ຈັດຂຶ້ນໃນວັນທີ 25 ກຸມພາ 2020 ນີ້ຢູ່ທີ່ຫ້ອງປະຊຸມພະແນກ ກະສິກໍາ ແລະ ປ່າໄມ້ແຂວງໄຊຍະບູລີ. ໂດຍການເປັນປະທານຂອງ ສະຫາຍ ດວງຕາ ໄຊວຸດ ກຳມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງ, ເຂົ້າຮ່ວມກອງປະຊຸມມີ ສະຫາຍ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ, ມີຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ກົມກອງ, ເຈົ້າເມືອງ, ຮອງເຈົ້າເມືອງ, ຫົວໜ້າຄະນະຈັດຕັ້ງເມືອງ 11 ເມືອງ ພາຍໃນແຂວງ, ໜ່ວຍພັກຮາກຖານ ພະແນກການ, ອົງການ, ກົມກອງ ພ້ອມດ້ວຍພະນັກງານຫຼັກແຫຼ່ງ ຂະແໜງຈັດຕັ້ງຂອງແຂວງ, ເມືອງ ແລະ ອ້ອມຂ້າງແຂວງເຂົ້າຮ່ວມ.

ສະຫາຍ ດວງຕາ ໄຊວຸດ ຫົວໜ້າຄະນະຈັດຕັ້ງແຂວງ ໄດ້ກ່າວໄຂກອງປະຊຸມຢ່າງເປັນທາງການ ເຊິ່ງທ່ານໄດ້ໃຫ້ຮູ້ວ່າ: ກອງປະຊຸມວຽກງານຈັດຕັ້ງກໍ່ສ້າງພັກ, ພະນັກງານປະຈໍາປີ 2019 ແມ່ນພວກເຮົາຈະໄດ້ພ້ອມກັນປະເມີນຜົນ ສະຫຼຸບຕີລາຄາຄືນຄວາມຮັບຜິດຊອບການເມືອງຂອງຄະນະພັກຂັ້ນຕ່າງໆ ໃນການຈັດຕັ້ງບັນດາຄາດໝາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມຈັດຕັ້ງທົ່ວແຂວງຄັ້ງທີ X, ມະຕິກອງປະຊຸມໃຫຍ່ຄັ້ງທີ VI ອົງຄະນະພັກແຂວງໄຊຍະບູລີ; ເວົ້າລວມ ເວົ້າສະເພາະກໍ່ແມ່ນການຈັດຕັ້ງປະຕິບັດແຜນການວຽກງານກໍ່ສ້າງພັກ ພະນັກງານ ໃນ 1 ປີຜ່ານມາ ມີດ້ານດີ, ດ້ານອ່ອນ, ຂໍ້ຄົງຄ້າງ ແລະ ສາເຫດຕົ້ນຕໍຄືແນວໃດ. ພ້ອມກັນນີ້ກໍ່ໄດ້ກໍານົດທິດທາງໜ້າທີ່ໃນປີ 2020 ແນໃສ່ປັບປຸງ ແລະ ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ເພື່ອຍົກສູງຄວາມສາມາດນໍາພາ ແລພ ລັກສະນະນໍາໜ້າຂອງພັກ ໃນການສືບຕໍ່ປະຕິບັດແນວທາງປ່ຽນໃໝ່ຮອບດ້ານ ທີ່ມີຫຼັກການຂອງພັກ ກໍ່ຄືການປະຕິບັດສອງໜ້າທີ່ຍຸດທະສາດແຫ່ງການປົກປັກຮັກສາ ແລະ ພັດທະນະປະເທດຊາດ ກໍ່ຄືແຂວງໄຊຍະບູລີໃຫ້ກ້າວຂຶ້ນຢ່າງບໍ່ຢຸດຢັ້ງ. ຈາກນັ້ນບັນດາຜູ້ເຂົ້າຮ່ວມ ຍັງຈະໄດ້ເຊື່ອມຊຶມນິຕິກໍາ ຂອງກົມການເມືອງສູນກາງພັກ ແລະ ຄໍາແນະນໍາ ຂອງຄະນະປະຈໍາພັກແຂວງ ເຊັ່ນ: ມະຕິຂອງກົມການເມືອງສູນກາງພັກ ເລກທີ 073/ກມສພ, ລົງວັນທີ 14 ພຶດສະພາ 2019 ວ່າດ້ວຍການສ້າງແຜນກໍ່ສ້າງ-ບໍາລຸງພະນັກງານນໍາພາ-ຄຸ້ມຄອງ, ມະຕິຂອງກົມການເມືອງສູນກາງພັກ ເລກທີ 072 ແລະ ຂໍ້ກໍານົດ ຂອງຄະນະເລຂາທິການສູນກາງພັກ ເລກທີ 01/ຄລສພ, ລົງວັນທີ 15 ພຶດສະພາ 2019 ວ່າດ້ວຍການຢັ້ງຢືນລະດັບທິດສະດີການເມືອງ, ຄໍາສັ່ງຂອງຄະນະເລຂາທິການສູນກາງພັກ ເລກທີ 03/ຄລສພ, ລົງວັນທີ 15 ພຶດສະພາ 2019 ວ່າດ້ວຍການປັບປຸງຫຼັກສູດການຮຽນ ການສອນທິດສະດີການເມືອງໃນລະບົບໂຮງຮຽນພັກ ແລະ ລະບົບການສຶກສາແຫ່ງຊາດ, ຄໍາແນະນໍາຂອງຄະນະຈັດຕັ້ງສູນກາງພັກ ເລກທີ 204/ຄຈສພ, ລົງວັນທີ 05 ພະຈິກ 2019 ກ່ຽວກັບການຈັດຕັ້ງປະຕິບັດມະຕິ ຂອງກົມການເມືອງສູນກາງພັກ ວ່າດ້ວຍລະບອບການຮໍ່າຮຽນທິດສະດີການເມືອງ, ການສ້າງແຜນກໍ່ສ້າງ-ບໍາລຸງພະນັກງານ ນໍາພາ-ຄຸ້ມຄອງ ແລະ ຂໍ້ກໍານົດຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ ແລະ ບົດແນະນໍາຄະນະປະຈໍາພັກແຂວງ ເລກທີ 04/ຄພຂຊຍ, ລົງວັນທີ 7 ມັງກອນ 2020 ກ່ຽວກັບການຈັດຕັ້ງປະຕິບັດ ຂອງຄະນະຈັດຕັ້ງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ. ພ້ອມກັນນີ້ບັນດາຜູ້ເຂົ້າຮ່ວມໄດ້ຄົ້ນຄວ້າປະກອບຄໍາຄິດເຫັນ ເສີມຂະຫຍາຍຫົວຄິດປະດິດສ້າງໃຫ້ເລິກເຊິ່ງ, ກົງໄປກົງມາ, ກ້າຍົກບັນຫາ, ສິ່ງຫຍໍ້ທໍ້, ຈຸດອ່ອນ, ຂໍ້ຄົງຄ້າງ ແລະ ບົດຮຽນທີ່ຜ່ານມາ ພ້ອມທັງຊອກວິທີການແກ້ໄຂໃນຕໍ່ໜ້າ, ແລກປ່ຽນຄວາມຄິດເຫັນ ແລະ ບົດຮຽນຈາກພຶດຕິກໍາຕົວຈິງໃນການຊີ້ນໍາ-ນໍາພາ, ຊຸກຍູ້ຕິດຕາມວຽກງານຈັດຕັ້ງການກໍ່ສ້ງພັກ-ພະນັກງານ ຢູ່ຂະແໜງການຕ່າງໆ ແລະ ບັນດາເມືອງ ເພື່ອເປັນການສືບຕໍ່ປັບປຸງປົວແປງພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ ແລະ ຍົກສູງບົດບາດຄວາມສາມາດນໍາພາຂອງຄະນະພັກແຕ່ລະຂັ້ນໃຫ້ສູງຂຶ້ນຕື່ມບາດກ້າວໜຶ່ງ.

ຂ່າວ: ບຸນທີ.
Medialao xayaboury