ຖະແຫຼງຂ່າວ

ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19ປະຈໍາວັນທີ20ພຶດສະພາ ປີ2020

ຂ້າພະເຈົ້າຮສ. ດຣ. ພູທອນ ເມືອງປາກ ຮອງລັດຖະມົນຕີ, ກະຊວງສາທາລະນະສຸກ ຂໍລາຍງານສະພາບການຕິດຕາມ, ເຝົ້າລະວັງ ພະຍາດ COVID-19 ຢູ່ ສປປ ລາວ ປະຈໍາວັນທີ 20 ພຶດສະພາ 2020 ດັ່ງນີ້:

  1. ສະພາບການເຝົ້າລະວັງCOVID-19ຢູ່ ສປປ ລາວຮອດ 5 ໂມງແລງ ຂອງວັນທີ 19ພຶດສະພາ 2020
  2. ວຽກງານຈຸດຜ່ານດ່ານ
  3. ຈໍານວນຜູ້ເດີນທາງເຂົ້າມາມີທັງໝົດ2,529ຄົນ
  4. ຈຸດຜ່ານດ່ານລາວໄທ ທັງໝົດ1,655ຄົນ, ໃນນັ້ນມີແຮງງານລາວກັບມາຈາກປະເທດໄທທັງໝົດ 115 ຄົນເຊິ່ງຜ່ານດ່ານສາກົນຂົວມິດຕະພາບ ແຫ່ງທີ 1 ມີ59 ຄົນ; ຜ່ານດ່ານສາກົນນໍໍ້າເຫືອງ, ແຂວງໄຊຍະບລີ ມີ 35 ຄົນ; ຜ່ານດ່ານສາກົນວັງເຕົົ່າ-ຊ່ອງເມັກ, ແຂວງຈໍາປາສັກ ມີ 21 ຄົນ; ເຫຼືອນັ້ນແມ່ນຄົນຂັບລົດສົົ່ງສິນຄ້າ.
  5. ຈຸດຜ່ານດ່ານລາວຈີນ ທັງໝົດ07ຄົນ,ໃນນີ້ ມີຄົນລາວ 01 ຄົນ , ຄົນຈີນມາເຮັດວຽກຢູ່ເຂດເສດຖະກິດພິເສດ 04 ຄົນເຊິ່ງທັງໝົດ ເຂົ້າມາຜ່ານດ່ານບໍ່ເຕັນ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.
  6. ຈຸດຜ່ານດ່ານລາວຫວຽດ ທັງໝົດ867ຄົນ,ໃນນີ້ ຄົນຫວຽດນາມເຂົ້າມາວຽກທາງລັດຖະການ 12 ຄົນ ມາຜ່ານດ່ານນໍໍ້າກັ່ນ, ແຂວງຊຽງຂວາງ, ເຫຼືອນັ້ນແມ່ນຄົນຂັບລົດສົ່ງສິນຄ້າ.
  7. ຈຳນວນຜູ້ເດີນທາງຜ່ານສະໜາມບິນສາກົນວັດໄຕ00ຄົນ.
  8. ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.
  9. ສຳລັບແຮງງານລາວຈຳນວນ115ຄົນລາຍລະອຽດມີດັ່ງລຸ່ມນີ້:
  10. ຜ່ານດ່ານສາກົນຂົວມິດຕະພາບ ແຫ່ງທີ 1 ມີ 59 ຄົນ ແມ່ນມີຖິ່ນຖານມາຈາກ ນະ

ຄອນຫຼວງວຽງຈັນ 25 ຄົນ, ອຸດົມໄຊ 11 ຄົນ, ວຽງຈັນ 09 ຄົນ, ຫຼວງພະບາງ 05 ຄົນ, ໄຊຍະບູລີ 04 ຄົນ, ສະຫວັນນະເຂດ 02 ຄົນ, ຊຽງຂວາງ01 ຄົນ, ຄໍໍາມ່ວນ01 ຄົນ, ສາລະວັນ01 ຄົນ.

