ຖະແຫຼງຂ່າວ

ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19

ປະຈໍາວັນທີ18ພຶດສະພາ ປີ2020

ຂ້າພະເຈົ້າຮສ. ດຣ. ພູທອນ ເມືອງປາກ ຮອງລັດຖະມົນຕີ, ກະຊວງສາທາລະນະສຸກ ຂໍລາຍງານສະພາບການຕິດຕາມ, ເຝົ້າລະວັງ ພະຍາດ COVID-19 ຢູ່ ສປປ ລາວ ປະຈໍາວັນທີ 18 ພຶສະພາ 2020 ດັ່ງນີ້:

  1. ສະພາບການເຝົ້າລະວັງCOVID-19ຢູ່ ສປປ ລາວຮອດ 5 ໂມງແລງ ຂອງວັນທີ 17ພຶດສະພາ 2020
  2. ວຽກງານຈຸດຜ່ານດ່ານ
  3. ຈໍານວນຜູ້ເດີນທາງເຂົ້າມາມີທັງໝົດ1,489ຄົນ
  4. ຈຸດຜ່ານດ່ານລາວໄທ ທັງໝົດ757ຄົນ, ໃນນັ້ນມີແຮງງານລາວກັບມາຈາກປະເທດໄທທັງໝົດ 04 ຄົນເຊິ່ງຜ່ານດ່ານວັງເຕົ່າແຂວງຈຳປາສັກ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.
  5. ຈຸດຜ່ານດ່ານລາວຈີນ ທັງໝົດ05ຄົນ,ໃນນີ້ແຮງງານລາວກັບມາແຕ່ຈີນ02 ຄົນເຂົ້າມາຜ່ານດ່ານບໍ່ເຕັນແລະຄົນຈີນ 03 ຄົນແມ່ນຜູ້ຂັບລົດຂົນສົ່ງສິນຄ້າ.
  6. ຈຸດຜ່ານດ່ານລາວຫວຽດ ທັງໝົດ727 ຄົນ, ໃນນັ້ນຄົນລາວ01ຄົນແມ່ນນັກສຶກສາກັບຈາກສສຫວຽດນາມເຂົ້າມາຜ່ານດ່ານລະໄລ, ແຂວງສາລະວັນ, ເຫຼືອນັ້ນແມ່ນຄົນຂັບລົດສົ່ງສິນຄ້າ.
  7. ຈຳນວນຜູ້ເດີນທາງຜ່ານສະໜາມບິນສາກົນວັດໄຕ00ຄົນ.
  8. ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.
  9. ສຳລັບແຮງງານລາວຈຳນວນ04ຄົນ:ທີ່ຜ່ານດ່ານວັງເຕົ່າ-ຊ່ອງເມັກແຂວງຈຳປາສັກທັງໝົດແມ່ນມີຖິ່ນຖານມາຈາກແຂວງຈຳປາສັກ.
  10. ແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງຈົນກ່ວາຈະຄົບກຳນົດ 14ວັນ.
  11. ການເຝົ້າລະວັງ ແລະ ວິເຄາະ
  12. ໃນວັນທີ 17ພຶດສະພາ 2020, ໄດ້ເກັບຕົວຢ່າງມາກວດທັງໝົດ 114ຄົນ, ໃນນັ້ນ ມີກໍລະນີສົງໄສ14ຄົນ, ແຮງງານລາວທີ່ກັບມາແຕ່ໄທ22 ຄົນ,ແຮງງານຈີນທີ່

ເຂົ້າມາລາວ78ຄົນ.

