ອີງຕາມການລາຍງານຂອງທ່ານ ຂັນທະລັກ ໂພໃຊ ຫົວໜ້າພະແນກການເງິນແຂວງສາລິວັນໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກແຂວງເປີດກວ້າງຄັ້ງທີ11 ສະໃໝ່ທີ 8 ວ່າ: ໃນປີ 2020 ນີ້ແຂວງສາລະວັນຈະຕ້ອງສູ້ຊົນເກັບລາຍຮັບໃຫ້ໄດ້ທັງໝົດ 188 ຕື້ກີບ ເພີ້ມຂື້ນ 1,57%, ທຽບໃສ່ລາຍຮັບປີຜ່ານມາ, ຄຸ້ມຄອງລາຍຮັບພູດສູນກາງ 70 ຕື້ກີບ, ເພີ້ມຂື້ນ 12,37% ທຽບໃສ່ການຈັດຕັ້ງປະຕິບັດປີຜ່ານມາ, ໃນນັ້ນລາຍຮັຍຈາກພາສີ-ສ່ວຍສາອາກອນ 68 ຕື້ກວ່າກີບ ແລະລາຍຮັບທີ່ບໍ່ແມ່ນພາສີ-ສ່ວຍສາອາກອນ 1 ຕື້ກວ່າກີບ, ສ່ວນລາຍຮັບພຸດທ້ອງຖິ່ນໃຫ້ໄດ້ 118 ຕື້ກີບໃນັ້ນລາຍຮັບຈາກສ່ວຍສາອາກອນ, ລວມທັງລາຍຮັບວິຊາການໃຫ້ໄດ້ 13 ຕື້ກວ່າກີບ, ຮັບຈາກຊັບສິນໃຫ້ໄດ້ 7,8 ຕື້ກີບ ແລະລາຍຮັບຈາກຄຸ້ມຄອງລັດວິສາຫະກິດໃຫ້ໄດ້ 202 ລ້ານກີບ ແລະຄຸ້ມຄອງລາຍຈ່າຍງົບປະມານບໍ່ໃຫ້ເກີນ 398,49 ຕື້ກີບ, ເພື່ອຮັບປະກັນການຈັດຕັ້ງປະຕິບັດແຜນງົບປະມານໃນປີ 2020 ໄດ້ຮັບຜົນສຳເລັດຕາມຄາດໝາຍຕ້ອງເອົາໃຈໃສ່ສຶກສາອົບຮົມການເມືອງແນວຄິດ, ຈັດຕັ້ງຜັນຂະຫຍາຍບັນດາໜ້າວຽກຕ່າງໃຫແກ່ພະນັກງານຢ່າງເປັນປະຈຳ ແລະຕໍ່ເນື່ອງ, ພ້ອມທັງນຳເອົາແນວທາງນະໂຍບາຍຂອງພັກ, ກົດໝາຍ ແລະລະບຽບການຂອງລັດມາເຜີຍແຜ່ແນະນຳໃຫ້ແກພະນັກງານລັດຖະກອນໄດ້ຮັບຮູ້ເຂົ້າໃຈ, ແກ້ໄຂບັນດາກະແສແນວຄິດຫາງສຽງຂອງສັງຄົມ, ປະກົດການຫຍໍ້ທໍ້ໃຫ້ຖືກຕ້ອງທັນການດ້ວຍການຕິດຕາມກວດກາ, ອັດຊ່ອງຫວ່າງການຮົ່ວໄຫຼ, ສະກັດການສໍລາດບັງຫຼວງ, ປັບປຸງກົນໄກແບບແຜນວິທີເຮັດວຽກ, ນຳໃຊ້ເຕັກໂນໂລຊີທີ່ທັນສະໃໝໃນການຈັດເກັບລາຍຮັບ, ປັບປຸງຖານລາຍຮັບອາກອນຄືນໃໝ່ໃຫ້ສອດຄ່ອງກັບສະພາບການຂະຫຍາຍຕົວຂອງເສດຖະກິດໃນຕົວຈິ່ງ, ປະສານສົມທົບກັບພາກສ່ວນທີ່ກ່ຽວຂ້ອງ ແລະຂະແໜງການອື່ນໆຢ່າງແໜັ້ນແຟນໃນການຈັດຕັ້ງປະຕິບັດ, ພ້ອມທັງອຳນາດການປົກຄອງທ້ອງຖິ່ນ.

ສຳລັບປີ 2019 ທີ່ຜ່ານມານີ້ສາມາດເກັບລາຍຮັບໄດ້ທັງໝົດ 165,66 ຕື້ກີບ, ເທົ່າກັບ 87%ຂອງແຜນການປີ, ລາຍຮັບພູດສູນກາງຕາມແຜນ 70 ຕື້ກີບ ແຕ່ປະຕິບັດໄດ້ 62,29 ຕື້ກີບ, ເທົ່າກັບ 83% ຂອງແຜນການປີ,ໃນນັ້ນກວດກາພາສີປະຕິບັດໄດ້ 9,1 ຕື້ກີບ, ດ້ານພາສີສາກົນລະໄລປະຕິບັດໄດ້ 51,93 ຕື້ກີບ ແລະດ້ານພາສີທ້ອງຖິ່ນປາກຕະພານປະຕິບັດໄດ້ 1,25 ຕື້ກີບ, ສ່ວນພູດຂອງແຂວງຕາມແຜນລາຍຮັບທັງໝົດ 110,08 ຕື້ກີບ ແຕ່ປະຕິບັດໄດ້ 102,99 ຕື້ກີບເທົ່າກັບ 93,56 %, ໃນນັ້ນຮັບຈາກສ່ວຍສາອາກອນປະຕິບັດໄດ້ 92,93 ຕື້ກີບ, ຮັບຈາກຊັບສິນຂອງລັດປະຕິບັດໄດ້ 9,58 ຕື້ກີບ ແລະລາຍຮັບຄຸ້ມຄອງລັດວິສາຫະກິດປະຕິບັດໄດ້ 200,03 ລ້ານກີບ, ດ້ານລາຍຈ່າຍຕາມແຜນແມ່ນ 443,26 ຕື້ກີບ, ປະຕິບັດລາຍຈ່າຍຕົວຈິ່ງ 417,03 ຕື້ກີບ, ເທົ່າກັບ 94% ຂອງແຜນການ.

ໂດຍ: ສື່ມວນຊົນສາລະວັນ
medialaos salavan