Jack Dorsey ແມ່ນໜຶ່ງໃນຜູ້ສ້າງຕັ້ງແອັບເວັບໄຊທ໌ Twitter ເຊິ່ງກາຍເປັນເຄືອຂ່າຍສັງຄົມລະດັບໂລກທີ່ມີມູນຄ່າຫຼາຍພັນລ້ານໃນສອງປີທີ່ Jack ໃຊ້ເວລາພຽງສອງອາທິດໃນການຂຽນໂຄດດັ່ງກ່າວ.

Jack Patrick Dorsey ເກີດໃນວັນທີ 19 ເດືອນພະຈິກປີ 1976 ຢູ່ສະຫະລັດອາເມລິກາທີ່ St. Louis, Missouri ພໍ່ຂອງລາວ Tim Dorsey ແມ່ນວິສະວະກອນເຄື່ອງມືການແພດ ແລະ ແມ່ຂອງລາວ Marcia Dorsey ເປັນແມ່ບ້ານ.

ອາຊີບນັກຂຽນໂປຣແກຣມຂອງ Jack ເລີ່ມຕົ້ນເປັນຄັ້ງທຳອິດເມື່ອລາວອາຍຸ 14 ປີ ລາວເລີ່ມຂຽນໂປຣແກຣມຕ່າງໆ ກ່ຽວກັບການໃຊ້ບໍລິການລົດແທັກຊີ້ ແລະ ລົດດັບເພີງ ໂດຍລາວມັກຈະສົນໃຈຕິດຕາມສະຖານະການຍ້າຍບາງສິ່ງບາງຢ່າງຈາກຈຸດໜຶ່ງຫາອີກຈຸດໜຶ່ງ ຊື່ງລາວໄດ້ຄວາມຄິດຈາກການໄດ້ຍິນຄົນອື່ນເວົ້າ ກ່ຽວກັບບຸກຄົນທີ່ສາມທີ່ພວກເຂົາກຳລັງຕິດຕາມ ແລະ ໃຫ້ຄວາມສົນໃຈກັບສິ່ງທີ່ຄົນນັ້ນກຳລັງເຮັດຫັຍງຢູ່ ​ກໍາ​ລັງ​ຈະ​ໄປ​ໃສ ຢູ່ນຳໃຜ? ແລະ ນີ້ແມ່ນຄວາມຄິດທີ່ນຳໄປສູ່ການສ້າງ Twitter ເພື່ອໃຫ້ແຕ່ລະຄົນມີການອັບເດດສັ້ນໆ ໃນໂລກ online ແລະ ຜູ້ທີ່ຕິດຕາມກໍ່ສາມາດຮັບຮູ້ໄດ້ເຊັ່ນດຽວກັນ.

ຕໍ່ມາໃນປີ 1991 Jack ອາຍຸ 15 ປີ ໄດ້ມີໂອກາດໄປເປັນເດັກຝຶກງານໃນລະດູຮ້ອນທີ່ Mira Digital Publishing ໂດຍ Jim Makkilvi ເປັນຫົວໜ້າ Jack ບອກ Jim ວ່າລາວມີບາງສິ່ງບາງຢ່າງທີ່ຕ້ອງລົມກັບ Jim ໃນຂະນະດຽວກັນ Jim ກຳລັງວຸ້ນກັບໂຄງການທຸລະກິດທີ່ສຳຄັນຂອງບໍລິສັດດັ່ງນັ້ນຈິ່ງຕອບວ່າຂ້ອຍຈະລົມກັນໃນພາຍຫຼັງ ຫຼາຍໆ ຊົ່ວໂມງໄດ້ຜ່ານໄປ Jim ໄດ້ລືມກ່ຽວກັບການນັດພົບຂອງ Jack ແຕ່ Jack ຍັງລໍຖ້າທີ່ຈະລົມກັບຫົວໜ້າຂອງລາວຢູ່ບ່ອນເກົ່າບໍ່ໄປໃສ ຈົນ Jim ຈື່ໄດ້ ແລະ ໄດ້ມີໂອກາດລົມກັນ ຫຼັງຈາກປະມານ 2-3 ອາທິດ Jack ກາຍເປັນຫົວໜ້າທີມຂອງນັກຂຽນໂປຣແກຼມເມີຫຼາຍໆ ຄົນ ຂອງບໍລິສັດ ຜູ້ທີ່ມີອາຍຸຫຼາຍກ່ວາສອງເທົ່າຄືກັບ Jim ເດົາວ່າ Jack ບໍ່ພຽງແຕ່ເປັນນັກຂຽນໂປຣແກຼມທີ່ດີ ລາວຍັງມີຄວາມອົດທົນ ແລະ ສະແດງຄວາມເປັນຜູ້ນຳເຊັ່ນກັນ.