  • ຜ່ານດ່ານສາກົນນໍໍ້າເຫືອງ, ແຂວງໄຊຍະບູລີ ມີ 35 ຄົນ, ທັງໝົດແມ່ນມີຖິ່ນຖານມາຈາກແຂວງໄຊຍະບູລີ.
  • ຜ່ານດ່ານວັງເຕົ່າ-ຊ່ອງເມັກແຂວງຈຳປາສັກ21ຄົນແມ່ນມີຖິ່ນຖານມາຈາກແຂວງຈຳປາສັກ15ຄົນ, ສາລະວັນ 04ຄົນແລະສະຫວັນນະເຂດ 02 ຄົນ.
  • ແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງຈົນກ່ວາຈະຄົບກຳນົດ 14ວັນ.
  • ການເຝົ້າລະວັງ ແລະ ວິເຄາະ
  • ໃນວັນທີ 19ພຶດສະພາ 2020, ໄດ້ເກັບຕົວຢ່າງມາກວດທັງໝົດ 90ຄົນ, ໃນນັ້ນ ມີກໍລະນີສົງໄສ02ຄົນ, ແຮງງານລາວທີ່ກັບມາແຕ່ໄທ83ຄົນ,ຜູ້ຕິດເຊື້ອນອນປິ່ນ

ປົວຢູ່ໂຮງໝໍມິດຕະພາບ05ຄົນ.

  • ກໍລະນີສົງໄສ02ຄົນທັງໝົດແມ່ນມາຈາກແຂວງບໍ່ແກ້ວ.
  • ແຮງງານລາວທີ່ກັບມາຈາກປະເທດໄທ83ຄົນລາຍລະອຽດດັ່ງລຸ່ມນີ້:​
  • ສະຫວັນນະເຂດ 38ຄົນ
  • ວຽງຈັນ 31 ຄົນ
  • ຈຳປາສັກ 07 ຄົນ
  • ສາລະວັນ 04 ຄົນ
  • ບໍ່ແກ້ວ 02 ຄົນ
  • ບໍລິຄຳໄຊ 01 ຄົນ 
  • ສຳລັບຜູ້ຕິດເຊື້ອນອນປິ່ນປົວຢູ່ໂຮງໝໍມິດຕະພາບ05ຄົນນັ້ນແມ່ນນ້ຳເບີ07, 10, 16, 17 ແລະ 18.
  • ຜົນກວດທັງໝົດຂອງມື້ວານນີ້ບໍ່ພົບເຊື້ອ.
  • ໝາຍຄວາມວ່າໃນວັນທີ 19ພຶດສະພາ 2020 ບໍ່ມີຜູ້ຕິດເຊື້ອໃໝ່.
  • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 19 ພຶດສະພາ2020 ໄດ້ເກັບຕົວຢ່າງມາກວດທັງໝົດມີ4,743ຕົວຢ່າງ,ກວດພົບເຊື້ອສະສົມ19ຄົນ(38 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).
  • ການຕິດຕາມຜູ້ເດີນທາງມາຈາກຕ່າງປະເທດໂດຍສະເພາະແຮງງານລາວຢູ່ສະຖານທີ່ຈຳກັດບໍລິເວນຕ່າງໆຂອງແຂວງ
  • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ82ສູນ, ມີຜູ້ຈຳກັດບໍລິເວນຢູ່ສູນ2,722ຄົນ, ໄດ້ເກັບຕົວຢ່າງມາກວດວິເຄາະທັງໝົດແລະບໍ່ມີຜູ້ຕິດເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ປັດຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 05 ຄົນຍີງ 04 ຄົນ ທັງໝົດເຫັນວ່າມີອາການປົກກະຕິ.
  • ການຕິດຕາມສະພາບການລະບາດຂອງປະເທດໃກ້ຄຽງແລະ ການລະບາດຢູ່ໃນໂລກ ເຫັນວ່າ:
  • ມາຮອດເວລາ 6:00 ໂມງເຊົ້າ ຂອງວັນທີ 20ພຶດສະພາ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ).

-ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ4,980,267 (92,143

ໃໝ່).

-ເສຍຊິວິດ324,432 (4,467 ໃໝ່) ກວມເອົາ 6.51% ຂອງຜູ້ຕິດເຊື້ອທັງໝົດ.

-ປີ່ນປົວຫາຍດີ1,957,753 (55,787 ໃໝ່)ກວມເອົາ 39.3% ຂອງຜູ້ຕິດເຊື້ອ

ທັງໝົດ.

-ປະເດັນສຳຄັນ ແມ່ນມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 19,236ຄົນ ແລະເສຍຊີວິດ1,485ຄົນຕໍ່ມື້ ຖືວ່າຍັງມີການລະບາດເປັນວົງກ້ວາງຢູ່ໃນບາງປະ

ເທດ.