  • ກໍລະນີສົງໄສ14ຄົນແມ່ນມາຈາກສະຫວັນນະເຂດ04 ຄົນ, ນະຄອນຫຼວງວຽງຈັນ 03ຄົນ, ຫຼວງພະບາງ02 ຄົນ, ຈຳປາສັກ 01 ຄົນ, ແຂວງວຽງຈັນ 01 ຄົນ, ບໍລິຄຳໄຊ 01 ຄົນ, ໄຊຍະບູລີ 01 ຄົນແລະຄຳມ່ວນ 01 ຄົນ.
  • ແຮງງານລາວທີ່ກັບມາຈາກປະເທດໄທ22ຄົນລາຍລະອຽດດັ່ງລຸ່ມນີ້:​
  • ບໍ່ແກ້ວ                    10 ຄົນ
  • ຈໍາປາສັກ                  08 ຄົນ
  • ສະຫວັນນະເຂດ    02ຄົນ
  • ອຸດົມໄຊ                  01 ຄົນ
  • ວຽງຈັນ                   01 ຄົນ
  • ສຳລັບແຮງງານຈີນ78ຄົນທີ່ເຂົ້າມາແມ່ນໄດ້ຈຳກັດບໍລິເວນຢູ່ໂຮງແຮມຊັງຈິກົວຈີ.
  • ຜົນກວດທັງໝົດຂອງມື້ວານນີ້ບໍ່ພົບເຊື້ອ.
  • ໝາຍຄວາມວ່າໃນວັນທີ 17ພຶດສະພາ 2020 ບໍ່ມີຜູ້ຕິດເຊື້ອໃໝ່.
  • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 17 ພຶດສະພາ2020 ໄດ້ເກັບຕົວຢ່າງມາກວດທັງໝົດມີ4,565ຕົວຢ່າງ,ກວດພົບເຊື້ອສະສົມ19ຄົນ(36 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).
  • ການຕິດຕາມຜູ້ເດີນທາງມາຈາກຕ່າງປະເທດໂດຍສະເພາະແຮງງານລາວຢູ່ສະຖານທີ່ຈຳກັດບໍລິເວນຕ່າງໆຂອງແຂວງ
  • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ91ສູນ, ມີຜູ້ຈຳກັດບໍລິເວນຢູ່ສູນ2,560ຄົນ, ໄດ້ເກັບຕົວຢ່າງມາກວດວິເຄາະທັງໝົດແລະບໍ່ມີຜູ້ຕິດເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ປັດຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 05 ຄົນຍີງ 04 ຄົນ ທັງໝົດເຫັນວ່າມີອາການປົກກະຕິ.
  • ການຕິດຕາມສະພາບການລະບາດຂອງປະເທດໃກ້ຄຽງແລະ ການລະບາດຢູ່ໃນໂລກ ເຫັນວ່າ:
  • ມາຮອດເວລາ 6:00 ໂມງເຊົ້າ ຂອງວັນທີ 18ພຶດສະພາ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ).

-ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ4,798,132(81,123

ໃໝ່).

-ເສຍຊິວິດ316,507(3,605 ໃໝ່) ກວມເອົາ 6.59% ຂອງຜູ້ຕິດເຊື້ອທັງໝົດ.

-ປີ່ນປົວຫາຍດີ1,855,073(45,354 ໃໝ່)ກວມເອົາ 38.6% ຂອງຜູ້ຕິດເຊື້ອ

ທັງໝົດ.

-ປະເດັນສຳຄັນ ແມ່ນມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 19,040ຄົນ ແລະເສຍຊີວິດ860ຄົນຕໍ່ມື້ ຖືວ່າຍັງມີການລະບາດເປັນວົງກ້ວາງຢູ່ໃນບາງປະ

ເທດ.

– ອັດຕາຄວາມຮ້າຍແຮງຂອງມື້ນີ້ແມ່ນ 6.59% (ມື້ວານນີ້ 6.62%).

  • ໃນບັນດາກຸ່ມປະເທດອາຊຽນກໍ່ເຫັນວ່າຍັງມີບາງປະເທດທີ່ມີອັດຕາການຕິດເຊື້ອໃໝ່ສູງ ສະເພາະວັນທີ 17 ພຶດສະພາ 2020 ສູງເຖິງ 682ຄົນ, ໃນມື້ດຽວນີ້ຢູ່ກຸ່ມປະເທດອາຊຽນມີຜູ້ເສຍຊີວິດ 66ຄົນ.
  • ຂໍ້ແນະນຳ

