ປະຈໍາວັນທີ 29 ເມສາ ປີ 2020

ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ໄດ້ຖະແຫຼງຂ່າວວ່າ:

  1. ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 28 ເມສາ 2020
  2. ວຽກງານຈຸດຜ່ານດ່ານ
  3. ຈໍານວນຜູ້ເດີນທາງເຂົ້າມາ ມີທັງໝົດ 1,996 ຄົນ
  4. ຈຸດຜ່ານດ່ານລາວ-ໄທ ທັງໝົດ 1,398 ຄົນ, ໃນນັ້ນ ມີແຮງງານກັບມາແຕ່ໄທຜ່ານ

ດ່ານສາກົນປາງມອນ ແຂວງໄຊຍະບູລີ 03 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ

  • ຈຸດຜ່ານດ່ານລາວ-ຈີນ ທັງໝົດ 152 ຄົນ,​ ທັງໝົດ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຫວຽດ ທັງໝົດ 442 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 04 ຄົນ
  • ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້, ສຳລັບ

ແຮງງານລາວ ຈຳນວນ 03 ຄົນ ທີ່ເຂົ້າມາໃໝ່ ດ່ານສາກົນປາງມອນ ແຂວງໄຊຍະບູລີ ເຊິ່ງໄດ້ນຳສົ່ງໄປຈຳກັດບໍລິເວນຢູ່ສູນຂອງແຂວງ ຈົນຄົບກຳນົດ 14 ວັນ.

  • ການເຝົ້າລະວັງ ແລະ ວິເຄາະ
  • ໃນວັນທີ 28 ເມສາ 2020, ໄດ້ເກັບຕົວຢ່າງມາກວດທັງໝົດ 33 ຄົນ, ໃນນັ້ນ ຜູ້ມີອາ

ການສົງໄສມາກວດຢູ່ໂຮງໝໍ 11 ຄົນ, ເກັບຕົວຢ່າງຜູ້ຕິດເຊື້ອມາກວດຄືນ 03 ຄົນ ແລະ ແຮງງານລາວທີ່ກັບມາຈາກປະເທດໄທ 19 ຄົນ (ແຮງງານທັງໝົດແມ່ນບໍ່ມີອາການ).

  • ໃນຈໍານວນຜູ້ມີອາການສົງໄສ 11 ຄົນ
  • ນະຄອນຫຼວງວຽງຈັນ 09 ຄົນ
  • ຈຳປາສັກ 01 ຄົນ
  • ຄຳມ່ວນ 01 ຄົນ
  • ສຳລັບແຮງງານລາວ ຈຳນວນ 19 ຄົນ ລາຍລະອຽດດັ່ງລຸ່ມນີ້:
  • ສະຫວັນນະເຂດ 11 ຄົນ
  • ຈຳປາສັກ 08 ຄົນ
  • ຜົນກວດທັງໝົດ 33 ຄົນ ບໍ່ພົບເຊື້ອ. ໝາຍຄວາມວ່າໃນວັນທີ 28 ເມສາ 2020 ບໍ່ມີກໍລະນີໃໝ່.
  • ນັບແຕ່ເດືອນມັງກອນ ຮອດ ວັນທີ 27 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,917 ຕົວຢ່າງ, ກວດພົບເຊື້ອສະສົມ 19 ຄົນ (17 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).
  • ສຳລັບຜູ້ສຳຜັດໃກ້ຊິດກັບຜູ້ຕິດເຊື້ອທັງໝົດມີ 313 ຄົນ ໄດ້ຄົບກຳນົດຕິດຕາມແລ້ວ.
  • ການຕິດຕາມ ຢູ່ສະຖານທີ່ຈຳກັດບໍລິເວນຂອງແຂວງ ແລະ ຜູ້ຈຳກັດບໍລິເວນ ຢູ່ເຮືອນ ສຳລັບຜູ້ເດີນທາງມາຈາກຕ່າງປະເທດ ມາຮອດວັນທີ 28 ເມສາ 2020 ທົ່ວປະເທດ ຍັງມີ ສູນຈໍາກັດບໍລິເວນ ທັງໝົດ 193 ສູນ, ມີຜູ້ຈຳກັດບໍລິເວນຢູ່ສູນ 759 ຄົນ, ຈໍາກັດບໍລິເວນຢູ່ເຮືອນ 439 ຄົນ, ເກັບຕົວຢ່າງມາກວດວິເຄາະຫາເຊື້ອ 514 ຄົນ. ທັງໝົດບໍ່ພົບເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍແຕ່ 12 ຄົນ.
  • ຢູ່ໂຮງໝໍແຂວງຫຼວງພະບາງ ມີ 01 ຄົນ ເປັນເພດຊາຍ ໄດ້ກວດຫາເຊື້ອ 2 ຄັ້ງຕິດຕໍ່ກັນໃນ 24 ຊົ່ວໂມງ ບໍ່ພົບເຊື້ອ ຈະໄດ້ໃຫ້ອອກໂຮງໝໍໄປຕິດຕາມຢູ່ເຮືອນ.
  • ຢູ່ໂຮງໝໍມິດຕະພາບ ມີ 11 ຄົນ ທັງໝົດເຫັນວ່າ ມີອາການເບົາບາງ, ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ ຈຶ່ງໃຫ້ອອກໂຮງໝໍ.
  •  ການຕິດຕາມສະພາບການລະບາດຂອງປະເທດໃກ້ຄຽງ ແລະ ສະພາບການລະບາດຢູ່ໃນທົ່ວໂລກ
  • ມາຮອດເວລາ 6:00 ໂມງເຊົ້າ ຂອງວັນທີ 29 ເມສາ 2020, ທົ່ວໂລກມີການລາຍງານການລະບາດ ທັງໝົດ 210 (ປະເທດ/ເຂດ).

– ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 3,133,100 (73,154 ໃຫມ່)

–  ເສຍຊິວິດ 217,389 (5,940 ໃຫມ່)

–  ປີ່ນປົວຫາຍດີ 951,433 (31,706 ໃຫມ່)

– ມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 22,660 ຄົນ ແລະ ເສຍຊີວິດ 2,108 ຄົນ ຕໍ່ມື້.

– ອັດຕາຄວາມຮ້າຍແຮງຂອງມື້ນີ້ແມ່ນເພິ່ມຂຶ້ນ 6.93 % (ມື້ວານນີ້ 6.90 %).

  • ສະເພາະກຸ່ມປະເທດອາຊຽນກໍເຫັນວ່າມີການຜ່ອນຄາຍລົງ ແຕ່ຍັງມີບາງປະເທດທີ່ມີອັດຕາການຕິດເຊື້ອ ແລະ ເສຍຊີວິດສູງຢູ່ ມີບາງປະເທດຕິດເຊື້ອໃໝ່ ໃນວັນທີ 29 ເມສາ 2020 ນີ້ ເຖິງ 528 ຄົນ ແລະ ເສຍຊີວິດໃນມື້ດຽວ ຢູ່ກຸ່ມປະເທດອາຊຽນ ເຖິງ 32 ຄົນ.
  • ຂໍ້ແນະນຳ
  • ສປປ ລາວ ກໍ່ຍັງເຫັນວ່າ 17 ມື້ທີ່ບໍ່ມີຜູ້ຕິດເຊື້ອໃໝ່. ໃນຈໍານວນຜູ້ຕິດເຊື້ອສະສົມ 19 ຄົນ ກໍ່ໄດ້ອອກໂຮງໝໍແລ້ວ 08 ຄົນ ແລະ ຍັງເຫຼືອ 11 ຄົນ ທີ່ຈະໄດ້ສືບຕໍ່ຕິດຕາມ ປິ່ນປົວຕາມອາການຢ່າງໃກ້ຊິດ. ເຖິງສະພາບການລະບາດຜ່ອນຄາຍລົງຄືແນວນີ້ ແຕ່ພວກເຮົາກໍ່ບໍ່ໄດ້ປະໝາດ ແລະ ມີການເຝົ້າລະວັງຢ່າງໃກ້ຊິດ ເພື່ອສະກັດກັ້ນ ບໍ່ໃຫ້ມີການລະບາດຄືນຄັ້ງທີ 2.  
  • ສຳລັບທຸກຄົນທີ່ເດີນທາງມາຈາກຕ່າງປະເທດ ເຂົ້າມາໃນ ສປປ ລາວ ລວມທັງແຮງງານລາວ ພວກເຮົາກໍ່ໄດ້ເກັບຕົວຢ່າງໄປກວດວິເຄາະຊອກຫາເຊື້ອ ແລະ ສົ່ງໄປຢູ່ສູນຈຳກັດບໍລິເວນ ຈົນຄົບກຳນົດ 14 ວັນ.

ພວກເຮົາຍັງຈະໄດ້ສືບຕໍ່ປະຕິບັດຄຳສັ່ງເລກທີ 06/ນຍ ນີ້ ຈົນກວ່າຈະຮອດວັນທີ 3 ພຶດສະພາ 2020,  ສະນັ້ນ ຈຶ່ງຮຽກຮ້ອງໃຫ້ ພໍ່ແມ່ປະຊາຊົນບັນດາເຜົ່າ, ອົງການຈັດຕັ້ງທຸກພາກສ່ວນ ຈົ່ງຮ່ວມໄມ້ຮ່ວມມືກັນຈັດຕັ້ງປະຕິບັດ ໃຫ້ຖຶກຕ້ອງ ແລະ ເຂັ້ມງວດ ເພື່ອສະກັດກັ້ນ ບໍ່ໃຫ້ມີການລະບາດຄືນຄັ້ງທີ 2.

