ທຸກໆ ຄັ້ງທີ່ເຮົາເຫັນເສດຖີຄົນໜຶ່ງປະສົບຜົນສຳເລັດໃນຊີວິດ ມີຊື່ສຽງໂດ່ງດັງ ມີເງິນ ແລະ ຊັບສົມບັດອັນມະຫາສານ ພວກເຮົາອາດຈະຄິດວ່າ: ນີ້ແມ່ນສິ່ງທີ່ມະນຸດສາມາດເຮັດໄດ້ໃນ 1 ຮຸ້ນຄົນ ແລະ ຄົນໆ ນັ້ນອາດຈະໂຊກດີ ທີ່ສາມາດປະສົບຜົນສຳເລັດໄດ້ ອາດຈະມີໂອກາດທີ່ດີ ຮູ້ເສັ້ນທາງ ຫຼື ເສັ້ນສາຍທີ່ມີຜົນປະໂຫຍດຕໍ່ທຸລະກິດ.

ແຕ່ພວກເຮົາບໍ່ເຄີຍເຫັນອີກດ້ານໜຶ່ງຂອງຄວາມສຳເລັດ ທາງເບື້ອງທີ່ຢູ່ໃນມຸມມືດ ທາງຫຼັງຂອງເສດຖີເຫຼົ່ານັ້ນວ່າສິ່ງທີ່ເຂົາຕ້ອງຜ່ານ ແລະ ສິ່ງທີ່ຖືກປິດບັງໄວ້ໃນດ້ານໜ້າຂອງຄວາມສຳເລັດນັ້ນ ຊື່ງຂ້າງຫຼັງກໍ່ຄືຄວາມລົ້ມເຫຼວຊໍ້າແລ້ວຊໍ້າອີກຫຼາຍຈົນນັບບໍ່ຖ້ວນ ບໍ່ສາມາດເວົ້າໄດ້ ຍິ່ງຜົນສຳເລັດຫຼາຍເທົ່າໃດ ຄວາມລົ້ມເຫຼວທີ່ຜ່ານມາຫຼາຍຮ້ອຍພັນຄັ້ງເທົ່ານັ້ນ ແລະ ເສດຖີຫຼາຍລ້ານລ້ານບາດຄືກັບ Jack Ma ທີ່ມີບາດແຜຢູ່ບໍລິເວນຂ້າງຫຼັງຫຼາຍ ແລະ ຜ່ານຄວາມລົ້ມເຫຼວຫຼາຍຈີ່ງສາມາດໄປເຖິງຈຸດນີ້ໄດ້.

ຖ້າທ່ານຈະຫາໃຜທີ່ຮູ້ຈັກກັບຄວາມລົ້ມເຫຼວທີ່ດີທີ່ສຸດ ໜຶ່ງໃນນັ້ນແມ່ນ Jack Ma ເຊິ່ງເກີດໃນຄອບຄົວທີ່ທຸກຍາກ ລາຍໄດ້ຂອງຄອບຄົວທັງໝົດ ພຽງ 7 ໂດລາຕໍ່ເດືອນ.

1. Jack Ma ບໍ່ແມ່ນຄົນຫົວດີຕັ້ງແຕ່ນ້ອຍ ລາວໄດ້ສອບເສັງເຂົ້າຮຽນໄດ້ຫຼາຍເທື່ອກ່ອນຈະເຂົ້າຮຽນຊັ້ນປະຖົມ ແລະ ມັດທະຍົມ ບໍ່ມີເທື່ອໃດສອບເສັງແລ້ວເສັງໄດ້ທັນທີ ຕ້ອງມີການສອບເສັງອີກຄັ້ງສະເໝີ.

2. ໃນການສອບເສັງເຂົ້າມະຫາວິທະຍາໄລ ເປັນຕົ້ນວິຊາຄະນິດສາດ Jack Ma ສາມາດໄດ້ຄະແນນພຽງແຕ່ 1 ຄະແນນຕໍ່ 120 ຄະແນນ ບໍ່ຮອດ 1 ເປີເຊັນຊໍ້າ ບໍ່ແມ່ນວ່າຍ້ອນບໍ່ມີເວລາກະກຽມ ແຕ່ຍ້ອນວ່າລາວບໍ່ເກັ່ງໃນການຄິດໄລ່.

“ຂ້ອຍບໍ່ເກັ່ງເລກ ແລະ ບໍ່ເຄີຍສຶກສາດ້ານການບໍລິຫານ ແລະ ບໍ່ສາມາດອ່ານບົດລາຍງານທາງດ້ານບັນຊີໄດ້ ” Jack Ma ເຄີຍໃຫ້ສຳພາດກັບສື່ມວນຊົນ.

