ຫຼາຍຄົນມັກເພີ່ມສີສັນໃຫ້ແກ່ຊີວິດ ບໍ່ເວັ້ນແຕ່ໂຕະເຮັດວຽກຂອງຕົນເອງ ເຊິ່ງມັນສາມາດຊ່ວຍສ້າງຜົນງານທີ່ດີ ແລະ ແຮງບັນດານໃຈທີ່ດີໃຫ້ກັບເຮົາຫຼາຍຢ່າງ ແຕ່ສຳລັບຜູ້ທີ່ບໍ່ມີຄວາມຄິດສ້າງສັນ ແລະ ບໍ່ຮູ້ວ່າຄວນເອົາຫຍັງໃສ່ໂຕະເຮັດວຽກໃຫ້ເບິ່ງເດີ ມື້ນີ້ມີເຄື່ອງນ້ອຍໆ ຈໍານວນໜຶ່ງເພື່ອຕົບແຕ່ງໂຕະເຮັດວຽກຂອງທ່ານ ແລະ ເພີ່ມຄວາມສຸກໃນການເຮັດວຽກຂອງທ່ານທຸກໆ ມື້.

ຕົ້ນຕະບອງເພັດ

1. ຕົ້ນໄມ້ນ້ອຍ

“ຕົ້ນໄມ້” ຖ້າທ່ານເລືອກໄດ້ດີມັນສາມາດຊ່ວຍຜ່ອນຄາຍຄວາມຕຶງຄຽດ ແລະ ເພີ່ມປະສິດທິພາບຂອງວຽກງານຂອງທ່ານໄດ້ເຊັ່ນກັນ ໂດຍສະເພາະແມ່ນຕົ້ນຕະບອງເພັດທີ່ຫຼາຍຄົນມັກປູກ ນອກຈາກຈະງ່າຍໃນການປູກແລ້ວ ຍັງຊ່ວຍແຕ່ງໂຕະເຮັດວຽກຂອງພວກເຮົາໃຫ້ມີສີສັນ ມັນຍັງມີປະໂຫຍດໃນການດູດແສງຈາກໜ້າຈໍຄອມພິວເຕີ ຊ່ວຍຮັກສາດວງຕາຂອງພວກເຮົາເປັນເວລາດົນນານອີກດ້ວຍ.

ກະດານເຮັດວຽກ

2. ກະດານເຮັດວຽກ

ອີກລາຍການໜຶ່ງ ທີ່ຈະຊ່ວຍເຮັດໃຫ້ພື້ນທີ່ເທິງໂຕະຂອງພວກເຮົາເບິ່ງໜ້າສົນໃຈນັ້ນແມ່ນການຊອກຫາກະດານນ້ອຍເພື່ອຕິດຕາມ ບໍ່ວ່າຈະເຮັດວຽກທີ່ສຳຄັນ ຄວນຕິດບັນທຶກລາຍຊື່ນ້ອຍໆ ຫຼື ລາຍການທີ່ຕ້ອງເຮັດໃນແຕ່ລະມື້ ສາມາດໃຊ້ເປັນຄຸນລັກສະນະທີ່ດີໃນການລືມ (ເຮັດວຽກ) ຂ້ອນຂ້າງດີ.

ຈອກນໍ້າທີ່ມີຮູບແບບສວຍງາມ

3. ຈອກນໍ້າທີ່ມີຮູບແບບສວຍງາມ

ການກິນນໍ້າເລື້ອຍໆ ໃນຕະຫຼອດມື້ແມ່ນອີກວິທີໜຶ່ງ ທີ່ຈະສ້າງຜົນກະທົບໃນທາງບວກຕໍ່ສຸຂະພາບຂອງທ່ານໄດ້ ເພາະເບິ່ງຄືວ່າເປັນປະໂຫຍດທີ່ຈະເພີ່ມລາຍການທີ່ສວຍງາມເຂົ້າໃນໂຕະ ແລະ ຍັງຊ່ວຍໃຫ້ທ່ານດື່ມນໍ້າໄດ້ຫຼາຍ.