ຫຼັງຈາກຮຽນຈົບມັດທະຍົມຕອນປາຍປີ 1995 Jack ໄດ້ໄປຮຽນຢູ່ມະຫາວິທະຍາໄລ Missouri ໃນວິຊາວິທະຍາສາດ ແລະ ເຕັກໂນໂລຢີ ແຕ່ຮຽນພຽງແຕ່ 2 ປີເທົ່ານັ້ນ ຄອບຄົວຂອງລາວໄດ້ຍ້າຍໄປຢູ່ນະຄອນນິວຢອກ ແລະ ເຂົ້າຮຽນຢູ່ມະຫາວິທະຍາໄລນິວຢອກ ສະຖານທີ່ທີ່ລາວເຄີຍຝັນມາຕັ້ງແຕ່ລາວຍັງເດັກນ້ອຍ ແລະ ສິ່ງທີ່ລາວຢາກບອກໃຫ້ຄົນອື່ນຮູ້ກໍໍ່ຄືວ່າໃນເວລານີ້ສິ່ງທີ່ເກີດຂື້ນກັບລາວ ມັນກາຍເປັນແຫຼ່ງຂອງຊ່ອງທາງການປັບປຸງສະຖານະໃນ Twitter ວ່າ “ມີຄວາມສຸກແນວໃດ?”

Jack ແມ່ນອີກຄົນໜຶ່ງທີ່ບໍ່ໄດ້ຮຽນຈົບ ເພາະລາວເຫັນວ່າການເຮັດວຽກໃນຊີວິດຈິງມີແນວໂນ້ມທີ່ຈະອ່ານຫຼາຍກວ່າການຂຽນໃນປື້ມຕຳລາຮຽນ ສະນັ້ນລາວຈຶ່ງລາອອກຈາກມະຫາວິທະຍາໄລເພື່ອຊອກຫາປະສົບການໃນການເຮັດວຽກ ໂດຍມີໂອກາດໄປເຮັດວຽກຢູ່ Dispatch Management Services Corp ໂດຍການສົ່ງໃບສະໝັກຄື ລາວໄດ້ສົ່ງຂໍ້ມູນໄປຫາ Greg Kidd ຫົວໜ້າຂອງບໍລິສັດໃນເວລານັ້ນ ວ່າລາວໄດ້ລັກລອບເຂົ້າໄປໃນລະບົບຄວາມປອດໄພຂອງບໍລິສັດ ແລະ ສົ່ງວິທີການພິສູດການຮົ່ວນີ້ໄປນຳກັນ ແລະ ສິ່ງນັ້ນໄດ້ເຮັດໃຫ້ Jack ຖືກຈ້າງເຂົ້າເຮັດວຽກຢູ່ບໍລິສັດນີ້.

ລາວຮຽນຮູ້ກ່ຽວກັບລະບົບສົ່ງຂໍ້ຄວາມ SMS ແລະ ເຫັນທຸກຂັ້ນຕອນຂອງການເຮັດວຽກຕັ້ງແຕ່ຕົ້ນທາງຈົນເຖິງຈຸດໝາຍໃນເວລາຈິງ ດັ່ງທີ່ລາວມັກລາວໄດ້ເຮັດຢູ່ທີ່ນີ້ເປັນເວລາຫຼາຍປີແລ້ວ ແລະ ໄດ້ອອກແບບຊອບແວທີ່ກ່ຽວຂ້ອງກັບລົດແທັກຊີ ແລະ ລົດສຸກເສີນ ແຕ່ໃນປີ 2000 ບໍລິສັດໄດ້ຖືກສານພິດຈາກຟອງສະບູ dot-com ເຮັດໃຫ້ Jack ຕົກວຽກເຊັ່ນກັນ ຈາກນັ້ນລາວໄດ້ເປັນອິດສະຫຼະ ແລະ ໄດ້ເຮັດວຽກນ້ອຍໆ ຢູ່ປະມານ 5 ປີ.

