ໃນວັນທີ່ 6 ມີນາ 2020 ທີ່ຜ່ານມານີ້ ທ່ານ ພົຕ ປ.ອ ວົງຄຳ ພົມມະກອນ ຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບກະຊວງປ້ອງກັນປະເທດ ໄດ້ນຳເອົາເງີນສົດມາມອບໃຫ້ກັບ 3 ບ້ານທີ່ຖືກຈັດສານຍົກຍ້າຍມາຢູ່ຮ່ວມກັນຢູ່ເຂດບ້ານແສນເງີນຂອງເມືອງໃໝ່, ໂດຍການຕ້ອນຮັບຂອງທ່ານ ທອງສີເສົາ ສຸລິພົມ ຮອງເຈົ້າແຂວງຜົ້ງສາລີ, ທ່ານ ສົມຈິດ ສິດທິວົງ ເຈົ້າເມືອງໆໃໝ່, ພ້ອມດ້ວຍຄະນະຮັບຜີດຊອບຈັດສັນຍົກຍ້າຍບ້ານ ແລະ ອົງການປົກຄອງບ້ານພ້ອມດ້ວຍປະຊາຊົນ 3 ບ້ານດັ່ງກ່າວ.

ໂອກາດນີ້ ທ່ານ ອູ່ຄຳ ຕຸລາພັນ ຮອງຫົວໜ້າຫ້ອງວ່າການແຂວງ, ທັງເປັນຄະນະຮັບຜີດຊອບ, ຫົວໜ້າກອງເລຂາຈັດສັນຍົກຍ້າຍ, ຜູ້ປະຈຳການພາກສະໝາມ ກໍ່ໄດ້ລາຍງານຫຍໍ້ກ່ຽວກັບສະພາບການຍົກຍ້າຍ ແລະ ຈັດສັນບ້ານ. ການການຍົກຍ້າຍ ແລະ ຈັດສານບ້ານໃນຄັ້ງນີ້ແມ່ນປະກອບມີ 3 ບ້ານຄື: ບ້ານແສນເງີນ, ບ້ານກຸງຮະ ແລະ ບ້ານຫຍ້າຍຸງ. ເຊີ່ງຈະມາເຕົ່າໂຮມກັນຢູ່ເຂດຈັດສານເຊີ່ງເປັນຈຸດໃຈກາງຂອງທັງ 3 ບ້ານ. ເຊິງບ້ານແສນເງີນ ເປັນບ້ານຊົນເຜົ່າ ອາຄາ ມີ 38 ຫຼັງຄາ, 41 ຄອບຄົວ, ມີພົນລະມືອງທັງໝົດ 174 ຄົນ , ຍີງ 83 ຄົນ, ແຕ່ບ້ານເກົ່າມາຫາຈຸດກຳນົດເຕົ້າໂຮມ 5 ກິໄລແມັດ. ບ້ານ ກຸງຮະ ເປັນຊົນເຜົ່າ ກືມມູ ມີ 26 ຫຼັງຄາ, 35 ຄອບຄົວ, ມີພົນລະມືອງທັງໝົດ 444 ຄົນ , ຍີງ 230 ຄົນ, ແຕ່ບ້ານເກົ່າມາຫາຈຸດກຳນົດເຕົ້າໂຮມ 1 ກິໄລແມັດ ແລະ ບ້ານ ຫຍ້າຍຸງ ເປັນຊົນເຜົ່າ ອາຄາ ມີ 70 ຫຼັງຄາ, 90 ຄອບຄົວ, ມີພົນລະມືອງທັງໝົດ 444 ຄົນ , ຍີງ 73 ຄົນ. ລວມທັງ 3 ບ້ານ 134 ບ້ານ, 166 ຄອບຄົວ, ມີພົນລະເມືອງ 759 ຄົນ, ຍີງ 386 ຄົນ. ເຊີ່ງການຍົກຍ້າຍແມ່ນໄດ້ເລີ່ມມາແຕ່ວັນທີ່ 15 ກຸມພາ 2020 ແລະ ມາຮອດປະຈະບັນ ແມ່ນສຳເລັດແລ້ວ 78 % ແລະ ຄາດວ່າຈະສຳເລັດໃນການຍົກຍ້າຍ 100 % ໃນກາງເດືອນ ມີນາ 2020 ນີ້.