  • ພັກ ແລະ ລັດຖະບານ ມີຄວາມເປັນຫ່ວງເປັນໃຍເອົາໃຈໃສ່ຢ່າງໃກ້ຊິດ ຕໍ່ການຄວບຄຸມ ແລະ ການແກ້ໄຂການລະບາດຢູ່ປະເທດຂອງພວກເຮົາ ຄຽງຂ້າງກັນນັ້ນ ກໍ່ໄດ້

ເຫັນອົກເຫັນໃຈ ຕໍ່ການຈັດຕັ້ງປະຕິບັດ ຄຳສັ່ງເລກທີ 06/ນຍ ຖືວ່າມີຫຼາຍຢ່າງທີ່ໄດ້ຈຳກັດ ການເຄື່ອນໄຫວ ຊີວິດປະຈຳວັນຂອງພໍ່ແມ່ປະຊາຊົນ ແລະ ມີຫຼາຍຂໍ້ກຳນົດທີ່ໄດ້ຈຳກັດການເຄື່ອນໄຫວ ທາງດ້ານພາກທຸລະກິດ.

  • ປະຈຸບັນ ຄະນະສະເພາະກິດ ພາຍໃຕ້ການຊີ້ນຳຂອງສູນກາງພັກ ກໍ່ຄືລັດຖະບານ ກຳ ລັງຄົ້ນຄວ້າບາງມາດຕະການທີ່ຈະຜ່ອນຜັນລົງ ແຕ່ວ່າພວກເຮົາຈະຕ້ອງສືບຕໍ່ປະຕິ ບັດ ມາດຕະການໃນການປ້ອງກັນ ການຕິດເຊື້ອຢ່າງເຂັ້ມງວດ ເປັນຕົ້ນແມ່ນການປະຕິບັດໄລຍະຫ່າງ, ການໃສ່ຜ້າປິດປາກ-ດັງ, ການລ້າງມື, ການໃຊ້ເຈວຂ້າເຊື້ອ ແລະ ຫຼັກການອະນາໄມ.
  • ຖ້າວ່າບັນດາທ່ານ ຫຼື ຄົນໃນຄອບຄົວຂອງທ່ານ ຫາກມີອາການໄຂ້, ໄອ, ເຈັບຫົວ, ເຈັບທ້ອງ ຫຼື ມີອາການອື່ນໆ ກໍ່ຂໍໃຫ້ບັນດາທ່ານ ເຂົ້າໄປພົບແພດຢູ່ໂຮງໝໍ ເພື່ອຈະໄດ້ຄັດແຍກວ່າມີອາການສົງໃສ ກ່ຽວກັບພະຍາດ COVID-19 ຫຼືບໍ່ ພ້ອມທັງຈະໄດ້ເກັບຕົວຢ່າງໄປກວດວິເຄາະຊອກຫາເຊື້ອ ຫຼືວ່າ ບັນດາທ່ານທີ່ມີພະຍາດອື່ນກໍ່ຈະໄດ້ຄັດແຍກໄປບ່ອນໜຶ່ງສະເພາະ ເພື່ອທຳການປິ່ນປົວ ເພາະວ່າໄລຍະນີ້ ກໍ່ແມ່ນລະດູຝົນ ພະຍາດຕາມລະດູການ ກໍ່ສາມາດເກີດຂຶ້ນໄດ້ ໂດຍສະເພາະແມ່ນພະຍາດໄຂ້ເລືອດອອກ ກໍ່ເປັນພະຍາດໜຶ່ງທີ່ພວກເຮົາ ເຝົ້າລະວັງແຕ່ລະປີ ຂໍໃຫ້ພໍ່ແມ່ປະຊາຊົນ ຈົ່ງເອົາໃຈໃສ່ຄົນໃນຄອບຄົວ ຕໍ່ລູກຫຼານຂອງພວກເຮົາ ເພື່ອຫຼີກເວັ້ນຈາກພະຍາດທັງໝົດທີ່ສາມາດປ້ອງກັນໄດ້. ຂໍໃຫ້ຮຽກຮ້ອງບັນດາທ່ານໃຫ້ມີຄວາມອົດທົນ ພ້ອມກັນຜ່ານຜ່າວິກິດນີ້, ຂໍໃຫ້ບັນດາທ່ານຈົ່ງພ້ອມກັນປ້ອງກັນຕົນເອງ, ປ້ອງກັນຄອບຄົວ ແລະ ຜູ້ທີ່ຮັກແພງໃກ້ຊິດກັບບັນດາທ່ານຈາກການຕິດເຊື້ອພະຍາດ COVID-19 ຖືວ່າແມ່ນພັນທະ ແລະ ຄວາມຮັບຜິດຊອບ ຂອງບັນດາທ່ານ ແລະ ເປັນການປະກອບສ່ວນອັນສຳຄັນໃຫ້ແກ່ປະເທດຊາດ.