ຕໍ່ມາໃນປີ 2005 Jack ໄດ້ຖືກຈ້າງໃຫ້ເຮັດວຽກກັບ Odeo ການເລີ່ມຕົ້ນເຮັດກ່ຽວກັບ podcasting ຕັ້ງຢູ່ Silicon Valley ກັບ Evan Williams ນໍາທີມ ແລະ ລາວເປັນຜູ້ສ້າງຕັ້ງ Blogger ຊື່ງເປັນຄົນຂຽນບົດຄວາມ ແລະ ໄດ້ຖືກຂາຍໃຫ້ Google ໃນປີ 2003 ໂດຍບໍ່ໄດ້ເປີດເຜີຍລາຍຮັບ ແຕ່ມີຂ່າວລືວ່າ Google ຊື້ໂດຍອະນຸຍາດໃຫ້ລາວຖືຫຸ້ນໃນ Google ແລະ ໃນປີ 2004 Google ໄດ້ຊື້ IPO ເປັນບໍລິສັດມະຫາຊົນ Evan ກໍ່ຄ່ອຍໆ ຂາຍຫຸ້ນ ແລະ ສ້າງຕັ້ງບໍລິສັດໃໝ່.

ຕໍ່ມາໃນປີ 2006 Odeo ມີວິກິດການດ້ານການເງິນ ເຊິ່ງຈຳເປັນຕ້ອງຊອກຫາຜະລິດຕະພັນໃໝ່ ອອກສູ່ຕະຫຼາດ ຫຼັງຈາກນັ້ນ Evan ໄດ້ຮຽກຮ້ອງໃຫ້ທີມງານແບ່ງອອກເປັນ 2-3 ກຸ່ມນ້ອຍ ແລະ ຈາກນັ້ນໃຫ້ຄິດ ແລະ ນຳສະເໜີແນວຄວາມຄິດໃໝ່ໆ ແຍກຕ່າງກັນຄິດ Jack ມີຄວາມຄິດວ່າລາວຢາກປັບປຸງສະຖານະໃຫ້ໝູ່ເພື່ອນຢູ່ບ້ານເກີດເມືອງນອນຂອງລາວ ຫຼັງຈາກຍ້າຍໄປຢູ່ບ່ອນໃໝ່ມີຫຍັງເກີດຂື້ນໃນໂລກ online ດ້ວຍເນື້ອທີ່ທີ່ສາມາດແບ່ງປັນສະຖານະສັ້ນໆ ເພື່ອປັບປຸງຊີວິດປະຈຳວັນຂອງແຕ່ລະຄົນ ເພື່ອໃຫ້ໝູ່ເພື່ອນ ຫຼື ຜູ້ອື່ນໆ ທີ່ຕິດຕາມໄດ້ຮັບຮູ້.

Jack ແລະ ໝູ່ ຈື່ງຊ່ວຍເຫຼືອເຊິ່ງກັນ ແລະ ກັນໃນການຂຽນໂຄດໂປຣແກຼມ ໂດຍໃຊ້ຄວາມຄິດຂອງການສົ່ງຂໍ້ຄວາມແບບຖືກຈຳກັດໃນການສົ່ງຂໍ້ຄວາມ SMS ເຖິງຈຳກັດ 140 ຕົວອັກສອນ ແລະ ລາວໄດ້ໃຊ້ເວລາປະມານຢູ່ 2 ອາທິດເພື່ອສ້າງ ແລະ ຕັ້ງຊື່ວ່າ Twitter ດ້ວຍສັນຍາລັກນົກສີຟ້າ (ຊື່ງມີຜູ້ຮ່ວມສ້າງຕັ້ງ 4 ຄົນຄື: Jack Dorsey, Evan Williams, Biz Stone ແລະ Noah Glass.)