ບັນດາທ່ານທີ່ນັບຖື ແລະ ຮັກແພງ,

  • ຂໍ້ມູນສໍາຄັນໃນມື້ນີ້ ແມ່ນການລາຍງານ ຂອງລະບົບເຝົ້າລະວັງພະຍາດ ຈາກທົ່ວປະເທດມາຫາສູນປະຕິບັດງານສຸກເສີນ ຂອງກະຊວງສາທາລະນະສຸກ ຢັ້ງຢືນວ່າ ສປປ ລາວ ບໍ່ພົບຜູ້ຕິດເຊື້ອໃໝ່ 36 ວັນແລ້ວ (ເລິ່ມແຕ່ວັນທີ 12ເມສາ 2020 ເປັນຕົ້ນມາ). ໄດ້ເກັບຕົວຢ່າງມາກວດທັງໝົດມີ4,565ຕົວຢ່າງ, ມີຈໍານວນຜູ້ຕິດເຊື້ອສະສົມ ທັງໝົດ 19 ຄົນ, ຍັງນອນຕິດຕາມຢູ່ໂຮງໝໍ 05 ຄົນ.
  • ໃນວັນສຸກ, ວັນທີ 15 ພຶດສະພາ 2020 ຜ່ານມານີ້,ບັນດາທ່ານໄດ້ຮັບຟັງແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ເລກທີີ 580/ຫສນຍ ເຊີ່ງແມ່ນແຈ້ງການໃຫ້ຜ່ອນຜັນບາງມາດຕະການລົງຕື່ມ ເພື່ອໃຫ້ມີຜົນກະທົບຕໍ່ເສດຖະກິດ-ສັງຄົມໜ້ອຍທີ່ສຸດ ແລະ ໃຫ້ສັງຄົມສາມາດກັບມາໃຊ້ຊີວິດໃຫ້ເປັນປົກກະຕິໃນແຕ່ລະກ້າວ ປະກອບດ້ວຍ  9 ມາດຕະການຜ່ອນຜັນ ແລະ 4 ມາດຕະການທີ່ຈະສືບຕໍ່ປະຕິບັດ. ມື້ນີ້ ວັນທີ 18 ພຶດສະພາ 2020 ເປັນມື້ເລິ່ມຕົ້ນປະຕິບັດຈົນເຖິງວັນທີ 01 ມິຖຸນາ 2020 ຈຶ່ງຈະມີການປະເມີນສະຖານະການຄືນໃໝ່, ປະເດັນສຳຄັນຢູ່ໃນແຈ້ງການນັ້ນແມ່ນ ການອະນຸຍາດໃຫ້ພະນັກງານລັດຖະກອນໄດ້ເຮັດວຽກເປັນປົກກະຕິ;ສາມາດເດີນທາງພາຍໃນປະເທດໄດ້; ການເປີດການຂົນສົ່ງໂດຍສານທາງບົກ, ທາງນໍ້າ, ທາງອາກາດ ພາຍໃນປະເທດ; ການອະນຸຍາດໃຫ້ມີການຝຶກອົບຮົມ, ສໍາມະນາ, ປະຊຸມທາງການ; ການເປີດໂຮງຮຽນຊັ້ນ ປ5, ມ4, ມ7; ອະນຸຍາດໃຫ້ອອກກໍາລັງກາຍກາງແຈ້ງ ແລະ ໃນຮົ່ມ;ອະນຸຍາດໃຫ້ເປີດດຳເນີນທຸລະກິດການຄ້າ ແລະ ບໍລິການຕ່າງໆ; ດຳເນີນກິດຈະການຂອງບໍລິສັດ ແລະ ໂຮງງານຈຳນວນໜຶ່ງ; ອະນຸຍາດໃຫ້ຊາວຕ່າງປະເທດກັບມາເຮັດວຽກຢູ່ໃນບາງໂຄງການ; ແຕ່ທັງໝົດເຫຼົ່ານີ້ກໍ່ຕ້ອງໄດ້ປະຕິບັດຕາມຄໍາແນະນໍາຂອງຂະແໜງການກ່ຽວຂ້ອງ ແລະ ມາດຕະການປ້ອງກັນການຕິດເຊື້ອຢ່າງຖືກຕ້ອງ ແລະ ເຂັ້ມງວດ.

ສະນັ້ນ ຈຶ່ງຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຈົ່ງເອົາໃຈໃສ່ ທຳຄວາມເຂົ້າໃຈ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີພ້ອມທັງ ຮ່ວມແຮງຮ່ວມໃຈກັນ ສືບຕໍ່ປະຕິບັດຈົນກວ່າຈະມີແຈ້ງການປ່ຽນແປງ ຫຼັງວັນທີ 01 ມິຖຸນາ 2020. ບັນຫາສຳຄັນ ຂໍໃຫ້ບັນດາທ່ານເຂົ້າໃຈວ່າທຸກໆມາດຕະການທີ່ຜ່ອນຜັນລົງນັ້ນຈະຕ້ອງໄດ້ປະຕິບັດວິທີການປ້ອງກັນການຕິດເຊື້ອຢ່າງເຂັ້ມງວດເປັນຕົ້ນແມ່ນ: ການປະຕິບັດຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດຢູ່ສະຖານທີ່ບໍລິການຕ່າງໆ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ,ການໃສ່ຜ້າປິດປາກ-ດັງ ເວລາອອກຈາກບ້ານຫຼືໄປສະຖານທີ່ທີ່ມີຄວາມສ່ຽງຕໍ່ການຕິດເຊື້ອທັງໝົດນີ້ໃຫ້ກາຍເປັນຄວາມຊິນເຄີຍໃນການດຳລົງຊີວິດປະຈຳວັນ. ພວກເຮົາຈຶ່ງຈະສາມາດສະກັດກັ້ນ ການລະບາດຂອງພະຍາດ COVID-19 ບໍ່ໃຫ້ກັບຄືນມາຮອບໃໝ່.​