ກອງປະຊຸມໃຫຍ່ຄັ້ງທີ III ຂອງໜ່ວຍພັກຖະແຫລງຂ່າວ.​ທີ່ຂື້ນກັບຄະນະພັກຮາກຖານພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງຈຳປາສັກ.ໄດ້ໄຂຂຶ້ນໃນຕອນເຊົ້າຂອງວັນທີ 14 ກຸມພາ 2020ນີ້ ຢູ່ທີ່ຫ້ອງປະຊຸມພະແນກ ຖວທ ແຂວງຈຳປາສັກ.​ ໂດຍການໃຫ້ກຽດເຂົ້າຮ່ວມຂອງສະຫາຍ ບົວທອງ ສຸວັນນະສານ ກໍາມະການພັກແຂວງ ເລຂາຄະນະພັກຮາກຖານ ຫົວໜ້າພະແນກ ຖ ວ ທ ສະຫາຍ ບຸນເຕີຍ ຈັນທະລາສິນ ຮອງເລຂາຄະນະພັກຮາກຖານ ຮອງ ຫົວໜ້າພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ແຂວງ​ຈຳປາສັກ ມີເລຂາໜ່ວຍພັກຂະແໜງຖະແຫຼງຂ່າວ, ມີເລຂາ​ໜ່ວຍພັກ ອ້ອມຂ້າງ, ​ອົງການຈັດຕັ້ງມະຫາຊົນ,​ມີສະມາຊິກພັກສົມບູນ ສຳຮອງເຂົ້າຮ່ວມ.​

ໃນກອງປະຊຸມ ສະຫາຍ​ ສະຫາຍ ອຸໄທ ສຸວັນນະພາສີ ເລຂາໜ່ວຍພັກຂະແໜງຖະແຫຼງຂ່າວ
ໄດ້ກ່າວໄຂກອງປະຊຸມໂດຍກ່າວວ່າ: ການດຳເນີນກອງປະຊຸມໃຫຍ່ ຄັ້ງທີ III ຄັ້ງນີ້ແມ່ນໄດ້ຈັດຕັ້ງປະຕິບັດຕາມກົດລະບຽບຂອງພັກກໍຄືຫຼັກການ ແລະ ທິດນຳໃນການກໍ່ສ້າງພັກໃຫ້ມີຄວາມເຕີບໃຫຍ່ເຂັ້ມແຂງກ້າວຂຶ້ນຢ່າງບໍ່ຢຸດຢັ້ງ. ຜູ້ແທນກອງປະຊຸມໄດ້ພ້ອມກັນສະຫຼຸບຕີລາຄາຜົນງານການນຳພາຂອງຄະນະໜ່ວຍພັກໃນທີ່ຜ່ານມາ​ພ້ອມກັນຮັບຮອງເອົາທິດທາງແຜນການ 5​ ປີຕ່ໍໜ້າ ໃຫ້ປະກົດຜົນເປັນຈິງ, ນໍາພາໜ່ວຍພັກເປັນໜ່ວຍພັກທີ່ປອດໃສ, ເຂັ້ມແຂງ, ​ໜັກແໜ້ນເທື່ອລະກ້າວ.

ຈາກນີ້ ສະຫາຍ ອຸໄທ ສຸວັນະພາສີ ເລຂາໜ່ວຍພັກຂະແໜງຖະແຫຼງຂ່າວ ກ່ໍໄດ້ຜ່ານບົດລາຍງານການເມືອງທັງສອງພາກຍົກໃຫ້ເຫັນຜົນງານຜ່ານມາຂອງໜ່ວຍພັກໃນໄລຍະ 5 ປີທີ່ຜ່ານມາ ໂດຍຍົກໃຫ້ເຫັນຜົນງານຫຼາຍດ້ານເປັນຕົ້ນແມ່ນວຽກງານການສຶກສາອົບຮົມການເມືອງແນວຄິດ,​ວຽກງານການຈັດຕັ້ງ,ວຽກງານແບບແຜນວິທີເຮັດ , ວຽກງານປັບປຸງກ່ໍສ້າງພັກ​ ​ວຽກງານຂະຫຍາຍພັກ, ພ້ອມນັ້ນຍາມໃດທາງຄະນະໜ່ວຍພັກຈັດຕັ້ງພະນັກງານ ຍັງໄດ້ເອົາໃຈໃສ່ເຄື່ອນໄຫວຕາມສິດພາລະບົດບາດຂອງຕົນ, ໂດຍສະເພາະແມ່ນວຽກງານການຄຸ້ມຄອງຖະແຫຼງຂ່າວ ແລະ ສື່ມວນຊົນໃນການເຄື່ອນໄຫວເຮັດໜ້າທີ່ຂອງສື່ມວນຊົນໃຫ້ເຄື່ອນໄຫວຕາມໜ້າທີ່ພາລະບົດບາດໃນການເຄື່ອນໄຫວໃຫ້ຖືກຕ້ອງສອດຄອ່ງກັບແນວທາງນະໂຍບາຍຂອງພັກ ເອົາໃຈໃສໃນ
ການສ້າງບຸກຄະລາກອນ, ຍົກລະດັບຄວາມຮູ້ຄວາມສາມາຂອງສື່ມວນຊົນດໃຫ້ສູງຂື້ນ ແລະ ໄດ້ເອົາໃຈໃສ່ໃນການສົ່ງພະນັກງານສື່ມວນຊົນໄປຝຶກອົບຮົມທັງພາຍໃນ ແລະ ຕ່າງປະເທດ ແລະ ໄດ້ເຄື່ອນໄຫວນໍາພາຊີ້ນໍາວຽກງານຮອບດ້ານຢ່າງມີຜົນສໍາເລັດສູງ ເຊິ່ງທົ່ວໜ່ວຍພັກມີສາມະຊິກພັກທັງໝົດ 9 ສະຫາຍ ຍິງ 2 ສະຫາຍ

ຜ່ານການເຄື່ອນໄຫວ 5 ປີຜ່ານມາໜ່ວຍພັກມີການເຄື່ອນໄຫວຕາມການຊີ້ນໍາໆພາໜ່ວຍພັກຈົນໄດ້ຮັບຜົນສໍາເລັດຫຼາຍດ້ານ ພ້ອມນັ້ນຍັງໄດ້ພ້ອມກັນວາງທິດທາງແຜນການ5ປີຕໍ່ໜ້າທີ່ຈະສືບຕໍ່ຈັດຕັ້ງປະຕິບັດໃຫ້ສໍາເລັດອີກດ້ວຍ
ຈາກນີ້ໃນກອງປະຊຸມຍັງໄດ້ໃຊ້ຊິດປະຊາທິປະໄຕເລືອກເອົາຄະນະພັກຊຸດໄໝ່ເຊິ່ງມີຜູ້ສະໝັກ​ 3ສະຫາຍເລືອກເອົາ 2 ສະຫາຍ.ໃນນັ້ນກອງປະຊຸມຄັ້ງປະຖົມມະເລຶກເລືອກໄດ້ ສະຫາຍ ຄໍາພຸດ ສຸດໃຈ
ເປັນເລຂາ,​ສະຫາຍ​ ດາວພະຈັນ ໄຊຍະວົງ ເປັນຮອງ​ເລຂາທັງເປັນປະທານກວດກາ.​

ສື່ມວນຊົນແຂວງຈຳປາສັກ Medialaos
ຂ່າວ: ນາງ ພິລາວັນ