ການສົ່ງຂໍ້ຄວາມ tweet ໃນທຳອິດ Twitter ຖືກຈັດພີມໂດຍ Jack Dorsey ໃນວັນທີ 22 ເດືອນມີນາ ປີ 2006 ເວລາ 03.50 ນາທີ ການໂພສແມ່ນ “just setting up my twttr” ເຊິ່ງຕົວຈິງແລ້ວແມ່ນເວີຊັນເປີດໃຫ້ໃຊ້ແບບສາທາລະນະ ເປີດໃຫ້ບໍລິການຫຼັງຈາກປະມານ 3 ເດືອນ ຄືເດືອນມິຖຸນາ ປີ 2006.

ໃນເວລານັ້ນຊາວອາເມລິກາໄດ້ກ່າວວ່າ Twitter ບໍ່ມີຄວາມໝາຍ ເປັນເລື່ອງບໍ່ມີສາລະ ເຖິງແມ່ນວ່າຜູ້ຮ່ວມສ້າງຕັ້ງ Evan Williams ເຄີຍປຽບທຽບກັບ Twitter ແລະ ກະແລັມ ເຊິ່ງທັງສອງຄູ່ແມ່ນດີ ແຕ່ມັນກໍ່ບໍ່ມີຄ່າຄືກັນ.

ສິ່ງທີ່ຫນ້າປະຫຼາດໃຈ Odeo ໄດ້ສະໜັບສະໜູນໂຄງການຂອງນັກຂຽນໂປຣແກຼມໜຸ່ມເຊັ່ນ Jack Dorsey ເຖິງວ່າຈະມີບັນຫາທາງດ້ານການເງິນກັບນັກລົງທືນ ແຕ່ຕໍ່ມາ Jack ໄດ້ຮັບຂ່າວດີໃນເວລາທີ່ລາວຖືກເຊີນໃຫ້ກິນເຂົ້າເຊົ້າຈາກຜູ້ໃຊ້ Twitter ຢູ່ໂຮງແຮມ San Francisco ເຊິ່ງບໍ່ໄດ້ໃຊ້ເວລາລົມກັນຫຼາຍ ແຕ່ເຕັມໄປດ້ວຍປະໂຫຍກທີ່ມີເນື້ອໃນ ແລະ ຫຼັງຈາກການສົນທະນາຈົບ ແລະ ກັບໄປທີ່ຫ້ອງການໃນເວລາບໍ່ຮອດເຄິ່ງຊົ່ວໂມງ Jack ພົບວ່າລາວໄດ້ຮັບໃບເຊັກໃນຈຳນວນເງິນເຄິ່ງລ້ານໂດລາ ດ້ວຍເງື່ອນໄຂທີ່ບໍລິສັດໃໝ່ຕ້ອງແຍກອອກມາຈາກ Odeo ມັນໄດ້ເກີດຂື້ນບໍ່ຮອດໜຶ່ງເດືອນຫຼັງຈາກ Twitter ໄດ້ເປີດຕົວ.

ເຊິ່ງການລົງທືນນີ້ມາຈາກຊາຍຄົນໜຶ່ງຊື່ວ່າ Fred Wilson ນັກທຸລະກິດ ແລະ ນັກລົງທຶນຜູ້ສ້າງຕັ້ງ Union Square Ventures ຜູ້ທີ່ໄດ້ລົງທືນໃນບໍລິສັດເວບໄຊທ໌ ຕົວຢ່າງ: Tumblr, Foursquare, Zynga, Kickstarter ແລະ MongoDB.

ນອກຈາກ Fred ຈະມາລົງເງີນແລ້ວ ນອກນັ້ນເຂົາຍັງມາຊ່ວຍໃນການຄຸ້ມຄອງໃນ Twitter ເພື່ອໃຫ້ Twitter ຢູ່ໃນທິດທາງດຽວກັນກັບຄວາມຕັ້ງໃຈຂອງຜູ້ຮ່ວມສ້າງຕັ້ງຂື້ນມາ Fred ແມ່ນຜູ້ທີ່ສົນໃຈທຸກລາຍລະອຽດ ບໍ່ວ່າຈະເປັນລາຍລະອຽດນ້ອຍປານໃດກໍ່ຕາມ ໂດຍມັກຕັ້ງຖາມຄຳຖາມ ແລະ ມີບັນຫາ ໃໝ່ໆ ສຳລັບທີມງານເພື່ອຄົ້ນຄວ້າຊອກຫາຄຳຕອບຢູ່ສະເໝີ.