ເງີນທີ່ນຳມາມອບໃຫ້ກັບ 3 ບ້ານທີ່ຖືກຍົກຍ້າຍໃນຄັງນີ້ ລວມມູນຄ່າ 200 ລ້ານກີບ, ມອບໃຫ້ ກອງບັນຊາກັນທະຫານເມືອງໃໝ່ 70 ລ້ານກີບ ແລະ ບ້ານປາງໄຮເໝືອ ທີ່ຈະຍົກຍ້າຍບ້ານມາຮ່ວມກັບບ້ານປາກແພຈຳນວນ 50 ລ້ານກີບ ໂດຍການກ່າວມອບຂອງທ່ານ ພົຕ ປ.ອ ວົງຄຳ ພົມມະກອນ ຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ ກະຊວງປ້ອງກັນປະເທດ ແລະ ກ່າວຮັບ ໂດຍແມ່ນທ່ານ ສົມຈິດ ສິດທິວົງ ເຈົ້າເມືອງໆໃໝ່ ໂດຍຊ່ອງໜ້າຈາກທ່ານ ທອງສີເສົາ ສຸລິພົມ ຮອງເຈົ້າແຂວງຜົ້ງສາລີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຄີພິຍານ.

ໃນໂອກາດກາດນີ້ ທ່ານ ຫົວໜ້າກົມໃຫຍ່ພະລາທິການກອງທັບກະຊວງປ້ອງກັນປະເທດ ຍັງໄດ້ເຂົ້າພົບທ່ານ ຄຳຜອຍ ວັນນະສານ ເຈົ້າແຂວງໆຜົ້ງສາລີ ຢູ່ທີ່ຫ້ອງປະຊຸມຊັ້ນ 4 ຂອງຫ້ອງວ່າການປົກຄອງແຂວງ ທີ່ເທດສະບານແຂວງແຫ່ງໃໝ່ ເມືອງບູນເໜືອ ເພື່ອແຈ້ງຈຸດປະສົ່ງໃນການມາເຄື່ອນໄຫວຢູ່ແຂວງຜົ້ງສາລີ ໂດຍສະເພາະແມ່ນການມອບເງີນຈຳນວນ 200 ລ້ານກີບໃຫ້ກັບ 3 ບ້ານທີ່ໄດ້ຈັດສັນຍົກຍ້ານບ້ານມາໂຮມເຂົ້າກັນ. ພ້ອມນັ້ນ ທ່ານເຈົ້າແຂວງໆ ຜົ້ງສາລີ ກໍ່ໄດ້ກ່າວສະແດງຄວາມຂອບອົກຂອບໃຈ ແລະ ຕິລາຄາສູງ ຕໍ່ທ່ານຫົວໜ້າກົມໃຫຍ່ພະລາທິການກອງທັບກະຊວງປ້ອງກັນປະເທດກໍ່ຄືຄະນະນຳຂອງກະຊວງປ້ອງກັນປະເທດທີ່ໄດ້ນຳເອົາວັດຖຸປັດໃຈກໍ່ຄືເງີນສົດຈຳນວນ 200 ລ້ານມາມອບ 3 ບ້ານທີ່ຖືກຍົກຍ້າຍ. ພ້ອມກັນນັ້ນທ່ານຫົວໜ້າກົມໃຫຍ່ພະລາທິການກອງທັບກະຊວງປ້ອງກັນປະເທດຍັງໄດ້ລົງເຄື່ອນໄຫວຕີດຕາມໂຄງການກໍ່ສ້າງສຳນັກງານກອງບັນຊາກັນທະແຂວງຜົ້ງສາລີ ເຊີ່ງມາຮອດປະຈຸບັນໂຄງການດັ່ງກ່າວແມ່ນປະຕິບັດໄດ້ສຳເລັດແລ້ວ 8 %.

medailaos
phongsaly
( ພາບ – ຂ່າວ: ແສງຄຳ ສາລີວັນ )