3. Jack Ma ຖືກປະຕິເສດ 10 ຄັ້ງ ຢູ່ມະຫາວິທະຍາໄລ Harvard ນີ້ເປັນຕົວຢ່າງຂອງຄວາມພະຍາຍາມທີ່ບໍ່ຍອມແພ້ ເຖິງແມ່ນວ່າລາວໄດ້ສະໝັກເຂົ້າມະຫາວິທະຍາໄລຫຼາຍແຫ່ງ ແຕ່ຍັງບໍ່ຍອມແພ້ທີ່ຈະພະຍາຍາມສະໝັກເຂົ້າຮຽນຢູ່ຮາເວີດຫຼາຍເທື່ອ ແຕ່ສຸດທ້າຍລາວໄດ້ເຂົ້າຮຽນຢູ່ມະຫາວິທະຍາໄລ Hangzhou Normal ເຊີ່ງເປັນບ່ອນທີ່ລາວພັດທະນາຄວາມສາມາດດ້ານພາສາອັງກິດ.

4. Jack Ma ຖືກປະຕິເສດ 30 ຄັ້ງຫຼັງຈາກຮຽນຈົບ ລາວໄດ້ສະໝັກເຂົ້າເຮັດວຽກຢູ່ຫຼາຍບ່ອນ ແຕ່ວ່າຢູ່ທົ່ວທຸກແຫ່ງປະຕິເສດລາວໝົດ ລາວຍັງໄດ້ສະໝັກເປັນຕຳຫຼວດນຳອີກ ແລະ ເສຍເວລາລໍຖ້າຄຳຕອບໝົດມື້ ເຊິ່ງຄຳຕອບທີ່ໄດ້ມາແມ່ນການປະຕິເສດ ດ້ວຍເຫດຜົນງ່າຍໆ ທີ່ວ່າລາວ “ເກັ່ງບໍ່ພໍ” ແຕ່ສິ່ງທີ່ລາວຢຶດຖືໄວ້ເປັນກຳລັງໃຈປະໂຫຍກໜຶ່ງຈາກຮູບເງົາເລື່ອງ Forrest Gump ແມ່ນ “ມື້ນີ້ມັນຈະບໍ່ດີ ມື້ອື່ນມັນຈະຮ້າຍແຮງກວ່າເກົ່າ ແຕ່ວ່າມື້ຕໍ່ມາທ້ອງຟ້າຈະສົດໃສ ແລະ ຈະເປັນມື້ທີ່ສວຍງາມ”

5. Jack Ma ສະໝັກວຽກຢູ່ KFC ກໍ່ຖືກປະຕິເສດ ແລະ ມັນເປັນການປະຕິເສດທີ່ເຈັບປວດທີ່ສຸດ ເພາະວ່າໃນມື້ທີ່ລາວສະໝັກໄປເຮັດວຽກຢູ່ KFC ມີຜູ້ສະໝັກທັງໝົດ 24 ຄົນ ໃນນັ້ນ 23 ຄົນແມ່ນໄດ້ເຮັດວຽກ ແຕ່ມີພຽງ Jack Ma ເທົ່ານັ້ນ ທີ່ບໍ່ໄດ້ເຮັດວຽກ.

6. Jack Ma ໄດ້ໄປສະໝັກເຂົ້າເຮັດວຽກເປັນພະນັກງານເສີບຢູ່ໂຮງແຮມ 4 ດາວ ກັບພີ່ນ້ອງຂອງຕົນເອງ ເຖິງແມ່ນວ່າຍາດພີ່ນ້ອງຂອງລາວຈະໄດ້ຮັບຄະແນນສຽງໜ້ອຍກວ່າ ແຕ່ໄດ້ຮັບການຄັດເລືອກ ສ່ວນ Jack Ma ຜູ້ທີ່ໄດ້ຮັບຄະແນນຫຼາຍພັດຖືກປະຕິເສດ.

7. Jack Ma ໄດ້ເລີ່ມຕົ້ນເຮັດທຸລະກິດ ຄ້າຍຄືກັນກັບປື້ມສີເຫຼືອງ ກ່ອນທີ່ຈະເຮັດ Alibaba ແລະ ລົ້ມເຫຼວຢ່າງໜັກແຕ່ສິ່ງນັ້ນບໍ່ສາມາດເຮັດໃຫ້ລາວຢຸດຄວາມພະຍາຍາມໄດ້.