ຫຼັງຈາກໄດ້ຮັບເງີນທຶນແລ້ວ Twitter ໄດ້ເຕີບໃຫຍ່ຢ່າງໄວວາ ຍ້ອນມີໂທລະສັບສະມາດໂຟນທີ່ສາມາດເຂົ້າເຖິງອິນເຕີເນັດ ນອກຈາກນັ້ນຍັງງ່າຍຕໍ່ການໃຊ້ຫຼາຍກ່ວາການສົ່ງ SMS ໃນໂທລະສັບມືຖືແບບດັ້ງເດີມ ສົ່ງຜົນໃຫ້ປະຊາຊົນຫຼາຍກວ່າ 2,000 ລ້ານຄົນໃຊ້ Twitter ໃນເວລານັ້ນ ໃນເດືອນພຶດສະພາປີ 2008 ໄດ້ມີການສົ່ງຂໍ້ຄວາມ Tweet ຈຳນວນ 1,000 ລ້ານ ສົ່ງຜົນໃຫ້ Twitter ມີມູນຄ່າການຕະຫຼາດເຖິງ 1,5 ຕື້ໂດລາ.

ມີຂໍ້ດີກໍ່ມີຂໍ້ເສຍເຊີ່ງ Twitter ຖືກໃຊ້ເປັນອາວຸດການເມືອງ ເຫດການໃນປະເທດອີຣານໄດ້ປຸກລະດົມຝູງຊົນໂດຍການໃຊ້ Twitter ເພື່ອໂຄສະນາເຜີຍແຜ່ໃຫ້ຄົນເຂົ້າຮ່ວມການປະທ້ວງ ແລະ ເຫດການດຽວກັນນີ້ກໍ່ເກີດຂື້ນອີກຄັ້ງໃນປະເທດກົວເຕມາລາ ແລະ ອູການດາ ເຊິ່ງ Twitter ໄດ້ຖືກປະກາດວ່າເປັນກຸ່ມກໍ່ການຮ້າຍ ເຖິງຈຸດທີ່ກະຊວງການຕ່າງປະເທດສະຫະລັດໄດ້ເຊື້ອເຊີນທ່ານ Jack Dorsey ໄປພົບປະກັນຢູ່ປະເທດອີຣັກ ເພື່ອສອນຜູ້ນຳທ້ອງຖິ່ນໃຫ້ໃຊ້ Twitter ເພື່ອສື່ສານກັບພົນລະເມືອງຂອງເຂົາເຈົ້າ.

ໃນຖານະ Jack ເປັນ CEO ມື້ໃຫມ່ຮຽນຂັບ ລາວ ບໍລິຫານບໍ່ໄດ້ດີປານໃດ ແລະ ມັກຈະໃຊ້ເວລາຫຼາຍໃນການເຮັດກິດຈະກຳ ເຊັ່ນ: ການຫຼີ້ນໂຍຄະ  ຫຼື ອອກແບບແຟຊັ່ນ ດັ່ງນັ້ນຈີ່ງຂາດການເອົາໃຈໃສ່ໃນການບໍລິຫານທຸລະກິດໃຫ້ເຕີບໃຫຍ່ຕາມທີ່ນັກລົງທຶນຄາດໝາຍ ລາວໄດ້ຖືກກົດດັນຈາກນັກລົງທືນໃຫ້ລາອອກຈາກຕຳແໜ່ງ CEO ໃນປີ 2007.

ໃນປີ 2008 ຄະນະກຳມະການໄດ້ແຕ່ງຕັ້ງທ່ານ Evan Williams ເຂົ້າຮັບຕຳແໜ່ງແທນ CEO ແຕ່ Jack ຍັງຖືຕຳແໜ່ງປະທານຄະນະກຳມະການໃນຖານະຜູ້ຮ່ວມສ້າງຕັ້ງ Twitter ໂດຍບໍລິສັດໄດ້ແບ່ງອອກເປັນສອງດ້ານຢ່າງຈະແຈ້ງລະຫວ່າງ Jack ແລະ Evan.