ກອບຮູບ

4. ກອບຮູບ

ການມີຮູບພາບຂອງຄົນສຳຄັນຕິດໄວ້ ບໍ່ວ່າຈະເປັນຄອບຄົວ, ຄົນຮັກ, ຄົນໃກ້ຊິດ ຫຼື ສັດລ້ຽງທີ່ທ່ານຮັກ ຖືວ່າເປັນກຳລັງໃຈ ແລະ ພະລັງງານໃນການເຮັດວຽກໄດ້ດີຫຼາຍ.

ປະຕິທິນ

5. ປະຕິທິນ

ເປັນສິ່ງທີ່ຂາດບໍ່ໄດ້ໃນໂຕະເຮັດວຽກຂອງຫລາຍໆ ຄົນ ອາດຈະເປັນປະຕິທິນໜຶ່ງອັນ ໃນໜ້າໂຕະເຮັດວຽກຂອງທ່ານ ເພາະວ່ານອກເໜືອຈາກຄວາມສາມາດໃນການນັດພົບທີ່ສຳຄັນ ແລະ ຍັງເປັນການເຕືອນຄວາມຈຳທີ່ດີອີກດ້ວຍ.

ໂມງ

6. ໂມງ

ຢູ່ໃນໜ້າຈໍຄອມພິວເຕີ ຂອງພວກເຮົາເພື່ອບອກເວລາແລ້ວ ຖ້າມີໂມງງາມໆ ໜຶ່ງໜ່ວຍເອົາໄວ້ໃສ່ໜ້າໂຕະ ກໍ່ຈະເພີ່ມສີສັນໃນລາຍການຕ່າງໆ.

ລິ້ນຊັກຂະໜາດນ້ອຍ

7. ລິ້ນຊັກຂະໜາດນ້ອຍ

ການມີລິ້ນຊັກຂະໜາດນ້ອຍຢູ່ໂຕະເຮັດວຽກ ເບິ່ງຄືວ່າຈະຊ່ວຍສ້າງຄວາມເປັນລະບຽບຮຽບຮ້ອຍໃຫ້ກັບໂຕະຂອງທ່ານ ສະນັ້ນຢ່າລືມທີ່ຈະມີກ່ອງ ຫຼື ລິ້ນຊັກເພື່ອຮັກສາສິ່ງຂອງຕ່າງໆ ໃຫ້ເປັນລະບຽບ.

ບິກຫຼາກຫຼາຍສີສັນ

8. ບິກຫຼາກຫຼາຍສີສັນ

ເປັນອີກສິ່ງໜຶ່ງທີ່ສຳຄັນ ແລະ ຂາດບໍ່ໄດ້ໃນການເຮັດວຽກ ອາດຈະເປັນບິກສີຕ່າງໆ ນັ້ນຈະຊ່ວຍເພີ່ມຄວາມຊົງຈໍາໃນການບັນທຶກຂອງທ່ານໄດ້ດີ.

ສີ່ງທີ່ທ່ານມັກ

9. ສິ່ງທີ່ທ່ານມັກ

ຫຼາຍຄົນມີສິ່ງທີ່ມັກຢູ່ໃນໃຈ ບໍ່ວ່າຈະເປັນດາລາ, ຮູບidol, ຕົວລະຄອນກາຕູນ ຫຼື ຫຼາກຫຼາຍສີສັນ ສະນັ້ນຢ່າລືມເອົາມັນເປັນສ່ວນໜຶ່ງຂອງທ່ານ ເພື່ອເພີ່ມກຳລັງໃຈໃນການເຮັດວຽກ ແລະ ສ້າງບັນຍາກາດ ອ້ອມຕົວດ້ວຍຄວາມສຸກຂອງທ່ານເອງ.

ບັນຍາກາດ ແລະ ສະພາບແວດລ້ອມດີໆ ບາງເທື່ອກໍ່ເລີ່ມຕົ້ນດ້ວຍການສ້າງດ້ວຍຕົນເອງກ່ອນ ເພາະສະນັ້ນທົດລອງໃຊ້ສິ່ງຂອງຕ່າງໆ ທີ່ເຮົາເອົາມາລວບລວມແນວຄວາມຄິດຂ້າງເທີງນັ້ນ ເພື່ອໃຫ້ໂຕະຂອງທ່ານມີສີສັນເພີ່ມຂື້ນ.