8. Jack Ma ແມ່ນຜູ້ລະດົມທຶນທີ່ຫ່ວຍທີ່ສຸດ ລາວໄດ້ຈັດການລະດົມທຶນຂື້ນເພື່ອສ້າງຕັ້ງ Alibaba ຢູ່ໃນຫ້ອງແຖວໃນອາພາດເມັນ ໂດຍເຊີນຊວນໝູ່ເພື່ອນທັງໝົດ 17 ຄົນ ແລະ ອະທິບາຍວິໄສທັດໃຫ້ທຸກຄົນ ແຕ່ຫຼັງຈາກເວົ້າຈົບແລ້ວ ບໍ່ມີໃຜໄດ້ຟັງສິ່ງທີ່ລາວໄດ້ເວົ້າເລີຍ ແລະ ລາວເວົ້າວ່າຄົນເຮົາຈະລະດົມທຶນບໍ່ໄດ້ຄໍານືງເຖິງການເວົ້າຫັຍງແດ່ “ໃນຫ້ອງນີ້ບໍ່ມີໃຜສາມາດເປັນຜູ້ບໍລິຫານໄດ້ເລີຍ” ແລະ ລາວຈະຈ້າງຜູ້ບໍລິຫານຈາກພາຍນອກ.

ເຖິງແມ່ນວ່າການລະດົມທຶນໄດ້ $ 60,000 ກໍ່ຕາມແຕ່ Alibaba ໃນຊ່ວງໄລຍະທຳອິດມີແຕ່ລາຍຈ່າຍ ແລະ ບໍ່ສາມາດສ້າງກຳໄລໄດ້ໃນໄລຍະ 3 ປີ ທີ່ສ້າງຕັ້ງຂຶ້ນ.

9. Jack Ma ບໍ່ສາມາດລະດົມທຶນຈາກ Silicon Valley ໄດ້ໃນເວລານັ້ນ ບໍລິສັດກຳລັງຕົກຢູ່ໃນສະພາບວິກິດ ລາວລົ້ມເຫຼວຫຼາຍ ແລະ ບໍລິສັດບໍ່ສາມາດຫາກຳໄລໄດ້ ແລະ ກຳລັງຈະລົ້ມລະລາຍໃນອີກ 18 ເດືອນຂ້າງໜ້າ.

Jack Ma ກ່າວວ່າ “ຂ້ອຍຍັງຈື່ໄດ້ດີເມື່ອພວກເຮົາບໍ່ມີລາຍໄດ້ ເມື່ອກິນເຂົ້າຢູ່ຮ້ານອາຫານ ເຈົ້າຂອງຮ້ານຈະອອກມາເວົ້າ Jack Ma ບໍ່ຈຳເປັນຕ້ອງຈ່າຍຄ່າອາຫານ ຍ້ອນວ່າຂ້ອຍເປັນລູກຄ້າຂອງເຈົ້າ ຂ້ອຍໄດ້ກຳໄລຫຼາຍຈາກ Alibaba ແຕ່ຂ້ອຍຮູ້ວ່າເຈົ້າບໍ່ມີລາຍໄດ້ຈາກກຳໄລຂອງຂ້ອຍ ສະນັ້ນທ່ານບໍ່ຕ້ອງຈ່າຍຄ່າອາຫານໃນຄາບນີ້ກໍ່ໄດ້”.

ເຊື່ອວ່ານັກລົງທືນໃນ Silicon Valley ຈະໂສກເສົ້າຫຼາຍ ທີ່ປະຕິເສດ Jack Ma ໃນມື້ນັ້ນ

10. Jack Ma ຖືກປະຕິເສດທະນາຄານໃນປະເທດຈີນ ໂດຍບໍ່ມີໃຜຕ້ອງການເຂົ້າຮ່ວມການຈ່າຍເງິນຜ່ານເວັບໄຊທ໌ Alibaba ຂອງລາວ ສະນັ້ນລາວຕ້ອງຄິດເຖິງວິທີການຈ່າຍເງິນແບບງ່າຍດາຍ ແລະ ສະດວກສະບາຍ ສະນັ້ນຈີ່ງເກີດມີ Alipay ຂື້ນມາ ໃຜໄດ້ຟັງຄວາມຄິດນີ້ຄິດວ່າລາວເປັນບ້າ ແລະ ຕ້ອງເປັນຄົນໂງ່ ແຕ່ປະຈຸບັນມີຜູ້ໃຊ້ Alipay ຫຼາຍກວ່າ 800 ລ້ານຄົນ.