ສຳລັບJack ເບິ່ງຄືວ່າລາວເກືອບຈະບໍ່ມີອຳນາດຫຍັງອີກໃນ Twitter ອີກຕໍ່ໄປ ສະນັ້ນລາວຈຶ່ງຫັນໄປຫາບໍລິສັດຂອງລາວເອງ ໂດຍເລີ່ມຕົ້ນຂຽນໂປຼແກຼມທີ່ສາມາດເຮັດໃຫ້ໂທລະສັບ ສິ່ງນັ້ນສາມາດປ່ຽນເປັນເຄື່ອງຂູດບັດເຄດິດໄດ້ ຫຼັງຈາກດາວໂຫຼດແອັບທີ່ມີຊື່ວ່າ Square ແລະ ຕິດຕັ້ງອຸປະກອນນ້ອຍໆທີ່ມີຮູບຊົງສີ່ຫລ່ຽມໃນຊ່ອງຫູຟັງຂອງໂທລະສັບ ທຸກໆ ຄັ້ງທີ່ມີຄົນຈ່າຍດ້ວຍບັດເຄດິດຜ່ານແອັບ app ລາວຈະໄດ້ສ່ວນແບ່ງ 2,75% ແລະ ທຸລະກິດນີ້ເຕີບໃຫຍ່ຢ່າງໄວວາ ແລະ ກາຍເປັນບໍລິສັດຮຸ່ງເຮືອງຂອງໂລກໄອທີ.

ເຖິງແມ່ນວ່າ Howard Schultz ຊື່ງເປັນ CEO ຂອງ Starbucks ໄດ້ລົງທືນຫຼາຍກວ່າ 25 ລ້ານໂດລາສະຫະລັດ Jack Dorsey ເປັນຫຸ້ນສ່ວນຮ້ານກາເຟທີ່ໃຫຍ່ທີ່ສຸດໃນສະຫະລັດອາເມລິກາ ຈະຊ່ວຍໃຫ້ Square ສາມາດເຂົ້າເຖິງຄົນທີ່ຍັງບໍ່ໄດ້ໃຊ້ບໍລິການແອັບ apps ຂອງລາວອີກເປັນຈຳນວນຫຼວງຫຼາຍ.

ໃນວັນທີ 19 ພະຈິກ 2015 Square ໄດ້ເຂົ້າຕະຫຼາດຫຸ້ນໃນນິວຢອກ ດ້ວຍມູນຄ່າຫຼາຍກ່ວາ 2,9 ຕື້ໂດລາສະຫະລັດ

ກັບໄປທາງ Twitter ກັບ Evan Williams ຍັງຢູ່ໃນການຄວບຄຸມ ເຊິ່ງລາວສາມາດຂະຫຍາຍຕົວ Twitter ໄດ້ໄວ ເພາະໄດ້ຮັບເງີນລົງທືນຫຼາຍກວ່າ 25 ລ້ານໂດລາ ເຊີ່ງ Twitter ເພີ່ມຂໍ້ຕົກລົງເພີ່ມເຕີມໂດຍໃຫ້ Google ແລະ Bing ຊື່ງໃຫ້ຜູ້ຄົ້ນຫາສາມາດສະແດງຜົນການຄົ້ນຫາໃນ (Search Engine) ໃຫ້ສະແດງຜົນໃນ Twitter ແລະ ຖືກປະຕິເສດຈາກເຟສບຸກໃນເວລານັ້ນ ເພາະຮູ້ວ່າລະຫວ່າງ Google ແລະ Facebook ແມ່ນຄູ່ແຂ່ງກັນ.

