ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ລາຍງານວ່າ:

  1. ສະພາບການ COVID-19 ໃນທົ່ວໂລກ
  2. ເວລາ 6:00 ໂມງເຊົ້າ ຂອງວັນທີ 7 ເມສາ 2020, ທົ່ວໂລກມີລາຍງານກໍລະນີ ທັງໝົດ 209 ປະເທດ ເພີ້ມຂື້ນ 1 ປະເທດຄື:  ປະເທດຈາກທະວີບອາຟຣິກາ: ປະເທດ ເຊົາທູມ-ພິນຊິບ (Sao Tome and Principe)
  3. ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 1,342,265 ຄົນ (ເພີ່ມຂື້ນ 69,404 ຄົນ), ເສຍຊິວິດ 74,558 (ເພີ່ມຂື້ນ 5,134 ຄົນ) ແລະ ປີ່ນປົວຫາຍດີ 278,182 (ເພີ່ມຂື້ນ 15,965).
  4. ບາງປະເທດ ຍັງສືບຕໍ່ ມີລາຍງານກໍລະນີຕິດເຊື້ອເພີມຂື້ນ 27,393 ຄົນ ແລະ ກໍລະນີເສຍຊິວິດເພີມຂື້ນ 1,176 ຄົນ ພາຍໃນ 1 ມື້.
  5. ອົງການອະນາໄມໂລກໄດ້ປະເມີນ ອັດຕາຄວາມຮ້າຍແຮງ 5.55 % ຂອງຈໍານວຄົນເຈັບຕິດເຊື້ອທັງໝົດ, ມື້ວານນີ້ 5.45 %
  6. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 6 ເມສາ 2020 ຕາມດ່ານຊາຍແດນ ແລະ ສະໜາມບິນສາກົນ
  7. ວຽກງານຈຸດຜ່ານດ່ານ
  8. ຈໍານວນຜູ້ເດີນທາງເຂົ້າມາ ທັງໝົດ: 1,653 ຄົນ
  9. ຈໍານວນຜູ້ເດີນທາງຜ່ານສະໜາມບິນ ທັງໝົດ 00 ຄົນ
  10. ຈໍານວນຜູ້ເດີນມທາງຜ່ານທາງດ່ານລາວ-ໄທ ທັງໝົດ 943 ຄົນ
  11. ຈໍານວນຜູ້ເດີນມທາງຜ່ານທາງດ່ານລາວ-ຈີນ ທັງໝົດ 318 ຄົນ
  12. ຈໍານວນຜູ້ເດີນມທາງຜ່ານທາງດ່ານລາວ-ຫວຽດ ທັງໝົດ 588 ຄົນ
  13. ຈໍານວນຄົນໄຂ້ທີ່ກວດພົບທັງໝົດ 00 ຄົນ
  14. ການເຝົ້າລະວັງ ແລະ ວິເຄາະ
  15. ໃນວັນທີ 6 ເມສາ 2020, ໄດ້ມີກໍລະນີສົງໃສ ແລະ ເກັບຕົວຢ່າງມາກວດ 73 ຄົນ ໄດ້ແກ່
    1. ນະຄອນຫລວງຽງຈັນ 59 ຄົນ
    1. ຕ່າງແຂວງ 14 ຄົນ ເປັນຕົ້ນ:
    1. ແຂວງ ຈຳປາສັກ ມີ 02 ຄົນ
    1. ແຂວງ ບໍ່ແກ້ວ ມີ 03 ຄົນ
    1. ແຂວງ ໄຊສົມບູນ ມີ 05 ຄົນ
    1. ແຂວງຫົວພັນ 01 ຄົນ
    1. ຫຼວງພະບາງ 01 ຄົນ
    1. ຊຽງຂວາງ  01 ຄົນ
    1. ວຽງຈັນ 01 ຄົນ

ຕົວຢ່າງທີ່ເກັບທັງໝົດ 73 ຄົນ, ຜົນກວດພົບຜູ້ຕິດເຊື້ອ 02 ຄົນ ມີດັ່ງຕໍ່ໄປນີ້:

ຜູ້ທີ 1: ກໍລະນີທີ 13: ເພດຊາຍ ອາຍຸ 40 ປີ ພະນັກງານບໍລິສັດພູເບຍມາຍນິງ ປະຈຸບັນຢູ່ເຮືອນເລກທີ 044, ໜ່ວຍ 02, ບ້ານດອນກອຍ, ເມືອງສີສັດຕະນາກ ນະຄອນຫຼວງວຽງຈັນ

  • ໄລຍະ 30-31 ມີນາ, ຜູ້ກ່ຽວແມ່ນໄດ້ພົວພັນວຽກກັບຜູ້ຕິດເຊື້ອທີ 11 (ພະນັກງານພູເບັ້ຍມາຍນິງ)
  • ວັນທີ 1 ເມສາ, ຜູ້ກ່ຽວເລີ່ມມີອາການໄຂ້, ເຈັບຫົວ, ຫາຍໃຈຍາກ ແຕ່ບໍ່ໄດ້ປິ່ນປົວ
  • ວັນທີ 2 ເມສາ, ເດີນທາງຈາກແຄມພູຄຳ ແຂວງ ໄຊສົມບູນ ມາພັກທີ່ບ້ານ (ເມຍ ແລະ 2 ຄົນໄປຮັບ)
  • ວັນທີ 3-4 ເມສາ, ເຮັດວຽກຢູ່ບ້ານ ໄດ້ພົບກັບແມ່, ນ້ອງສາວ, ນ້ອງເຂີຍ ແລະ ເພື່ອນບ້ານອີກ 2 ຄົນ
  • ວັນທີ 5 ເມສາ ໄດ້ຮັບຂ່າວວ່າກໍນະນີ 11 ຕິດເຊື້ອ ຈຶ່ງໄດ້ມາກວດທີ່ໂຮງໝໍ ມິດຕະພາບ ເກັບຕົວຢ່າງວິເຄາະ ແລະ ຢັ້ງຢືນວ່າຕິດເຊື້ອ
  • ລວມຜູ້ສຳຜັດທັງໝົດ 18 ຄົນ ມີດັ່ງນີ້:
    • ເພື່ອນຮ່ວມງານທີ່ຂີ່ລົດຄັນດຽວກັບນະຄອນຫຼວງວຽງຈັນ ຈໍານວນ 07 ຄົນ
    • ຄອບຄົວ: ລູກ, ແມ່, ນ້ອງສາວ ແລະ ນ້ອງເຄີຍ ຈໍານວນ 05 ຄົນ
    • ເພື່ອນກິນເບຍຢູ່ບ້ານດອນກອຍ, ເມືອງສີສັດຕະນາກ ຈໍານວນ 02 ຄົນ
    • ເພື່ອນຮ່ວມງານທີ່ຢູ່ຫ້ອງດຽວກັນ ແຄມພູຄໍາ ແຂວງໄຊສົມບູນ 01 ຄົນ
    • ທີມງານປະຊຸມແຕ່ລະເຊົ້າຢູ່ແຄມພູຄໍາ ແຂວງໄຊສົມບູນ 03 ຄົນ

ຜູ້ທີ 2: ກໍລະນີທີ 14: ເພດຍິງ ອາຍຸ 19 ປີ ນັກສຶກສາລາວ ຮຽນຢູ່ ວິທະຍາໄລ Bellerby College, ລອນດອນ, ປະເທດອັງກິດ, ປະຈຸບັນຢູ່ ເຮືອນເລກທີ 521,  ໜ່ວຍ 31, ບ້ານ ສ້າງຄູ້, ເມືອງໄຊທານີ, ນະຄອນຫຼວງວຽງຈັນ

 ປະຫວັດການເດີນທາງ:

  • ວັນທີ 22/3/2020 ເດີນທາງຈາກປະເທດອັງກິດ
  • ວັນທີ 23/3/2020 ເດີນທາງຈາກບາງກອກ ສະໜາມບິນສຸວັນນະພູມ ດ້ວຍຖ້ຽວບິນ TG 574 ຮອດສະໜາມບິນວັດໄຕ (ຖ້ຽວບິນດຽວກັບ ກໍລະນີ 11 ແລະ 12)
  • 23 ມີນາ ຫາ ວັນທີ 5 ເມສາ ຜູ້ກ່ຽວໄດ້ຈໍາກັດບໍລິເວນຕົນເອງຢູ່ເຮືອນຂອງ ຕົນໂດຍມີພໍ່ແມ່ ອ້າຍນ້ອງຢູ່ນຳກັນແຕ່ໄດ້ແຍກ ບ່ອນກິນ ແລະ ເຄື່ອງໃຊ້ຕ່າງໆ
  • ວັນທີ 5/4/2020  ຜູ້ກ່ຽວໄດ້ຮັບຂ່າວວ່າໝູ່ທີ່ມານຳກັນຕິດເຊື້ອພະຍາດ (ຜູ້ທີ 12)
  • ວັນທີ 6 ເມສາ 2020 ຈຶ່ງໄດ້ມາກວດຢູ່ໂຮງໝໍມິດຕະພາບ (ບໍ່ມີອາການ ສະແດງ), ເກັບຕົວຢ່າງມາກວດ ແລະ ພົບວ່າຕິດເຊື້ອໂຄວິດ 19. ປະຈຸບັນແມ່ນນອນປິ່ນປົວຢູ່ຫ້ອງແຍກປ່ຽວ ໂຮງໝໍມິດຕະພາບ.
  • ລວມກໍລະນີສຳພັດໃກ້ຊິດ ທັງໝົດ 10 ຄົນ ມີດັ່ງນີ້:
    • ໜູ່ເພື່ອນເດີນທາງຮ່ວມກັນມາຈໍານວນ 05 ຄົນ
    • ພໍ່ ແມ່ , ອ້າຍ 02 ຄົນ, ນ້ອງສາວ ລວມທັງໝົດ ຈໍານວນ 05 ຄົນ

ຮອດວັນທີ 6/4/2020 ຍັງມີຜູ້ສຳຜັດໃກ້ຊິດກັບກໍລະນີຕິດເຊື້ອທີ່ຈະຕ້ອງສືບຕໍ່ຕິດຕາມອາການທັງໝົດ  70  ຄົນ

ແຕ່ເດືອນມັງກອນ 2020 ຫາ ວັນທີ 6 ເມສາ 2020 ໄດ້ເກັບຕົວຢ່າງມາກວດທັງໝົດ 765 ຄົນ, ກວດພົບເຊື້ອທັງໝົດ 14 ຄົນ. ສະເພາະແຮງງານລາວທີ່ກັບມາຈາກ ປະເທດໄທ ໄດ້ເກັບຕົວຢ່າງທັງໝົດ 92 ຄົນ (ທັງໝົດກວດບໍ່ພົບເຊື້ອ).

ຂໍຢັ້ງຢືນອີກເທື່ອນຶ່ງວ່າມາຮອດມື້ນີ້ຜູ້ຕິດເຊື້ອທັງໝົດ 14 ຄົນ, ເຊິ່ງແບ່ງເປັນແຫຼ່ງ ຕິດເຊື້ອອອກເປັນ 5 ກຸ່ມ (ພະນັກງານໂຮງແຮມ, ພະນັກງານນຳທ່ຽວ, ຊ່າງເສີມສວຍ, ພະນັກງານພູເບັ້ຍມາຍນິງ, ນັກສຶກສາຈາກອັງກິດ)

ປະຈຸບັນທິມແພດຊ່ຽວຊານຈີນ ແລະ ລາວ ໄດ້ແບ່ງເປັນ 2 ຄະນະໄປຈັດການຝຶກ ອົບຮົມ ຢູ່ພາກເໜືອ ຫຼວງພະບາງ ແລະ ພາກໃຕ້ ແຂວງຈຳປາສັກ ໃນການຈັດລະບົບກຽມຄວາມພ້ອມຂອງໂຮງໝໍໃນການແຍກປ່ຽວຄົນເຈັບ ແລະ ປິ່ນປົວ, ການຈັດລະບົບຈຳກັດບໍລິເວນຜູ້ເດີນເຂົ້າປະເທດຢູ່ສູນຕ່າງໆ.