ບໍ່ມີໃຜຮູ້ວ່າຄວາມສຳເລັດລໍຖ້າພວກເຮົາຢູ່ບ່ອນໃດ ແຕ່ແນ່ນອນວ່າເສັ້ນທາງສູ່ຄວາມສຳເລັດ ຢູ່ພາຍໃຕ້ການກໍ່ສ້າງຢູ່ສະເໝີ ມັກຈະເປັນເສັ້ນທາງທີ່ຫຍຸ້ງຍາກ ມີອຸປະສັກ ແຕ່ເສັ້ນທາງທີ່ Jack Ma ຍ່າງຜ່ານສຳລັບຄົນທົ່ວໄປ ສາມາດຈອດລົດພັກໄດ້ ຫຼື ຍອມແພ້ໄດ້ທຸກເວລາ ຖ້າຍອມແພ້ການສອບເສັງເຂົ້າໂຮງຮຽນ ແລະ ບໍ່ສືບຕໍ່ຮໍ່າຮຽນນັບແຕ່ປະຖົມ ຫຼື ຖ້າຍອມແພ້ໃນການສອບເສັງເຂົ້າມະຫາວິທະຍາໄລ ອາດຈະບໍ່ໄດ້ຮຽນພາສາອັງກິດ ຖ້າສະໝັກວຽກບໍລິສັດ ແລ້ວບໍລິສັດຮັບເຂົ້າເຮັດວຽກ ຫຼື ສາມາດສອບເສັງໄດ້ເປັນຕຳຫຼວດ ເສັ້ນທາງຊີວິດຂອງລາວຈະປ່ຽນແປງຕະຫຼອດການ ຖ້າ KFC ຮັບເອົາລາວເພີ່ມອີກຄົນ ລາວອາດຈະໄປສູ່ເສັ້ນທາງອື່ນ ມື້ນີ້ລາວອາດຈະຢືນຂາຍໄກ່ທອດ ບໍ່ສາມາດກັບມາຊື້ກິດຈະການທຸກສາຂາ KFC ໃນປະເທດຈີນ ຖ້າໂຮງແຮມຮັບເອົາລາວໄປເຮັດວຽກແທນພີ່ນ້ອງລາວໃນມື້ນັ້ນ ລາວອາດຈະຍັງເປັນພຽງພະນັກງານເສີບເທົ່ານັ້ນ.

ແຕ່ຍ້ອນວ່າລາວສະໝັກວຽກບໍ່ມີບ່ອນໃດຮັບເຮັດວຽກ ສະນັ້ນຕ້ອງໄປເປັນຄູສອນພາສາອັງກິດ ຈົນໄດ້ຮັບມອບໝາຍໃຫ້ເປັນຜູ້ນຳທ່ຽວ ແລະ ຍ້ອນສິ່ງນີ້ເຮັດໃຫ້ລາວຕ້ອງຮູ້ຈັກກັບ Jerry Yang ນັກທຸລະກິດຈີນທີ່ສ້າງຕັ້ງບໍລິສັດ Yahoo ໃນອາເມລິກາ ລາວໄດ້ກັບມາຈີນ ແລະ Jack Ma ແມ່ນຜູ້ນຳທ່ຽວຂອງລາວ ພວກເຂົາທັງສອງເວົ້າເປັນພາສາອັງກິດ ແລະ ແລກປ່ຽນຄວາມຮູ້ກັບ Jerry ເປັນບ່ອນຄວາມສຳເລັດກຳລັງລໍຖ້າ ບໍ່ມີໃຜສາມາດຕອບໄດ້ ແຕ່ສິ່ງທີ່ Jack Ma ສະແດງໃຫ້ເຫັນຈະແຈ້ງວ່າລາວບໍ່ເຄີຍຍອມແພ້ ແລະ ບໍ່ເຄີຍປະຖິ້ມຄວາມພະຍາຍາມ ຫຼື ທໍ້ຖອຍຕໍ່ອຸປະສັກ ໂດຍບໍ່ມີຂໍ້ອ້າງ ຫຼື ຂໍ້ແມ້ ບໍ່ສົນໃຈຂໍ້ຈຳກັດໃດໆ ເລີຍ

“ຖ້າທ່ານບໍ່ຍອມແພ້ ເຈົ້າມີໂອກາດຢູ່ສະເໝີ ການຍອມຈໍານົນແມ່ນຄວາມລົ້ມເຫຼວທີ່ຍີ່ງໃຫຍ່ສຸດ. “

JACK MA