ເນື່ອງຈາກວ່າ Evan ເລີ່ມຢູ່ຫ່າງຈາກພະນັກງານທີ່ເພີ່ມຂື້ນເລື້ອຍໆ ໃນທີ່ສຸດຫຼັງຈາກບໍລິຫານ Twitter ເປັນເວລາສອງປີ ລາວໄດ້ລາອອກຈາກຕຳແໜ່ງ CEO ໃນປີ 2010 ແລະ ໄດ້ຈ້າງ CEO ທີ່ມີຝີມືມາບໍລິຫານແທນນັ້ນແມ່ນ Dick Costolo ຜູ້ທີ່ສາມາດນໍາ Twitter ໃຫ້ກາຍເປັນບໍລິສັດມະຫາຊົນ ໂດຍການນຳເຂົ້າຕະຫຼາດຫຸ້ນ ໃນວັນທີ 7 ພະຈິກ 2013 ເຖິງແມ່ນວ່າ Dick ຄຸ້ມຄອງບໍລິຫານໄດ້ດີຫຼາຍ ແຕ່ວ່າໃນແງ່ຂອງການເພີ່ມຈຳນວນຜູ້ນຳໃຊ້ເມື່ອປຽບທຽບກັບບັນດາບໍລິສັດສື່ສັງຄົມເຊັ່ນ: ເຟສບຸກພວກເຂົາກໍ່ເລີ່ມອອກໄປໄກໆ ໃນແງ່ຂອງທັງຜູ້ໃຊ້ ແລະ ລາຍໄດ້ ສຸດທ້າຍ Dick ຖືກບັງຄັບໃຫ້ອອກຕຳແໜ່ງ CEO ໃນວັນທີ 10 ມິຖຸນາ 2015 ອອກຈາກຄະນະບໍລິຫານ.

ຕຳແໜ່ງ CEO ກາຍເປັນບ່ອນຫວ່າງ ແລະ ບໍລິສັດກໍ່ເລີ່ມສັ່ນສະເທືອນ ຍ້ອນວ່າບໍລິສັດໃຫຍ່ໆ ຂາດຜູ້ນຳ ໃນວັນທີ 5 ຕຸລາ 2015 ຄະນະກຳມະການໄດ້ແຕ່ງຕັ້ງ Jack Dorsey ເຂົ້າຮັບຕຳແໜ່ງ CEO ຊົ່ວຄາວໃນຂະນະທີ່ກຳລັງຊອກຫາ CEO ຄົນໃໝ່ມາບໍລິຫານແທນ.

ແຕ່ໃນທີ່ສຸດມັນກໍ່ຍັງພົບໃຜທີ່ມີລະດັບດຽວກັບ Jack ຄະນະຕ້ອງໄດ້ຮ້ອງຂໍໃຫ້ Jack ກາຍເປັນ CEO ຂອງ Twitter ຢ່າງເປັນທາງການ Jack ໄດ້ຕົກລົງວ່າລາວຍັງຈະສາມາດເປັນ CEO ຂອງ Square Company ພ້ອມໆ ກັນເຖິງວ່າມັນບໍ່ແມ່ນວຽກງ່າຍທີ່ຈະເປັນ CEO ຂອງສອງບໍລິສັດໃນເວລາດຽວກັນແຕ່ລາວກໍ່ສາມາດເຮັດວຽກໄດ້ດີ.

ຫຼາຍຄົນປຽບທຽບມັນກັບ Steve Jobs ຜູ້ສ້າງຕັ້ງບໍລິສັດ Apple ວ່າມີເຫດການຫຼົບໜີຄ້າຍຄືກັນຄື: ຖືກບັງຄັບໃຫ້ລາອອກຈາກບໍລິສັດຂອງຕົນເອງ ແລະ ຖືກເອີ້ນໃຫ້ກັບມາບໍລິຫານກັບບໍລິສັດເກົ່າ ເພື່ອໃຫ້ລອດພົ້ນຈາກວິກິດ.

ຫຼັງຈາກ Jack ໄດ້ເລີ່ມຕົ້ນບໍລິຫານໃນ Twitter ທຸກຢ່າງກໍ່ດີ ແລະ ໃນເດືອນກຸມພາ ປີ 2018 ລາວໄດ້ລາຍງານຕໍ່ປະຊາຊົນໃນສະຫະລັດອາເມລິກາວ່າບໍລິສັດ Twitter Inc ໄດ້ຮັບຜົນກຳໄລເປັນຄັ້ງ ທຳອິດນັບຕັ້ງແຕ່ການສ້າງຕັ້ງມາເປັນເວລາ 11 ປີ ເຊິ່ງຜົນໄດ້ຮັບໃນໄຕມາດທີ 4 ປີ 2017 ລາຍໄດ້ທັງໝົດ ແມ່ນ 732 ລ້ານໂດລາ ແລະ ມີກຳໄລເຖິງ 91 ລ້ານໂດລາ.