ຂໍ້ແນະນຳ

  • ຕໍ່ຜູ້ຕິດເຊື້ອຜູ້ທີ 13 ເຊິ່ງເປັນພະນັກງານບໍລິສັດ ພູເບຍມາຍນິງ, ຜູ້ ທີ 14 ແມ່ນ ນັກສຶກສາລາວເດີນທາງມາຈາກປະເທດອັງກິດ,
  •  ມາດຕະການສຳຄັນທີ່ຈະຕ້ອງປະຕິບັດ
  • ເອົາໃຈໃສ່ປິ່ນປົວຕໍ່ພວກກ່ຽວ
  • ຕິດຕາມຜູ້ສຳພັດໃກ້ຊິດ 70 ຄົນ ແລະ ເກັບຕົວຢ່າງມາກວດວິເຄາະ
  • ການອະນາໄມຂ້າເຊື້ຶອ, ສະຖານທີ່ຕ່າງໆທີ່ກ່ຽວຂ້ອງ
  • ມາດຕະການເພີມທະວີປະຕິບັດຄໍາສັ່ງ ນຍ/06, ລົງວັນທີ 29/3/2020
  • ສືບຕໍ່ກວດກາຢ່າງເຄັ່ງຄັດລົດຂົນສົ່ງສິນຄ້າ, ຜູ້ຂັບລົດຂົນສົ່ງຜ່ານຕາມຊາຍແດນ, ສະແກນຫາຜູ້ຕິດເຊື້ອບໍ່ໃຫ້ເຂົ້າມາໃນ ສປປ ລາວ
  • ຄັດແຍກແຮງງານລາວຊອກຫາຜູ້ທີ່ມີຄວາມສ່ຽງສູງໃນການຕິດເຊື້ອ ເກັບຕົວຢ່າງມາວິເຄາະ ຢັ້ງຢືນການບົ່ງມະຕິ
  • ຂະຫຍາຍເຄື່ອງກວດວິເຄາະ ໄປໃຫ້ບາງແຂວງທີ່ມີຄວາມສ່ຽງສູງ
  • ເອົາໃຈໃສ່ປິ່ນປົວ 14 ຄົນທີ່ຕິດເຊື້ອພະຍາດໂຄວິດແລ້ວນີ້ໃຫ້ຫາຍດີໄວ
  • ພະນັກງານ, ລັດຖະກອນ, ປະຊາຊົນບັນດາເຜົ່າຕ້ອງປະຕິບັດມາດຕະການ ຈຳກັດການອອກຈາກເຮືອນ, ການເດີນທາງໄປຕ່າງເມືອງ ຕ່າງແຂວງ ຢ່າງເຄັ່ງຄັດໂດຍສະເພາະຜູ້ສູງອາຍຸ, ຜູ້ມີພະຍາດປະຈຳໂຕ.

ສະນັ້ນ ຮຽກຮ້ອງໃຫ້ ທຸກພາກສ່ວນໃນສັງຄົມມີສ່ວນຮ່ວມຢ່າງເປັນເຈົ້າການດ້ວຍຄວາມ ຮັບຜິດຊອບສູງ  ເປັນຕົ້້ນ ຄະນະສະເພາະຂັ້ນທ້ອງຖິ່ນ, ເຈົ້າໜ້າທີ່ປະຈຳດ່ານຊາຍແດນ, ເຈົ້າໜ້າທີ່ດ່ານກວດກາ ແຕ່ລະແຂວງ, ເຈົ້າໜ້າທີ່ຜູ້ຮັບຜິດຊອບສູນຈຳກັດບໍລິເວນ ແຮງງານລາວມາຈາກປະເທດໄທ, ຜູ້ຖືກແນະໃຫ້ຈໍາກັດບໍລິເວນຕົນເອງຢູ່ເຮືອນ, ຄອບຄົວຂອງຜູ້ຖຶກແນະນຳໃຫ້ຈຳກັດບໍລິເວນ, ອຳນາດການປົກຄອງທ້ອງຖິ່ນ, ສະເພາະແພດໝໍ, ພະຍາບານຂອງພວກເຮົາກໍຈະໃຊ້ຄວາມພະຍາຍາມສູງ ເພື່ອປິ່ນປົວຄົນເຈັບຕາມຫຼັກວິທະຍາສາດ ເພື່ອໃຫ້ຫາຍດີໄວ.