ຕອນເຊົ້າຂອງວັນທີ 29 ສິງຫາ 2019 ນີ້ ຢູ່ທີສະໂມສອນຂອງກອງບັນຊາການ ປກສ ແຂວງຫຼວງນໍ້າທາ ເປີດຊຸດຝຶກອົບຮົມກ່ຽວກັບການກວດກາຊຸກຍູ້ເສຍຄ່າທຳນຽມທາງ ຜ່ານລະບົບທະນາຄານ ໂດຍການເປັນປະທານຂອງ ທ່ານ ພັນໂທ ກອງແກ້ວ ສິງມີໄຊ ຮອງກອງບັນຊາການ ປກສ ແຂວງ, ມີທ່ານ ພັນໂທ ຄຳເຫຼັກ ໄຊຍະສິດ ຮອງຫົວໜ້າກົມຕໍາຫຼວດຈະລາຈອນ, ມີຫົວຫນ້າອາກອນແຂວງ, ຜູ້ຕາງໜ້າທະນາຄານການຄ້າຕ່າງປະເທດລາວ ສາຂາແຂວງຫຼວງນໍ້າທາ, ແຂກຖືກເຊີນຕະຫຼອດຮອດ ນັກສຳມະນາກອນເຂົ້າຮ່ວມ
ຊຸດຝຶກອົບຮົມດັ່ງກ່າວສຳມະນາກອນໄດ້ຮຽນຮູ້ກ່ຽວກັບ ການຈັດຕັ້ງປະຕິບັດວຽກງານຊຸກຍູ້ການເສຍຄ່າທຳນຽມທາງ ໃຫ້ຝ່າຍກຳລັງຕຳລວດຈະລາຈອນໃນທົ່ວແຂວງ ໃນພາກປະຕິບັດຕົວຈິງ ໃນຕໍ່ໜ້າໃຫ້ມັນດີຂື້ນ ເພື່ອນໍາໄປຈັດຕັ້ງປະຕິບັດໃຫ້ໄດ້ຕາມລະດັບຄາດໝາຍທີ່ໄດ້ວາງໄວ້, ເປັນຕົ້ນແມ່ນປະສານງານລະຫວ່າງກົມຕໍາຫຼວດຈະລາຈອນ, ກະຊວງໂຍທາທິການແລະຂົນສົ່ງ ແລະ ທະນາຄານການຄ້າຕ່າງປະເທດລາວມະຫາຊົນ ໃນການຄົ້ນຄ້ວາວາງແຜນການຈັດຕັ້ງປະຕິບັດວຽກງານ ດັ່ງກ່າວ, ໃຫ້ເກີດດອກອອກຜົນ ແລະ ສຳມະນາກອນຍັງຈະໄດ້ລົງພາກປະຕິບັດຕົວຈິງຕຶ່ມອິກ ຊຸດຝຶກອົບຮົມດັ່ງກ່າວຍັງຈະໄດ້ດຳເນີນໄປເປັນເວລາ 3 ວັນຈິ່ງສຳເລັດ.