ໃນໄລຍະຜ່ານມາ Twitter ໄດ້ການຊື້ທຸລະກິດຕ່າງໆ ແຕ່ບໍ່ປະສົບຜົນສຳເລັດເທົ່າທີ່ຄວນ ການປິດຫຼື ຂາຍບໍລິສັດໃຫ້ກັບບໍລິສັດອື່ນ Jack Dorsey ຕ້ອງໄດ້ທົບທວນວິທີການ Twitter ຢ່າງລະມັດລະວັງ ເຊິ່ງແທນທີ່ຈະໄລ່ຕາມທຸລະກິດອື່ນເພື່ອເສີມສ້າງລາວໄດ້ຕັດສິນໃຈກັບມາພັດທະນາເວທີ Twitter ໃຫ້ດີກວ່າເກົ່າເກົ່າ ໂດຍສຸມໃສ່ Live Event ຫຼື ຖ່າຍທອດສົດກິດຈະກຳ ຕ່າງໆ ເຊັ່ນ: ຂ່າວ, ກິລາ, ສາລະຄະດີຕ່າງໆ ຊື່ງແຕກຕ່າງຈາກເຟສບຸກ ສ່ວນເຟສບຸກແມ່ນສຸມໃສ່ Video Live ຫຼາຍຂື້ນຈາກຜູ້ຄົນ, ຄອບຄົວ ຫຼື ໝູ່ເພື່ອນ.

ໂດຍການປ່ຽນແປງວິທີການຂອງ Twitter ສາມາດເຊັນສັນຍາ ສຳລັບການອອກອາກາດສົດໃນ Twitter ກັບສຳນັກຂ່າວ ແລະ ສື່ໃຫຍ່ໆ ໄດ້ 22 ບໍລິສັດ ທີ່ມີສິດໄດ້ຮັບການຖ່າຍທອດສົດແບບມີການຢັ້ງຢືນ 1,140 ວຽກ ຢັ້ງຢືນວ່າເຫດການຈະຈັດຂື້ນໃນປີ 2018.

ສຳລັບເຄັດລັບຄວາມສຳເລັດຂອງ Jack Dorsey ແມ່ນວຽກໜັກ ລາວເຮັດວຽກ 16 ຊົ່ວໂມງຕໍ່ມື້ໂດຍການໃຊ້ Twitter ເປັນເວລາ 8 ຊົ່ວໂມງ ແລະ Square ເປັນເວລາ 8 ຊົ່ວໂມງ ເຊີ່ງລາວສາ ມາດເຮັດວຽກແບບນີ້ໄດ້ຕ້ອງວາງແຜນເຫດການຈັດແຈງໄດ້ດີ ລວມທັງການມີລະບຽບວິໄນໃນຕົວເອງ ແລະ ນີ້ແມ່ນຕາຕະລາງການເຮັດວຽກຂອງລາວໃນແຕ່ລະອາທິດ:

  1. ວັນຈັນ ປະຊຸມ ແລະ ດຳເນີນງານຂອງບໍລິສັດ.
  2. ວັນອັງຄານ ເຮັດວຽກເປັນຈຸດໃຈກາງຂອງສິນຄ້າ.
  3. ວັນພຸດ ກຳນົດຕຳແໜ່ງ ແລະ ການເຕີບໃຫຍ່ຂອງການຕະຫຼາດ.
  4. ວັນພະຫັດ ພັດທະນາຊອບແວ ແລະ ສົນທະນາກັບຄູ່ຮ່ວມງານ.
  5. ວັນສຸກ ພັດທະນາວັດທະນະທຳຂອງບໍລິສັດ.
  6. ວັນເສົາ ຊອກຫາເວລາອອກກຳລັງກາຍ ເຊັ່ນ: ແລ່ນ.
  7. ວັນອາທິດ ກວດເບິ່ງຄຳຕິຊົມ ແລະ ກົນລະຍຸດຂອງບໍລິສັດ.

ໃນປີ 2018 Jack Dorsey ອາຍຸ 41 ປີ ມີຊັບສິນທັງໝົດ 5,1 ຕື້ໂດລາ.