  • ໃນບັນດາກຸ່ມປະເທດອາຊຽນກໍ່ເຫັນວ່າຍັງມີບາງປະເທດທີ່ມີອັດຕາການຕິດເຊື້ອໃໝ່ສູງ ສະເພາະວັນທີ 19 ພຶດສະພາ 2020 ສູງເຖິງ 486ຄົນ, ໃນມື້ດຽວນີ້ຢູ່ກຸ່ມປະເທດອາຊຽນມີຜູ້ເສຍຊີວິດ 37ຄົນ.
  • ຂໍ້ແນະນຳ

ບັນດາທ່ານທີ່ນັບຖື ແລະ ຮັກແພງ,

  • ບັນດາທ່ານໄດ້ຮັບຟັງຂໍ້ມູນ ສະພາບການກັ່ນກອງຜູ້ເດີນທາງເຂົ້າມາ ຕາມຈຸດຜ່ານແດນຕ່າງໆແລ້ວ, ສະພາບການລະບາດຂອງພະຍາດ COVID-19 ແລະ ການເລິ່ມເປີດໂຮງຮຽນບາງຊັ້ນຮຽນແລ້ວ.
  • ຂໍ້ມູນສໍາຄັນໃນມື້ນີ້ ແມ່ນການລາຍງານ ຂອງລະບົບເຝົ້າລະວັງພະຍາດ ຈາກທົ່ວປະເທດມາຫາສູນປະຕິບັດງານສຸກເສີນ ຂອງກະຊວງສາທາລະນະສຸກ ຢັ້ງຢືນວ່າ ສປປ ລາວ ບໍ່ພົບຜູ້ຕິດເຊື້ອໃໝ່ 38 ວັນແລ້ວ (ເລິ່ມແຕ່ວັນທີ 12ເມສາ 2020 ເປັນຕົ້ນມາ)ໄດ້ເກັບຕົວຢ່າງມາກວດທັງໝົດມີ4,743ຕົວຢ່າງ, ມີຈໍານວນຜູ້ຕິດເຊື້ອສະສົມ ທັງໝົດ 19 ຄົນ, ຍັງນອນຕິດຕາມຢູ່ໂຮງໝໍ 05 ຄົນ ເຊິ່ງໄດ້ເກັບຕົວຢ່າງມາກວດຄັ້ງໜຶ່ງແລ້ວ ມື້ອື່ນຈະສືບຕໍ່ເປັນຄັ້ງທີສອງ ແລະ ຈະຕິດຕາມຜົນກວດ ຈະສາມາດພິຈາລະນາອອກໂຮງໝໍໄດ້ຫຼືບໍ່.
  • ອີກເທື່ອໜຶ່ງ ຂໍຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຈົ່ງເອົາໃຈໃສ່ ທຳຄວາມເຂົ້າໃຈ ແຈ້ງການຂອງຫ້ອງວ່າການສຳນັກງານນາຍົກລັດ

ຖະມົນຕີ ເລກທີ 580/ຫສນຍ ພ້ອມທັງ ຮ່ວມແຮງຮ່ວມໃຈກັນ ສືບຕໍ່ປະຕິບັດຈົນກວ່າຈະມີແຈ້ງການປ່ຽນແປງ ຫຼັງວັນທີ 01 ມິຖຸນາ 2020. ບັນຫາສຳຄັນ ຂໍໃຫ້ບັນດາທ່ານເຂົ້າໃຈວ່າທຸກໆມາດຕະການທີ່ຜ່ອນຜັນລົງນັ້ນຈະຕ້ອງໄດ້ປະຕິບັດວິທີການປ້ອງກັນການຕິດເຊື້ອຢ່າງເຂັ້ມງວດ ໂດຍສະເພາະ ສະຖານທີ່ໃຫ້ບໍລິການ, ພະຫະນະໃຊ້ບໍລິການ, ​ຜູ້ໃຫ້ບໍລິການ ແລະ ຜູ້ມາໃຊ້ບໍລິການເປັນຕົ້ນແມ່ນ: ການປະຕິບັດຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດຢູ່ສະຖານທີ່ບໍລິການຕ່າງໆ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ,ການໃສ່ຜ້າປິດປາກ-ດັງ ເວລາອອກຈາກບ້ານຫຼືໄປສະຖານທີ່ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊິນເຄີຍໃນການດຳລົງຊີວິດປະຈຳວັນ. ພວກເຮົາຈຶ່ງຈະສາມາດສະກັດກັ້ນ ການລະບາດຂອງພະຍາດ COVID-19 ບໍ່ໃຫ້ກັບຄືນມາຮອບໃໝ່.​