວງ​ວຽງ​ຈັນ ໂດຍ​ມີທ່ານ ຄຳ​ພັນ ພົມ​ມະທັດ ກຳມະການ​ກົມ​ການ​ເມືອງ​ສູນ​ກາງ​ພັກ  ຄະນະ​ເລຂາທິການ​ສູນ​ກາງ​ພັກ  ຫົວໜ້າ​ຄະນະ ໂຄສະນາ​ອົບຮົມ​ສູນ​ກາງ​ພັກ, ທ່ານ ອານຸພາບ ຕຸ​ນາ​ລົມ ກຳ ມະການ​ສູນ​ກາງ​ພັກ   ຮອງ​ເລຂາ ​ຄະນະ​ພັກ​ນະຄອນຫຼວງ​ວຽງ ຈັນ ປະທານ​ສະພາ​ປະຊາຊົນ​ນະຄອນຫຼວງ​ວຽງ​ຈັນ  ພ້ອມ​ດ້ວຍ​ຫົວໜ້າ​ຄະນະ​ໂຄສະນາ​ອົບຮົມ 9 ເມືອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ທ່ານ  ເຂັມ​ເພັດ  ແພງ​ດວງ​ຈັນ  ກຳມະການ​ພັກ​ນະ ຄອນຫຼວງ​ວຽງ​ຈັນ  ເລຂາໜ່ວຍ ​ພັກ​ຮາກ​ຖານ ຫົວໜ້າ​ຄະນະ​ໂຄສະນາອົບ ຮົມ​ນະຄອນຫຼວງ​ວຽງ​ຈັນໄດ້ກ່າວ​ເປີດ​ກອງ​ປະ ຊຸມ ແລະ ຜ່ານບົດສະຫຼຸບວຽກ ງານ​ໂຄສະນາ​ອົບຮົມ​ທົ່ວ​ນະ ຄອນຫຼວງວຽງ​ຈັນ ໂດຍໄດ້ສະ ຫຼຸບ​ຕີລາຄາ​ຄືນ​ດ້ານດີ, ດ້ານ ອ່ອນ, ບັນດາສາເຫດ​ທີ່​ມີດ້ານ​ ອ່ອນ ແລະ ຖອດ​ຖອນ​ບົດ ຮຽນການເຄື່ອນໄຫວ​ວຽກ​ງານ ໂຄສະນາ​ອົບຮົມ​ທົ່ວ​ນະຄອນ ຫຼວງ​ວຽງ​ຈັນ ປີ 2019 ທີ່​ຜ່ານ​ມາ ພ້ອມ​ທັງ​ຜ່ານ​ທິດ​ທາງແຜນ ການ, ຄາດໝາຍ​ສູ້​ຊົນ ​ໃນ​ປີ 2020 ຕິດ​ພັນ​ກັບ​ການ​ກະກຽມ ​ດໍາ​ເນີນ​ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ອົງຄະ​ນະ​ພັກນະ ຄອນຫຼວງ​ວຽງ​ຈັນ, ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ, ແຜນ​ພັດທະນາ​ເສດຖະກິດ – ສັງຄົມ 5 ປີ ຄັ້ງ​ທີ IX (2021 – 2025) ໃຫ້​ສໍາ​ເລັດ​ຕາມ​ລະດັບ​ຄາດ​ໝາຍ.

ກອງ​ປະຊຸມ​ຍັງ​ໄດ້ມີການ​ ປະກອບ​ຄຳ​ຄິດ​ຄຳ​ເຫັນຈາກ ​ບັນດາ​ທ່ານ​ຜູ້​ເຂົ້າ​ຮ່ວມ​ຢ່າງ​​ກົງ​ໄປ​ກົງ​ມາ ແລະ ມີ​ຫຼັກວິທະ ຍາສາດຖືກຕ້ອງກັບສະພາບ ຄວາມເປັນ​ຈິງ  ຕໍ່​ການຈັດຕັ້ງ​ປະຕິບັດ​ວຽກ​ງານ​ໂຄສະນາອົບ ຮົມ​ທົ່ວ​ນະຄອນຫຼວງ​ວຽງ​ຈັນ ​ໃນ​ປີຜ່ານມາ ແລະ ພ້ອມ​ກັນ​ເປັນ​ເອກະ​ພາບ​ສູງ​ຕໍ່​ການ​ວາງ​ທິດ​ທາງ​ແຜນການ, ໜ້າທີ່​ຈຸດ​ສຸມ​ຂອງ​ວຽກ​ງານ ເພື່ອ​ຈັດ​ຕັ້ງ​ປະຕິບັດ​ໃນ​ປີ 2020.

Medialaos