ໄລຍະຜ່ອນຜັນໃນມາດຕະການສູ້ກັບການລະບາດຂອງພະຍາດ Covid-19 ແຕ່ວັນທີ 04-17 ພຶດສະພາ 2020 ຕາມແຈ້ງການເລກທີ 524/ຫສນຍ ລົງວັນທີ 01 ພຶດສະພາ 2020 ຂອງຫ້ອງວ່າການສຳນັກງານນາຍົກລັດຖະມົນຕີ ນັ້ນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກໍ່ໄດ້ອອກຄຳແນະນຳເລກທີ 142/ຖວທ ລົງວັນທີ 03 ພຶດສະພາ 2020 ສຳລັບຜູ້ປະກອບການໂຮງແຮມ; ຣີສອດ; ເຮືອນພັກ; ຮ້ານອາຫານ; ຮ້ານກາເຟ; ຮ້ານຕັດຜົມ; ຮ້ານເສີມສວຍ ໃນການປ້ອງກັນ ແລະ ແກ້ໄຂການລະບາດຂອງພະຍາດ Covid-19 ໂດຍມີ 4 ຂໍ້ສຳຄັນເປັນຕົ້ນ: ສຳລັບຜູ້ປະກອບການ; ສຳລັບຜູ້ໃຫ້ບໍລິການ; ສຳລັບຜູ້ໃຊ້ບໍລິການ (ລູກຄ້າ) ແລະ ສະຖານທີ່ໃຫ້ບໍລິການ. ສຳລັບຄຳແນະນຳສະບັບນີ້ຖືເປັນຂໍ້ບັງຄັບ ສະເພາະພາກບໍລິການນຳໃຊ້ ນັບຕັ້ງແຕ່ວັນທີ 4-17 ພຶດສະພາ 2020; ຫາກສະພາບແຜ່ລະບາດມີການປ່ຽນແປງກໍ່ຈະມີຄຳແນະນຳໃໝ່ແຈ້ງໃຫ້ຊາບຕາມພາຍຫຼັງໃນແຕ່ລະໄລຍະ.

        ຂໍຮຽກຮ້ອງໃຫ້ພາກສ່ວນທຸລະກິດບໍລິການທັງຫຼາຍຈົ່ງພ້ອມກັນຈັດຕັ້ງປະຕິບັດຄຳແນະນຳນີ້ຢ່າງເຂັ້ມງວດ. ດີແທ້ຄວນອັດຄຳສັ່ງນີ້ແຈ້ງໃຫ້ພະນັກງານບໍລິການ-ຮັບໃຊ້ໃນຮ້ານຂອງຕົນ… ຫຼື ອາດແຈກຢາຍໃຫ້ລູກຄ້າໄດ້ຮັບຊາບຈະເປັນການດີ.

        ຮ່ວມແຮງຮ່ວມໃຈ ຕ້ານການລະບາດຂອງພະຍາດ Covid-19 ແມ່ນໜ້າທີ່ ແລະ ພັນທະຂອງໝົດທຸກຄົນ.

ທິດດີ