ໃນວັນທີ 28ສິງຫາ2019 ນີ້ ທ່ານ ພັອ ຄຳແຝງ ວັນດີໄຊ ຫົວໜ້າກົມຕຳຫລວດສີ່ງແວດລ້ອມ ກະຊວງປ້ອງກັນຄວາມສະຫງົບ ພ້ອມຄະນະໄດ້ລົງເຄື່ອນໄຫວເຮັດວຽກເກັບກຳສະຖິຕິ ,ຕິດຕາມ, ກວດກາ,ຊຸກຍູ້ຊີ້ນຳວຽກງານວິຊາສະເພາະຢູ່ ກອງບັນຊາການ ປກສ ແຂວງສະຫວັນນະເຂດ ເຂົ້າຮ່ວມມີ ທ່ານ ພັທ ສີລະຄອນ ນາມມະລາດ ຄະນະຫ້ອງຕຳຫລວດ ຜູ້ຊີ້ນຳ ວຽກງານຕຳຫລວດສີ່ງແວດລ້ອມ ປກສ ແຂວງ ,ທ່ານ ພັຕ ໝອນຄຳ ຫານຊະນະ ຫົວໜ້າ ພະເເນກຕຳຫລວດສີ່ງເເວດລ້ອມ ປກສ ແຂວງພ້ອມພະນັກງານວິຊາສະເພາະເຂົ້າຮ່ວມ.

ໃນພິທີ ທ່ານ ພັຕ ໝອນຄຳ ຫານຊະນະ ຫົວໜ້າ ພະເເນກຕຳຫລວດສີ່ງເເວດລ້ອມ ປກສ ແຂວງ ໄດ້ລາຍງານສະພາບລວມໂດຍຫຍໍ້ດ້ານດີຜົນງານແລະດ້ານອ່ອນຂໍ້ຄົງຄ້າງໃນການປະຕິບັດໜ້າທີ່ວຽກງານວິຊາສະເພາະໃນ01 ປີຜ່ານມາ ເຊິ່ງສາມາດຕີລາຄາໄດ້ຫຼາຍດ້ານເຊັ່ນ: ວຽກງານຄະດີ , ເກີດຂື້ນໃນປີ 2018 ມີ 02 ເລື່ອງ 03 ລາຍ ຜູ້ຖືກຫາ 05 ຄົນ ທຳລາຍປ່າໄມ້ 02 ລາຍ ຜູ້ຖືກຫາ 01 04 ຄົນ , ລັກລອບເຄື່ອນຍ້າຍແຫ່ທາດ 01 ລາຍ ຜູ່ຖືກຫາ 01 ຄົນ , ຜົນການແກ້ໄຂ ແກ້ໄຂຂັ້ນກອງບັນຊາການ ປກສ ແຂວງ ມີ 01 ເລື່ອງ 01 ລາຍ ( ລັກລອບເຄື່ອນຍ້າຍແຫ່ທາດ ) , ສົ່ງໄອຍະການປະຊາຊົນແຂວງ 01 ເລື່ອງ 02 ລາຍ ( ທຳລາຍປ່າໄມ້ ) , ຫີນຂຽວຈຳນວນ 27 ກະສອບ ເທົ່າກັບ 1,124 ກີໂລ , ວຽກງານ ປະສານສົມທົບກັບພະເເນກການອອ້ມຂ້າງ ປກສ ແຂວງ ແລະ ພາກສ່ວນກຽວຂ້ອງໃນທົ່ວແຂວງ,

ນອກນີ້ກໍ່ໄດ້ເອົາໃຈໃສ່ວຽກງານການເມືອງນຳພາແນວຄິດໃຫ້ແກ່ພະນັກງານ-ນັກຮົບພາຍໃນກົມກອງດ້ວຍຄວາມຮັບພິຊອບສູງແລະເປັນເຈົ້າການເອົາໃຈໃສ່ໃນໜ້າທີ່ວຽກງານວິຊາສະເພາະຢ່າງເຂັ້ມງວດແລະເປັນເຈົ້າການ ພ້ອມນີ້ກອງປະຊຸມກໍ່ໄດ້ປຶກສາຫາລືກ່ຽວກັບຂໍ້ສະດວກ,ຂໍ້ຫຍຸ້ງຍາກແລະບັນຫາສິ່ງທ້າທາຍຕ່າງໆໂດຍສະເພາະວຽກງານສະກັດກັ້ນ-ຕ້ານອາຊະຍະກຳທາງດ້ານຊັບພະຍາກອນທຳມະຊາດແລະສິ່ງແວດລ້ອມ,ອາຊະຍາກຳສັດປ່າແລະປ່າໄມ້ແລະການແກ້ໄຂບັນຫາຕ່າງໆ
ຈາກນັ້ນ ທ່ານ ຄຳແຝງ ວັນດີໄຊ ຫົວໜ້າກົມຕຳຫລວດສີ່ງແວດລ້ອມ ກະວງປ້ອງກັນຄວາມສະຫງົບກໍ່ໄດ້ສະແດງຄວາມຍ້ອງຍໍຊົມເຊີນ ແລະ ໄດ້ເໜັ້ນໃຫ້ເອົາໃຈໃສ່ສຶກສາອົບຮົມການເມືອງແນວຄິດ.ການປະຕິບັດລະບຽບວິໄນ,ກໍ່ຄືການປະຕິບັດແນວທາງນະໂຍບາຍຂອງພັກ,ລະບຽບກົດໝາຍຂອງລັດຕິດພັນກັບວຽກງານປ້ອງກັນຄວາມສະຫງົບຕາມສະພາບການເງື່ອນໄຂຕົວຈິງເພື່ອເຮັດໃຫ້ມີສະຖຽນລະພາບ,ທາງດ້ານການເມືອງໜັກແໜ້ນ,ມີຄວາມເປັນລະບຽບຮຽບຮ້ອຍໃນສັງຄົມດີຂື້ນເປັນກ້າວໆ.