ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ປະຈໍາວັນທີ 6 ເມສາ ປີ2020. ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ.

  • ໃນວັນທີ 5 ເມສາ 2020 ໄດ້ມີກໍລະນີສົງໃສ ແລະ ເກັບຕົວຢ່າງມາກວດ 17 ຄົນໄດ້ແກ່
    • ນະຄອນຫລວງຽງຈັນ 12 ຄົນ: ຜູ້ສໍາຜັດໃກ້ຊິດ 04 ຄົນ, ກໍລະນີສົງໃສທີ່ພົບໃໝ່ 08
    • ຕ່າງແຂວງ 5 ຄົນເປັນຕົ້ນ:
      • ແຂວງຫຼວງນໍ້າທາ 03 ຄົນ
      • ແຂວງບໍ່ແກ້ວ 01 ຄົນ
      • ແຂວງໄຊສົມບູນ 01 ຄົນ

ຕົວຢ່າງທີ່ເກັບທັງໝົດ 17 ຄົນ, ຜົນກວດພົບຜູ້ຕິດເຊື້ອ 01 ຄົນເຊິງແມ່ນກໍລະນີນໍາເຂົ້າ: ເປັນນັກສຶກສາເພດຍິງ ອາຍຸ 20 ປີ ຢູ່ບ້ານນາໄຊ, ເມືອງໄຊເສດຖາ, ນະຄອນຫຼວງວຽງຈັນ ປະຫວັດການເດີນທາງ:

  • ວັນທີ 22/3/2020 ເດີນທາງຈາກປະເທດອັງກິດ
  • ວັນທີ 23/3/2020 ເດີນທາງຮອດສະໜາມບິນວັດໄຕໂດຍຜ່ານ
    ສະໜາມບິນສຸວັນນະພູມດ້ວຍຖ້ຽວບິນ TG 574
  • ວັນທີ 24/3/2020 ເລີ່ມຈໍາກັດບໍລິເວນຕົນເອງຢູ່ເຮືອນສວນຂອງຜູ້ກ່ຽວ
  • ວັນທີ 5/4/2020 ເປັນມື້ທີ 13 ຜູ້ກ່ຽວເລີ່ມມີອາການເຈັບຄໍ, ເຈັບຫົວ, ຫາຍໃຈຍາກ ຈຶ່ງໄດ້ມາກວດຢູ່ໂຮງໝໍມິດຕະພາບ ແລະ ໄດ້ເກັບຕົວຢ່າງມາກວດ ແລະ ພົບວ່າຕິດເຊື້ອໂຄວິດ 19. ປະຈຸບັນແມ່ນນອນປິ່ນປົວຢູ່ຫ້ອງແຍກປ່ຽວ ໂຮງໝໍມິດຕະພາບ.
  • ການເກັບຕົວຢ່າງ ແຕ່ເດືອນ ມັງກອນ 2020 ຮອດວັນທີ 5 ເມສາ 2020 ໄດ້ເກັບຕົວຢ່າງມາກວດທັງໝົດ 621 ຄົນ, ກວດພົບເຊື້ອທັງໝົດ 12 ຄົນ.
  • ມາຮອດວັນທີ 5 ເມສາ 2020 ຕົວຢ່າງທັງໝົດໃນນັ້ນມີແຮງງານລາວ ຈາກ ໄທ 86 ຄົນ (ທັງໝົດກວດບໍ່ພົບເຊື້ອ). ນອກນີ້ ຍັງມີກໍລະນີຜູ້ສຳຜັດໃກ້ຊິດທີ່ຈະຕ້ອງສືບຕໍ່ຕິດຕາມອາການ 71  ຄົນ.
  • ຄະນະສະເພາະກິດ ຂໍຢັ້ງຢືນອີກເທື່ອນຶ່ງວ່າ ມາຮອດມື້ນີ້ຜູ້ຕິດເຊື້ອທັງໝົດ 12 ຄົນ ເຊິ່ງແບ່ງເປັນແຫຼ່ງຕິດເຊື້ອອອກເປັນ 5 ກຸ່ມ (ພະນັກງານໂຮງແຮມ, ພະນັກງານນຳທ່ຽວ, ຊ່າງເສີມສວຍ, ພະນັກງານພູເບັ້ຍມາຍນິງ, ນັກສຶກສາຈາກອັງກິດ).

Medialaos MMD